Fréttablaðið - 31.01.2008, Blaðsíða 58

34 31. janúar 2008 FIMMTUDAGUR
folk@frettabladid.is
Sony-fyrirtækið hefur gefið út
nýja hugbúnaðaruppfærslu fyrir
PSP-leikjatölvuna sem felur í sér
að hún getur nú tekið á móti
símtölum og hringt á netinu í
gegnum Skype-þjónustuna.
Skype gerir það mögulegt að
hringja í aðra Skype-notendur
frítt yfir netið auk þess sem hægt
er að hringja í aðra síma gegn
vægri greiðslu. Einnig er hægt að
senda og taka á móti talskilaboð-
um frá yfir 200 milljónum Skype-
notenda víðs vegar um heiminn.
Þeir sem vilja nota Skype í
gegnum PSP þurfa að uppfæra
hugbúnaðinn í útgáfu 3.90, skrá
sig og spjalla síðan með því að
nota heyrnartól og fjarstýringu.
Skype í
gegnum PSP
PSP Nú er hægt að nota Skype í gegnum
PSP-leikjatölvuna.
Hið árlega Svitaball Röskvu
verður haldið á skemmtistaðnum
Organ á föstudagskvöld þar sem
hljómsveitin Sprengjuhöllin
leikur fyrir dansi. „Það mæta
allir með svitabönd og í pínulítið
hallærislegum klæðnaði,“ segir
Dagný Ósk Aradóttir, formaður
Stúdentaráðs. „Krumpugallar eru
alltaf mjög vinsælir en annars er
þetta allt með frjálsri aðferð og
þetta er alltaf ógeðslega skemmti-
legt.“
Veitt verða verðlaun fyrir bestu
búningana og segist Dagný Ósk
vitaskuld ætla að mæta í sínu
fínasta pússi. „Ég er komin með
nokkra hluti en þeir eru leyndar-
mál. Þetta verður samt örugglega
þröngt og litríkt.“ - fb
Sprengjuhöll
á Svitaballi
SPRENGJUHÖLLIN Hljómsveitin
Sprengjuhöllin spilar á árlegu Svitaballi
Röskvu á Organ.
Gleðiþrennan bollu-, sprengi- og öskudagur kemur snemma í ár.
Herlegheitin hellast yfir okkur í næstu viku. Bakarar og kjötiðnaðar-
menn hafa brett upp ermarnar og búningasölufólk stendur í ströngu.
Hvaða búningar skyldu vera vinsælastir í ár?
Einari Arnarssyni, verslunarstjóra Hókus Pókus á Laugavegi, sýnist
hauskúputískan úr þungarokkinu hafa smitast inn í búningatísku
barnanna. „Drungalegir draugabúningar eru vinsælastir í ár, bæði hjá
strákum og stelpum,“ segir hann. „Þetta hefur kannski eitthvað með
bandarísku hrekkjavöku-
tískuna að gera líka.
Krakkarnir eru mikið í
svörtu, eru nornir,
vampírur og böðlar.“
Karítas Rós Einarsdótt-
ir, verslunarstjóri Just 4
Kids, tekur í sama streng:
„Nornabúningurinn er
langvinsælastur hjá
stelpunum. Ég kann í
sjálfu sér enga skýringu á
því að ungar stelpur vilja
vera nornir á öskudaginn
nema þá kannski að þessir
búningar eru mjög flottir.
Þeir eru svartir og með
flottum litum í bland, fjólublátt og silfrað. Hjá strákunum er svo
vinsælast að vera kúreki og sjóræningi, en samúræja-búningurinn er
líka vinsæll.“
Víðir Heiðdal hjá Toys „R“ Us kannast ekki við vinsældir nornatísk-
unnar. „Jú, við seljum svo sem eitthvað af nornabúningum en hjá okkur
eru tveir aðrir búningar miklu vinsælli hjá stelpunum; annars vegar
klappstýrubúningurinn úr High School Musical-þáttunum og svo
öskubuskubúningur. Sá er mjög sniðugur, hann getur bæði verið eins
og öskubuska í eldhúsinu og svo er honum snúið við og þá er hann eins
og öskubuska í veislunni. Hjá strákunum eru Star Wars og Turtles-
búningarnir vinsælastir.“ - glh
Nornasveimur
á öskudaginn
NORNIR OG DRAUGAR BIRTAST EFTIR VIKU Ösku-
pokar heyra hins vegar sögunni til.
Nemendur í Menntaskólanum í Reykja-
vík taka í dag þátt í samstarfsverkefni
málfundafélagsins Framtíðarinnar og
Unicef. Það gengur undir nafninu Gleði
til góðgerða. Nemendur bregða þá á leik
og safna áheitum til styrktar Barnahjálp
Sameinuðu þjóðanna.
Framtakið á rætur sínar að rekja til
janúar 2005, þegar nemendur vildu
leggja sitt af mörkum til að hjálpa
fórnarlömbum flóðbylgnanna í Asíu og
ári síðar rann fjárstyrkurinn til fórnar-
lamba jarðskjálftans í Pakistan. „Í fyrra
og í ár höfum við verið blessunarlega
laus við stórslys, svo við leituðum til
Unicef,“ útskýrir Magnús Þorlákur
Lúðvíksson, forseti Framtíðarinnar.
Meginþorri fjárframlaga kemur frá
nemendum sjálfum, enda eru það
aðallega þeir sem njóta góðs af glensinu.
Um 200 til 300 þúsund krónur hafa
safnast á ári hverju, og vonast Magnús
til að samanlögð framlög nái í ár einni
milljón króna.
Halldór Kristján Þorsteinsson er einn
þeirra sem bregður á leik í dag, en hann
einsetti sér að birtast í fimm fjölmiðlum
á sama degi.
Uppátæki Halldórs er bara eitt dæmi
um hugmyndaauðgi nemenda. „Ég veit
til þess að gjaldkeri skólafélagsins ætlar
að vera í náttfötum í skólanum allan
daginn. Annar ætlar að vera ber að ofan,
og svo er einn nemandi með samvaxnar
augabrúnir sem ætlar að láta skipta
þeim í þrennt. Það verður fróðlegt,“
segir Halldór og hlær við. „Svo er alltaf
klassískt að reyna við kennarana, tala í
rímum eða syngja allan daginn,“
útskýrir hann. - sun
Gleði til góðverka í MR í dag
FIMMFALDUR HALLDÓR Birtist Halldór Kristján
Þorsteinsson í fimm fjölmiðlum í dag munu 30
þúsund krónur renna til Barnahjálpar Samein-
uðu þjóðanna. FRÉTTABLAÐIÐ/RÓSA
> EKKI KYNÞOKKAFULL
Scarlett Johansson segir það víðs
fjarri sannleikanum að hún sé kyn-
tákn. „Mér finnst ég ekki vera kyn-
tákn! Hárgreiðslu- og förðunarfólkið
mitt þarf að eyða fleiri, fleiri klukku-
tímum í að klína málningu framan
í mig til þess að gera mig eitthvað
kynþokkafyllri,“ segir leikkonan.
Eins og Fréttablaðið greindi
frá í gær var málað með
svörtu yfir almenningslista-
verk á vegum listakonunnar
Sólveigar Dagmarar Þóris-
dóttur í Þjóðarbókhlöðunni.
Þau sem máluðu yfir verkin
hafa nú gefið sig fram og
segjast með þessu hafa
verið að tjá sína túlkun á
dvöl og brotthvarfi hersins
hér á landi.
Þau Snorri Páll Jónsson og Stein-
unn Gunnlaugsdóttir, sem stóðu
fyrir gjörningnum, segjast ekki
hafa verið að fremja skemmdar-
verk á myndunum heldur einfald-
lega að tjá sínar hugsanir. Í bréfi
sem þau sendu Sólveigu eftir
gjörning sinn segir meðal annars:
„Við hlustum ekki og beitum
valdamisnotkun til að sýna afleið-
ingar hennar. Við málum allt svart,
svart fyrir lygar, valdníðslu,
græðgi og þvinganir. Ástandið er
viðbjóðslegt. Tungan er svört af
lygum, þeirra sem þegja með
stríði, hvetja og styðja. Við málum
því allt svart,“ skrifa þau og bæta
við spurningunni hver sé eigin-
lega listamaðurinn í þessu verki
en yfirlýsingin er birt í heild sinni
á vefsíðu þeirra aftaka.org.
Sýningin ber yfirskriftina För
hersins, gjörninga- og ljósmynda-
sýning og gafst gestum Þjóðar-
bókhlöðunnar kostur á að tjá sig
um dvöl og brotthvarf hersins á
fjóra hvíta striga. Að sögn Þor-
steins Hallgrímssonar, aðstoðar-
bókavarðar í Þjóðarbókhlöðunni,
hafði töluverður fjöldi tjáð hugs-
anir sínar um herinn og voru allir
fjórir strigarnir þaktir fjölbreytt-
um myndum af öllum stærðum og
gerðum.
Snorri Páll sagði í samtali við
Fréttablaðið að þau Steinunn
hefðu aldrei verið í neinum felu-
leik með þetta. Þau hefðu meira
að segja tekið myndir af sínum
gjörningi. Og hann undrar sig á
því af hverju ekki hafi verið haft
samband við þau. Þátttaka þeirra
hafi falist í því að taka ekki við
fyrirframgefnum valmöguleik-
um, það er að nota þá málningu og
pensla sem boðið er upp á. „Með
því vildum við sýna hvernig stríð,
yfirvald og valdamisnotkun virk-
ar, það valtar yfir manneskjurnar,
skoðanir þeirra og líf,“ segir
Snorri. Aðspurður hvort ekki
hefði nægt að þekja einn af fjór-
um strigum með þessari svörtu
málningu segir Snorri að þeim
hafi einfaldlega þótt þetta miklu
táknrænna.
freyrgigja@frettabladid.is
Svart fyrir lygar og valdníðslu
MÁLAÐ YFIR Þau Snorri og Steinunn notuðu rúllur til að mála yfir þær myndir sem
fyrir voru á Þjóðarbókhlöðunni
Faxafeni 12, Reykjavík• Glerárgötu 32, Akureyri.
Frostavetur framundan
Þessi úlpa er með
90% dún og 10%
fiður og er hún
tilvalin flík fyrir
frostavetra.
Tindur dúnúlpa
fæst í svörtu og
olive/svörtu
Verð áður
27.600 kr.