Fréttablaðið - 12.01.2008, Qupperneq 34

● hús&heimili
H
vernig er hægt að breyta venjulegum grámyglulegum janúar í
algera ævintýraferð án þess að skreppa til Balí? Ég mæli með
því að fólk hugsi út fyrir rammann, taki inn nýjar hugmyndir
og leyfi sköpunarkraftinum að njóta sín. Labbaðu út í bókabúð
og keyptu þér nokkur húsbúnaðarblöð og merktu við blaðsíðurnar sem
þér líst vel á. Janúar er mánuðurinn til að framkvæma. Í þessum mán-
uði eru hvorki jól, páskafrí, heimsmeistaramót né sumarfrí að þvæl-
ast fyrir okkur og því ekkert annað í stöðunni en að brjótast út úr viðj-
um vanans. Í ofanálag eru útsölur í flestum verslunum og því hægt að
krækja í klósett, flísar, málningu, veggfóður, blöndunartæki og húsgögn
á góðu verði.
Íslendingar geta oft og tíðum verið ótrúlega smeykir þegar kemur
að hönnun á heimilum. Allt á að vera svo stílhreint, klassískt og heppi-
legt að „dekkóið“ leyfir engin frávik. Oft þorir fólk heldur ekki að fram-
kvæma, þótt ekki skorti hugmyndirnar, fyrr
en nágranninn er búinn að gera slíkt hið sama.
Þá er hlaupið til þegar fólk sér að því er óhætt.
Þessi hugsunarháttur gerir það að verkum að
það er svolítið svipað umhorfs heima hjá allt
of mörgum. Ef við myndum hugsa svona þegar
við kaupum okkur föt myndum við bara klæðast
svörtum buxum og hvítum skyrtum, alla daga
ársins og líka á jólunum. Íslendingar eru til að
mynda hræddir við litaða veggi og það vegg-
fóðrar enginn heima hjá sér nema að vera pínu
„flippaður“. Svört málning er til dæmis stórlega
vanmetin, en ég elska hana, því mér finnst hún gera kraftaverk inni á
réttum heimilum. Þegar ég tala um svarta málningu fá margir hland
fyrir hjartað. Um daginn hringdi ég í frænku mína og sagði henni að ég
ætlaði að bæta við fleirum svörtum veggjum inni á heimilinu. Á hinum
enda línunnar varð þögn en svo stundi hún upp: „Þú ætlar sem sagt að
breyta heimilinu í Myrkraland.“ Ég hló nú bara að þessu því að mála of
marga veggi svarta hljómar kannski ekki sérlega vel en það kemur ótrú-
lega vel út. En með því að mála herbergi svart þarftu að huga að öllum
smáatriðum. Lýsing þarf til dæmis að vera afburðagóð með nokkrum
möguleikum, gluggatjöld þurfa að vera létt og ekki væri verra að blanda
platínulituðum húsgögnum við, smá gulli og nokkrum pallíettum. Ein-
hver sagði að pallíettupúðalaus tilvera væri ígildi andlegrar stöðnunar.
Ást mín á svarta litnum hófst fyrir nokkrum árum þegar ég eignað-
ist kolsvart baðherbergi. Ég átti reyndar ekki hugmyndina að því, fyrri
eigandi var með höfuðið rétt skrúfað á og vissi hvað hann var að gera.
Allir veggirnir voru svartir nema einn, hann var speglaklæddur uppúr
og niðrúr með góðri lýsingu. Eini gallinn var að á móti speglaklædda
veggnum var klósettið.
Nú er bara að hoppa upp úr sófanum og byrja, þetta hefst ekki öðru-
vísi.
Janúar í Myrkralandi
HEIMILISHALD
MARTA MARÍA JÓNASDÓTTIR
Ef við myndum
hugsa svona þegar
við kaupum okkur
föt myndum við
bara klæðast
svörtum buxum og
hvítum skyrtum,
alla daga ársins og
líka á jólunum.
● Forsíðumynd: Sófabekkur úr baðkari frá vefverslun-
inni www.reestore.com. Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar:
Sólveig Gísladóttir solveig@frettabladid.is og Emilía
Örlygsdóttir emilia@frettabladid.is. Auglýsingar:
Ámundi Ámundason s. 517 5724 Útlitshönnuður:
Kristín Agnarsdóttir kristina@frettabladid.is.
Lovísa Ósk Gunnarsdóttir, dans-
ari hjá Íslenska dansflokknum,
á gamlan sófa sem hefur tekið
miklum breytingum í gegnum tíð-
ina en er nú kominn í upprunalegt
horf. „Sófann keyptu amma mín
og afi í kringum 1950 í Trésmiðju
Víðis sem var á Laugaveginum.
Um tíma var hann í eigu vinkonu
ömmu minnar en þegar foreldrar
mínir fóru að búa fengu þau hann.
Nú er hann svo kominn í mínar
hendur,“ segir Lovísa Ósk.
Sófinn var upphaflega rauður
en amma hennar setti á hann grá-
grænt áklæði. „Hann var svo aftur
bólstraður rauður en mamma
klæddi hann með gylltu munst-
urefni. Nú er hann enn á ný orð-
inn rauður og á sér heiðurssess í
stofunni hjá mér,“ lýsir Lovísa en
segist þó aðeins hafa þurft að berj-
ast fyrir tilverurétti hans þegar
keypt voru ný húsgögn í stofuna.
Í litlum glugga til hliðar við sóf-
ann trónir svo skúlptúrhestur eftir
listakonuna Höllu Gunnarsdótt-
ur. „Maðurinn minn féll fyrir risa-
stórri útgáfu af hestinum en Halla
gerði aðeins minni fyrir okkur. Það
má segja að þetta sé uppáhalds-
hornið mitt á heimilinu og þar er
gott að láta líða úr sér eftir langar
æfingar,“ upplýsir Lovísa Ósk.
Lovísa Ósk hefur dansað með
Íslenska dansflokknum undanfarin
ár og þessa dagana standa yfir æf-
ingar fyrir febrúarsýninguna sem
verður frumsýnd í Borgarleikhús-
inu hinn 22. febrúar. „Þar munum
við annars vegar sýna verk eftir
Svíann Alexander Ekman og
hins vegar eftir Norðmanninn Jo
Strömgren,“ segir Lovísa Ósk.
- ve
Rauður, grænn, gylltur
og svo rauður á ný
● Sófi Lovísu Óskar Gunnarsdóttur dansara hefur margoft skipt um eigendur og tekið
ýmsum breytingum í gegnum tíðina.
Hvíti hesturinn sem trónir til hliðar við sófann er eftir listakonuna Höllu Gunnarsdóttur.
FRÉTTABLAÐIÐ/ANTON
● GRIKKLAND FYRIR ÁSTFANGNA Vefsíðan
www.greeceisforlovers.com er stórskemmtileg síða þar
sem boðið er upp á ýmsa furðulega og hlægilega hluti.
Til dæmis heklað iPod-hulstur fyrir ömmu gömlu,
æfingalóð mótuð eins og grísk-
ar súlur og kerti í
guðamyndum.
af vefnum
Danfoss ofnhitastillar
Háþróuð og notendavæn hitastýring sem veitir
þægilega húshitun og hámarks orkusparnað
Við erum leiðandi í hönnun og
framleiðslu ofnhitastilla
Danfoss stjórnbúnaður fyrir hitakerfi fæst í öllum helstu lagnaverslunum landsins
12. JANÚAR 2008 LAUGARDAGUR2