Fréttablaðið - 31.01.2008, Blaðsíða 53
FIMMTUDAGUR 31. janúar 2008
Stórskemmtileg er sú nýjung hjá
Listasafni Reykjavíkur að hafa
opið í safni sínu í Hafnarhúsinu til
kl. 22 á fimmtudagskvöldum. Ekki
er síðri sá siður að bjóða upp á
skemmtilega dagskrá á þessum
kvöldopnunum.
Seinnipartinn í dag og í kvöld
fara fram afskaplega áhugaverðir
viðburðir í safninu. Viðburðirnir
tveir eru að miklu leyti ólíkir, en
eiga það þó sameiginlegt að huldu-
fólk kemur við sögu í þeim báðum.
Heimildarmynd eftir kvik-
myndagerðarmanninn Nisha Inals-
ingh verður á dagskrá kl. 17.30.
Myndin ber titilinn Huldufólk 102
og fæst við huldufólkstrú okkar
Íslendinga út frá margvíslegum
sjónarhornum. Kristinn Schram
þjóðfræðingur fylgir myndinni úr
hlaði með nokkrum vel völdum
orðum og eftir sýninguna mun
Kristinn, ásamt þeim Terry Gunn-
ell og Unni Þóru Jökulsdóttur, ræða
um myndina og hlutverk huldu-
fólks í menningarlífi og ímynd
Íslands.
Seinni viðburðurinn er ekki síður
spennandi. Það hefur vart farið
fram hjá myndlistaráhugafólki að
framlag Íslands til Feneyjatvíær-
ingsins í fyrra, sýningin Lóan er
komin eftir Steingrím Eyfjörð, er
nú til sýnis í Hafnarhúsinu, en í
henni koma fyrir nokkrar vanga-
veltur um huldufólk. Efnt verður
til umræðna um Tvíæringinn og
gildi þátttöku Íslands í honum í
kvöld kl. 20 í fjölnotasal Hafnar-
hússins. Hanna Styrmisdóttir sýn-
ingarstjóri og Steingrímur Eyfjörð
verða þátttakendur í umræðunum,
en umsjón með þeim hefur Ólöf K.
Sigurðardóttir. Gestir úr sal eru
eindregið hvattir til að leggja sitt
til málanna, enda auðgar þátttaka
sem flestra allar góðar umræður.
Það er því nóg um að vera í Hafn-
arhúsinu í kvöld og er vert að
benda á að aðgangur að viðburðun-
um er ókeypis og öllum opinn. -vþ
Huldufólk við höfnina
TERRY GUNNELL Tekur þátt í umræðum um hlutverk huldufólks í íslenskri menningu
í Hafnarhúsinu í dag.
Ekki missa af Ívanov
„Sviðsetning Baltasars Kormáks á Ívanov er eitt besta verk hans frá upphafi. Hún er þaulhugsuð og samvinna
þeirra Gretars Reynissonar hefur sjaldan borið glæstari ávöxt, og er þá ekki lítið sagt.“
Jón Viðar Jónsson, DV, 9. jan.
„Það er líka sjaldgæft að verða vitni að jafn kraftmikilli sýningu og þessari, jafn miklum galsa, jafn fumlausum
tökum á forminu, jafn afdráttarlausri túlkun, jafn tilgerðarlausri en jafnframt útpældri sviðsmynd...“
Þröstur Helgason Lesbók MBL, 29. des.
Takmarkaður sýningafjöldi!
Síðasta sýning 14. febrúar