Fréttablaðið - 09.03.2008, Blaðsíða 20

LJÚFAR STUNDIR
Þórdís Lilja Gunnarsdóttir skrifar
matur kemur út mánaðarlega með sunnudagsblaði
Fréttablaðsins. Ritstjórn: Sólveig Gísladóttir Hönnun: Silja
Ástþórsdóttir Forsíðumynd: Arnþór Birkisson Pennar:
Gunnþóra Gunnarsdóttir, Mikael M. Rivera, Ragnheiður
Tryggvadóttir, Roald Eyvindsson, Rut Hermannsdóttir, Vera
Einarsdóttir, Þórdís Lilja Gunnarsdóttir, Ljósmyndir: Frétta-
blaðið Auglýsingar: Stefán P. Jones spj@frettabladid.is
SKÝRINGAR Á UPPSKRIFTATÁKNUM:
A Aðal-réttur E Eftir-réttur
Til hátíða-
brigða
Hvunndags og
til hátíðabrigða
Annað kjöt
en fuglakjöt
MATREIÐSLUBÓKIN
VERSLUN SÆLKERANS
Jóhanna Vigdís er flestum kunn af skjánum og margir vita eflaust af
brennandi mataráhuga henn-
ar enda hefur hún gefið út
tvær matreiðslubækur. „Mat-
aráhuginn hefur fylgt mér allt frá því að ég
man eftir mér,“ segir Jóhanna Vigdís sem
hefur meira gaman af matargerð en bakstri
en lumar þó á ljúffengum eftirrétta -
uppskriftum.
„Ég geri til dæmis heita súkkulaðiköku
með heimatilbúnum ís og jarðarberjasósu.
Þetta er ein af þessum ekta með smjöri og
dökku súkkulaði. Kakan er dálítið blaut og
ísinn og sósan eru ljúffengt mótvægi. Það
má þó eins nota bláber, krækiber eða bara
þau ber sem manni þykir góð. Ísuppskriftin
er svo frá mömmu en hún hefur fylgt mér
alla tíð,“ segir hún og ábyrgist að enginn
verði svikinn af þessum eftirrétti. - ve
Sósan ljúffengt
MÓTVÆGI
Fréttakonan Jóhanna Vigdís Hjaltadóttir töfrar fram súkkulaðiköku
með jarðarberjasósu og heimatilbúnum ís.
Erlendur sonur Jóhönnu Vigdísar fær hér væna
sneið af súkkulaðiköku með jarðaberjasósu.
FRÉTTABLAÐIÐ/GVA
HEIT SÚKKULAÐIKAKA MEÐ
HEIMATILBÚNUM ÍS OG
JARÐARBERJASÓSU
SÚKKULAÐIKAKA
3 egg
3 dl sykur
1 1/2 dl hveiti
1 1/2 tsk. vanilludropar (má nota
vanillusykur)
4 msk. dökkt kakó
100 g dökkt súkkulaði
110 g smjör
Þeytið vel saman sykri og eggjum í
hrærivél svo úr verði þykk freyð-
andi blanda. Blandið hveiti,
vanilludropum og kakói saman við.
Bræðið súkkulaðið og bætið því út
í. Bræðið loks smjörið og blandið
saman við. Bakið í hringlaga formi
við 150 gráðu hita (án blásturs) í
um það bil 25 til 30 mín. Berið
kökuna fram heita með ís og
berjasósu.
Kakan er blaut
og alveg ekta
súkkulaðikaka
HEIMATILBÚINN ÍS
1/2 l rjómi
6 egg
6 msk. sykur
Þeytið rjómann og setjið hann í
skál. Þeytið egg og sykur vel
saman. Blandið þeyttum rjóma og
eggjablöndunni varlega saman,
setjið í álform og inn í frysti.
JARÐARBERJASÓSA
3 bollar jarðarber (mega vera
hvaða ber sem er)
2 1/2 bolli sykur
Saxið jarðarberin smátt og setjið í
pott. Hellið sykrinum yfir og hitið í
pottinum. Hrærið vel allan tímann
svo úr verði þykk og sæt sósa.
Skerið sneið af heitri köku, setjið
ísinn til hliðar og hellið síðan
sósunni yfir.
Hvað er það allra besta í heimi? Það sem lífið snýst um og miðar að hverja vökustund? Nautnafólkið segði hiklaust matartíminn.
Hinir vansvefta háttatíminn. Frídagar, segðu margir.
Og fjölskyldan, fyrst og fremst, segðu flestir.
Vegna alls þessa eru páskar svo fallegir. Því þeir
sameina þetta allt: Veislulega matartíma mörgum
sinnum á dag. Súkkulaði, súkkulaði og súkkulaði.
Háttatíma og útsofelsi, rólega letitíð og föstudaginn
laaaanga. Fimm frjálsa frídaga sem lausir eru við
annríki jólanna, og ég sakna sárt hátíðlegri páskadaga
þegar umferðin þagnaði, búðardyr skullu í lás og
afþreying reyndi á færni hvers og eins að
heimaföndra með ástvinum í inni- eða útiveru. Það
er nefnilega synd hve margir þurfa að þjóna til
óþurftar þeim heppnu sem fá frí á heilögum páskum
nútímans.
Og svo er það fjölskyldan; þessi fallegi klettur
sem nærir og gleður hjartað, róar það og sefar, og
gefur daglegu annríki merkingu og tilgang.
Fjölskyldan getur verið samofin blóðböndum,
mynduð af stjúptengslum, nánum vinum eða bara
ókunnugum, en það er samveran sem er svo dýrmæt
og fær sitt stóra tækifæri á páskum; hvort sem það
er í páskaeggjaleit, matarboðum heima, í guðshúsi
eða í þröngum fjallakofum íslenskrar náttúru. Því
þegar lífsreikningurinn uppgreiðist skiptir varinn
tími með ástvinum þungan sess.
Þetta vissi maður páskanna; Frelsarinn sjálfur.
Hans fjölskylda vorum við öll; tengd blóðböndum
eða ekki; kunnugir jafnt sem ókunnugir. Jesús gaf
okkur tíma sinn og líf, og er enn í stysta kallfæri;
hann minnti okkur á kærleikann, það sem skiptir
máli á lífstöltinu og tók á sig syndir okkar um
páska.
Reyndar eru páskar enn afar freistandi með tilliti
til synda; með græðgi, ofáti, ágirnd, öfund, hroka,
reiði og hverskyns munúðarlífi. Og auðvitað er engin
dauðasynd að borða dálítið yfir sig af páskaeggjum
og liggja verðskuldað mikið í leti, en vitaskuld miklu
flottara lífsmottó og meira viðeigandi að hafa
höfuðdyggðirnar sjö að leiðarljósi: hófstillingu,
hugrekki, visku, réttlæti, trú, von og kærleika.
Gleðilega páska! Njótum þess að borða á okkur
súkkulaðigat, kyssast og gefa hvert öðru gaum.
S Smá-réttir Sætindi
2 matur
Nammi
namm!
Í Vínberinu við Laugaveg er eitt mesta úrval af
gæðasúkkulaði og sætindum á landinu. Þar
svigna hillurnar undan konfektkössum,
súkkulaðiöskjum, brjóstsykrum og öðrum
sætindum. Eigandinn, Logi Helgason, hefur
rekið verslunina síðastliðna þrjá áratugi. Fyrstu
tvo áratugina var þar matvöruverslun en
síðastliðin tíu hefur ár hefur hann nær alfarið
boðið upp á konfekt, súkkulaði og sætindi.
„Súkkulaðiúrvalið hefur aukist gífurlega á
undanförnum árum og áhuginn samhliða,“ segir
Logi. „Ég er með allt upp í 99 prósent súkkulaði
og þó að mér finnist það persónulega óætt þá
eru margir sem kaupa það,“ bætir hann við.
Hann segir boðið upp á alls kyns nýjungar
eins og súkkulaði með engifer, sólberjum,
kirsuberjum, sítrónum, kaffi, apríkósum,
appelsínuberki og kanil. „Svo er líka hægt að fá
súkkulaði með chilipipar, lavender og timjan
svo eitthvað sé nefnt. Það hljómar eflaust
undarlega en fólki finnst það áhugavert.“
Frekari nýjunga er að vænta og nefnir Logi að bráðlega verði hægt að fá súkkulaði þar sem jurtir, ávextir, krydd
og berkir stingast út úr því líkt og fólk á að venjast með hnetur, rúsínur, lakkrís og hrískúlur svo dæmi sé tekið.
Í búðinni er einnig boðið upp á konfekt í borði auk þess sem þar er veglegur sælgætisbar. Logi segir Íslendinga þó
trega til að kaupa konfekt í borði og að það taki frekar með sér plötur og kassa. „Hér ríkir önnur hefð en til dæmis í
Belgíu þar sem fólk stendur í biðröðum til að ná sér í mola. Hér kaupir fólk þá aðallega einn og einn til eigin brúks en
kassana í gjafir.“
Vínberið
Eins og nafnið bendir til birtir bókin Tertur upp-
skriftir að tertum og leiðbeiningar um bakstur
þeirra og samsetningu. Sumar terturnar eru þunnar
og nettar en aðrar efnismeiri – sannkallaðar hnall-
þórur. Allar eiga það
sameiginlegt að
hæfa vel á hátíða-
borði. Glæsilegar og
gómsætar slá tertur
oftast í gegn, hvort
sem það er í ferm-
ingarveislum, páska-
kaffi, afmælum eða
af öðru tilefni.
Í bókinni eru upp-
skriftir að 50 tertum,
bæði hefðbundnum
og nýstárlegum og
allar eiga þær
uppruna sinn hjá
þýskum meisturum.
Þó ætti gerð þeirra að vera á færi flestra ef þeir á
annað borð fylgja forskriftinni. Litríkar myndir
segja líka sögu. Bókin kom út hjá PP forlagi árið
2004.
Tertur sem hæfa
vel á hátíðaborði