Fréttablaðið - 31.01.2008, Blaðsíða 21

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Georg Kári Hilmarsson hefur þróað með sér
fremur herralegan smekk.
„Ég á það mjög mikið til að vera í peysum með V-
hálsmáli og kaupi notað og nýtt í bland,“ segir Georg
Kári Hilmarsson, bassaleikari Sprengjuhallarinnar.
„Ég hugsa að hin síðari ár hafi ég þróað með mér
fremur herralegan smekk.“
Georg festi til dæmis kaup á Herning-peysu í
Kronkron fyrir skemmstu. „Hún er dönskættuð,
skemmtilega munstruð og með alveg sérstaklega
fallegu hálsmáli. Til hátíðabrigða finnst mér gaman að
nota gamaldags smókingskyrtu af langafa mínum, Jóni
Þórarinssyni, tónskáldi og rithöfundi, en það glittir í
hana upp úr hálsmálinu,“ segir Georg.
Hann segist líka halda mikið upp á „Super-dans“ skó
sem Jón Pétur í Dansskóla Jóns Péturs og Köru gaf
honum. „Þetta eru svona svartir og hvítir Cha Cha Cha
skór sem ég hafði lengi haft augastað á en Jón Pétur á
eins,“ segir Georg sem á töluverðan dansferil að baki.
Hann segist kaupa fötin sín hér og þar og á meðal
annars rauða golfpeysu, alsetta golfkylfum, sem hann
heldur mikið upp á. „Hana keypti ég í Kolaportinu. Ég
kaupi síðan allar gallabuxurnar mínar í Kronkron en
þar fást buxur sem heita „Cheap monday“. Þær eru
líka danskættaðar en framleiðandinn gerir þá kröfu að
þær séu seldar á viðráðanlegu verði,“ útskýrir Georg.
Áður fyrr hefði Georg líklega flokkast sem skoppari
og lýsti hann því margoft yfir að hann myndi aldrei
ganga í þröngum gallabuxum. „Ég hélt því líka statt og
stöðugt fram að ég myndi aldrei hysja upp um mig
buxurnar ömmu minni og afa til sérstakrar gremju. Í
seinni tíð hef ég þó þurft að éta það ofan í mig. Þetta
heldur þó áfram og nú eru amma og afi alltaf að
kvarta yfir gleraugunum mínum sem eru í stærri
kantinum.“ vera@frettabladid.is
Ætlaði
aldrei í
þröngt
FR
ÉTTA
B
LA
Ð
IÐ
/A
U
Ð
U
N
N
Georg er hrifinn af herralegum
V-hálsmálspeysum og er hæst-
ánægður með svarthvítu dansskóna
sem hann fékk nýlega að gjöf.
HÁTÍSKA Í KÍNA
TÍskuvikan í Hong Kong
fór fram nýlega og
mátti þar meðal ann-
ars sjá hönnun
hins indónesíska
Florence Liem.
TÍSKA 2
HUGGULEGT
GRAFFITÍ
Borð bandaríska
hönnuðarins Cole
Scego hafa vakið
athygli en hann beitir margvíslegum
vinnsluaðferðum eins og leysi- eða
vatnsskurði og notar ýmis tæki og áhöld.
HEIMILI 5