Fréttablaðið - 09.03.2008, Blaðsíða 26
Páskaegg GLAÐNINGUR FYRIR ÖLL SKILNINGARVIT
Ellen Marie Fodstad
hlakkar til að njóta
páskanna í heimalandi
sínu Noregi. Að þessu
sinni fyllti hún sígilt
litskrúðugt norskt
egg með íslensku
sælgæti.
Norðmenn fara nánast allir til fjalla og á skíði um páska. Mjög marg-
ir í Noregi eiga fjallakofa
sem hafa verið í ættinni
lengi og þar láta frændur
okkar fara vel um sig yfir
hátíðirnar. Síðan er farið á
gönguskíði alla daga og er
efnt til skíðakeppni í fjöl-
skyldunni. Þá bregðum við
okkur meira að segja í bún-
inga eða tínum til eitthvað
sniðugt úr bústaðnum. Ég
man eftir páskum þar sem
pabbi var í einhverju fiskineti og
ég hef skíðað með gúmmíhanska
á hausnum,“ segir Ellen Marie
Fodstad, verkefnastjóri í Nor-
ræna húsinu.
Þessi hátíð er mikilvæg fyrir
Norðmenn að sögn Ellenar, sem er
búsett hérlendis. Páskar séu helsta
hátíð fjölskyldunnar og og eru notaðir til
útivist í hennar heimalandi. „Þótt flestir fari
til fjalla eru líka sumir sem vilja vera í borg-
inni eða bænum og njóta rólegheitanna. Fara
á tónleika og sækja menningarviðburði,“
segir Ellen sem nefnir einnig glæpsamlegan
sið sem sé órjúfanlegur hluti norskra páska.
„Páskakrimminn er ómissandi. Bæði í sjón-
varpi og síðan lesum við alltaf reyfara um
páskana. Allar lestir og flugvélar eru troðfull-
ar af fólki með glæpareyfara í hönd og eins
bústaðirnir,“ segir Ellen. Hápunktur hátíð-
arinnar er eins og á Íslandi eggið. „Eggið
er úr pappa, troðfullt af sælgæti, helst
súkkulaði og marsipan. Krakkarnir
leita að því eins og á Íslandi, en í
minni fjölskyldu er það á laugar-
dag fyrir páska,“ segir
Ellen sem heldur heim
til Noregs um þessa
páska. Sænsku
páskarnir eru að
mörgu leyti líkir
þeim norsku en
þar klæða
krakkar sig
eins og litlar
nornir og
hlaupa um með
kústa og betla
sælgæti. Í Finnlandi
er hefð fyrir ákveðnu páska-
brauði sem er einskonar sætt
rúgbrauð og í Danmörku borgar
sig að vera með athyglina í lagi þegar
páska ber að garði. „Danir senda leynileg bréf
með þrautum fyrir páska. Þeir sem geta ráðið
gátuna fá páskaegg að launum. Þeir sem ekki
geta ráðið gátuna þurfa hins vegar að gefa
sendanda páskaegg,“ útskýrir Ellen sem segir
hin Norðurlöndin öll vera með pappírsegg í
stað hins íslenska súkkulaðieggs. Einnig er
siður á Norðurlöndunum að mála á venjuleg
hænuegg fyrir páska sem síðan eru hengd í
trjágreinar ásamt litskrúðugum fjöðrum.
Leitin að egginu
samnorræn hefð
Páskarnir í Skandinavíu hafa allir sín sérkenni. Sameiginlega eiga
löndin þar þó eggjaleitina. Þá þeysast börnin um bæði úti og inni
og finna loksins fjársjóðinn.
8 matur
Síðastliðin þrjú ár hefur súkkulaðimeistarinn Hafliði Ragnarsson, hjá Mosfellsbakaríi, boðið upp á dýrleg páskaegg. Þau eru fagurlega
skreytt í ýmsum útfærslum og hráefnið er dýrindis
súkkulaði-villibaunir frá Bólivíu. Súkkulaðimeist-
arinn hefur ekki undan við að steypa eggin sem
urðu fimm hundruð talsins í fyrra. Í ár býst hann
við að þau verði enn fleiri. Hér býður Hafliði upp á
góða og einfalda páskamola. Trufflur, sem er hægt
er að setja í nammiskálina, inn í heimatilbúið páska-
egg eða á koddann hjá elskunni að morgni.
Hafliði galdraði fram fimm hundruð
egg í fyrra. Hann hefur ekki undan
og býst við að gera enn fleiri í ár.
Dýrlegir molar
fyrir páskana
COINTREAU -TRUFFLA
200 g smjör (mjúkt)
500 g hvítt súkkulaði
Súkkulaðispænir
Cointreau líkjör u.þ.b. 50 g (eða eftir
smekk)
Mýkið smjörið í hrærivél og bræðið
súkkulaðið í örbylgju eða yfir vatnsbaði.
Látið það ekki hitna of mikið. Hellið
súkkulaðinu varlega saman við smjörið og
gætið þess að skafa niður í köntunum svo
ekki myndist kekkir. Þegar blandan er
orðin jöfn setjið þið líkjörinn út í og hrærið
blönduna þar til hún er orðin hæfilega
þykk. Setjið í sprautupoka með sléttri
tjullu og sprautið á bökunarplötu með
smjörpappír. Leyfið molunum að stífna í
ca 1 -2 klst. Dýfið því næst í hvítt súkku-
laði og veltið upp úr súkkulaðispæni.
Þessa uppskrift er auðvelt að leika sér
með og gera önnur tilbrigði. Til dæmis
með að skipta um súkkulaði og líkjör eða
sleppa honum. Til dæmis má nota 250 g
dökkt súkkulaði og 300 g rjómasúkkulaði.
Svo má velta molunum upp úr mismun-
andi muldum hnetum. Tildæmis ristuðum
heslihnetum. Muldum ristuðum möndl-
um, pistasíum eða ristuðum kókos. Þegar
heilar möndlur og heslihnetur eru
ristaðar er best að rista þær á lágum hita,
10°c, þar til þær eru fallega gylltar og
ekki hráar í miðju þegar þær eru muldar.
SÚKKULAÐI-TRUFFLA
500 g dökkt súkkulaði
250 g rjómi
500 g dökkt súkkulaði til að hjúpa
Hitið súkkulaðið varlega upp í örbylgju-
ofni án þess að fara yfir 30°C. Hitið
rjómann aðeins upp að 30°c og blandið
svo saman við súkkulaðið. Notið
töfrasprotann til að vinna innihaldið vel
saman. Sprautið í litlar kúlur og kælið.
Dýfið því næst í súkkulaði og veltið svo
upp úr góðu kakói.
PÁSKA-TRUFFLUR FYRIR ELSKUNA
Súkkulaðið leikur í
höndum Hafliða.
Súkkulaði-Búdda sem
gætir páskaeggjanna í
Mosfellsbakarí við
Háaleitisbraut.
Súkkulaðimeistarinn Hafliði Ragnarsson hjá Mosfellsbakaríi gerir
listilega falleg egg úr dýrindis súkkulaði-villibaunum.
FR
ÉT
TA
BL
A
Ð
IÐ
/G
VA
FR
ÉT
TA
BL
A
Ð
IÐ
/S
TE
FÁ
N
E