Fréttablaðið - 12.01.2008, Qupperneq 8
8 12. janúar 2008 LAUGARDAGUR
KÓLUMBÍA, AP Eftir að hafa verið í
haldi kólumbíska uppreisnarhóps-
ins FARC í yfir fimm ár fengu
Clara Rojas og Consuelo Gonzalez
frelsi á fimmtudaginn. Er þetta
mikilvægasta skrefið sem orðið
hefur í deilu hópsins við stjórn-
völd í Kólumbíu frá árinu 2001
þegar FARC sleppti 300 her- og
lögreglumönnum.
Gonzalez, sem er fyrrverandi
þingkona, var rænt 2001. Roja,
sem var aðstoðarkona forseta-
frambjóðandans Ingrid Betan-
court, var rænt ásamt Betancourt
2002 þegar þær voru á ferð í frum-
skógum Kólumbíu. Fyrir þremur
árum eignaðist Roja son sem var
tekinn frá henni eftir átta mánuði.
Barnsfaðir hennar er einn upp-
reisnarmannanna. Aðeins nokkrir
dagar eru síðan að í ljós kom að
syni Roja hafði verið komið fyrir á
munaðarleysingjahæli í Bógóta,
höfuðborg Kólumbíu.
Hugo Chavez, forseti Venesú-
ela, samdi um lausn kvennanna og
voru þær fluttar beint til höfuð-
borgar Venesúela þar sem ástvin-
ir þeirra tóku á móti þeim ásamt
Chavez. Alvaro Uribe, forseti Kól-
umbíu, gaf Chavez grænt ljós á
björgunarleiðangur þrátt fyrir
deilur vegna afskipta Chavez af
átökum stjórnvalda og FARC sem
hafa staðið yfir í 50 ár.
Chavez hvatti Uribe til að veita
sér aukið umboð til að semja um
lausn fleiri gísla. Sagði hann björg-
unarleiðangurinn nú sýna mögu-
leika á frelsun fleiri gísla. Betan-
court, sem hefur kólumbískan og
franskan ríkisborgararétt, og þrír
bandarískir verktakar eru á meðal
gísla sem eru í haldi.
Uribe þakkaði Chavez í ræðu og
ítrekaði boð sitt um að ræða mögu-
leg fangaskipti við uppreisnar-
mennina en bætti við að „friður
næst ekki með því að láta undan
kröfum hryðjuverkamannanna“.
Chavez hvatti enn fremur til
þess að ríki myndu taka FARC af
lista yfir hryðjuverkasamtök og
að viðurkenning á pólitískum
markmiðum hópsins væri eina
leiðin til að binda enda á blóðug
átökin í Kólumbíu. sdg@frettabladid.is
© GRAPHIC NEWS
Uppreisnarhópur í Kólumbíu sleppir tveimur gíslum
Uppreisnarhópurinn FARC frels-
aði á fimmtudag tvær konur sem
hafði verið haldið í gíslingu í yfir
fimm ár í frumskógum Kólumbíu.
Forseti Venesúela, Hugo Chavez,
samdi um lausn gíslanna. Er
þetta fyrsta stóra jákvæða skrefið
í mörg ár í samskiptum kólumb-
ískra stjórnvalda og FARC, sem er
elsti uppreisnarhópur landsins.
Karakas
Bógóta
San Jose del Guaviare:
Tvær þyrlur Rauða krossins í
Venesúela sóttu gíslana.
Frjálsar: Fyrrverandi þingkonan
Consuelo Gonzales, 57 ára (vinstri)
og Clara Rojas, 44 ára, aðstoðar-
maður fyrrverandi forseta-
frambjóðandans Ingrid
Betancourt.
V E N E S Ú E L A
200 km
MYNDIR/AP
JÓRDANÍA, AP Jórdanskur maður
hefur verið ákærður fyrir að
myrða þrítuga dóttur sína þar
sem hann taldi hana vera í tygj-
um við karlmann.
Faðirinn játaði morðið og sagð-
ist með því hafa „hreinsað“ heið-
ur fjölskyldu sinnar.
Morðið átti sér stað í bæ í vest-
urhluta Jórdaníu þar sem íhalds-
samir ættbálkar bedúína búa.
Samkvæmt siðum þeirra mega
konur ekki tala við ókunnuga
karla og lúta þær algerlega stjórn
karla.
Árlega eru tuttugu konur að
meðaltali myrtar af karlkyns ætt-
ingjum í Jórdaníu. - sdg
Heiðursmorð í Jórdaníu:
Faðir myrti
dóttur sína
SKÓLAMÁL Ekki
hefur enn orðið
af sameiningu
Iðnskólans í
Reykjavík og
Fjöltækniskóla
Íslands en í
haust stóðu vonir
til að af henni
gæti orðið um
áramót.
Jón B. Stef-
ánsson, skóla-
meistari Fjöl-
tækniskólans, segir málið á borði
menntamálaráðherra, Þorgerð-
ar Katrínar Gunnarsdóttur, þar
sem tillögur sameiningarnefndar
liggja og hafa legið síðan fyrir jól.
„Það er búið að undirbúa málið
og samkomulag liggur fyrir,“
segir Jón sem býst heldur við að
ákvörðun ráðherrans liggi fyrir
fyrr en síðar. - bþs
Iðnskólinn og Fjöltækniskólinn:
Sameining ekki
gengin í gegn
JÓN B.
STEFÁNSSON
STJÓRNMÁL Birg-
ir Ármannsson,
þingmaður Sjálf-
stæðisflokks og
formaður alls-
herjarnefnd-
ar Alþingis, sér
meinbugi á frum-
varpi Lúðvíks
Bergvinssonar,
þingflokksfor-
manns Samfylk-
ingarinnar, um að
þingið kjósi dómara við Hæsta-
rétt.
„Það er umdeild aðferð og mér
finnst mikið álitamál hvort heppi-
legt sé að skipan dómara komi til
kasta þingsins,“ segir Birgir.
Frumvarpi Lúðvíks var vísað til
allsherjarnefndar í vetur en hefur
ekki hlotið umræðu. Birgir segist
ekki vita hvenær af umræðunni
getur orðið. - bþs
Birgir Ármannsson:
Lítt hrifinn af
tillögu Lúðvíks
BIRGIR
ÁRMANNSSON
Gíslum sleppt eftir
fimm ár í prísund
Kólumbíski uppreisnarhópurinn FARC sleppti tveimur konum sem höfðu ver-
ið í gíslingu í yfir fimm ár. Hugo Chavez, forseti Venesúela, samdi um lausn
þeirra. Önnur eignaðist barn sem var tekið frá henni en fannst nýlega.
1. Hvaða verkefni fékk Eyrar-
rósina fyrir framúrskarandi
menningarverkefni á lands-
byggðinni?
2. Hvað heitir ísbirnan sem
húnn var nýlega tekinn af í
dýragarði í Þýskalandi?
3. Hvað heitir Íslendingurinn
sem nýlega var valinn í lið árs-
ins í hollensku deildinni?
SVÖRIN ERU Á SÍÐU 50
Taktu þátt í að stækka miðborgina
www.hofdatorg.is
Áhugasamir eru hvattir til að hafa samband við Gísla Jónsson í síma 822 4418, eða með pósti á gisli@hofdatorg.is
fyrir lok janúar.
KVIKMYNDAHÚS OG RÁÐSTEFNUMIÐSTÖÐ Á HÖFÐATORGI
Óskað er eftir aðilum til að koma að rekstri kvikmyndahúss
og ráðstefnumiðstöðvar á hinu nýja Höfðatorgi sem nú rís við
Borgartún í Reykjavík. Þeim sem valinn verður til verksins býðst
einstakt tækifæri til að taka þátt í hönnun verkefnisins frá upphafi .
Þannig gefst frábært tækifæri til að móta spennandi starfsemi
í stækkandi miðborg Reykjavíkur.
MIÐBORGIN STÆKKAR
Höfðatorg afmarkast af Borgartúni, Skúlatúni, Skúlagötu og
Höfðatúni. Þar rís nú glæsileg byggð með fjölda fyrirtækja
og stofnana, fjölbreyttri þjónustustarfsemi, veitingastöðum
og opnum svæðum sem tengja gamla Laugaveginn og fjár-
málahverfi ð við Borgartún. Höfðatorg mun gegna lykil-
hlutverki í Reykjavík framtíðarinnar.
VEISTU SVARIÐ?