Fréttablaðið - 09.03.2008, Blaðsíða 71
GLAÐNINGUR FYRIR ÖLL SKILNINGARVIT Páskaegg
Fyrir börn með fæðuó-
þol geta heimatilbúin egg
verið virkilega góð lausn.
matur 9
Undirbúningur páskanna hefst með páskaeggja-gerð heima hjá Sólveigu
Eiríksdóttur, hjá Himneskri holl-
ustu. „Vinir mínir og krakkarnir
þeirra koma oft heim til mín rétt
fyrir páska. Síðan búa allir til páskaegg saman
og skreyta. Þetta hef ég gert til fjölda ára,“
útskýrir Sólveg sem segir eggin líka góð fyrir þá
sem ekki geta borðað venjuleg páskaegg.
„Ég á fjórtán ára ungling og sem er með fæðu-
ofnæmi og hún hefur aldrei smakkað öðruvísi
páskaegg. Síðan eru þessi egg líka hollari og
krökkunum finnst svo gaman að fá að búa til sín
eigin egg og skreyta,“ segir Sólveig og bætir við að
það sé sáraeinfalt að búa til eggin. „Þetta virðist
kannski flókið í fyrstu. Sannleikurinn er hins vegar
sá að þetta er ekkert mál,“ segir Sólveig sem notar
alls kyns súkkulaði í eggin. „Súkkulaðimenningin
hefur aukist almennt. Það er til svo mikið af æðis-
lega góðu og öðruvísi súkkulaði. Úr þeim er hægt að
búa til páskaegg. Bæði nota grunnuppskrift frá mér
og blanda út í sitt uppáhaldssúkkulaði. Eða bræða eitt-
hvað sem manni finnst gott. Krydda síðan með chili eða
appelsínuberki og bara nota ímyndunaraflið,“ segir Sól-
veig sem bætir við að páskaeggjamótin fáist í verslun-
inni Pipar og salt á Klapparstíg.
Heimatilbúið
sælkeraegg SÚKKULAÐIÐ1 dl lífrænt kakóduft½ dl kaldpressuð kókosolía
½ dl kakósmjör
½ dl agavesýróp
Setjið kakóduft , fljótandi kókosolíu,
fljótandi kakósmjör og agavesýróp í skál
Hrærið þessu saman þar til blandan er
alveg kekklaus.
Síðan er gott að krydda með smá
vanilludufti og eða örlitlum cayenne
pipar.
Til að kókosolían verði fljótandi er
þjóðráð að láta heitt vatn renna á
kókosolíukrukkuna eða setja
krukkuna í skál með um 50 gráðu
heitu vatni í vaskinum.
Til að kakósmjörið (fæst í heildsölum
sem selja bökunarvörur) verði fljótandi
er gott að setja það í skál og inn í
örbylgjuofn eða bræða það yfir vatns-
baði. Ef þið fáið ekki kakósmjör getið
þið notað 85 prósent súkkulaði (til
dæmis frá Gepa sem fæst í Maður
lifandi), bræða yfir vatnsbaði og nota
með kókosolíunni.
Ef þið nennið ekki að búa til eigið
súkkulaði þá veljið þið bara eitthvert flott
súkkulaði sem þið bræðið yfir vatnsbaði
og hellið í formin.
PÁSKAEGG
Takið páskaeggjaform og látið nokkrar
skeiðar af súkkulaðinu í formið. Hallið
forminu fram og til baka þannig að
súkkulaðið renni um formið og þeki það
vel.
Setjið bökunarpappír á plötu og snúið
formunum á hvolf á plötuna og látið
súkkulaðið storkna. Þið farið alveg eins
að með fótinn. Þetta tekur um 5 mín, en
þið getið flýtt fyrir með því að setja
formin inn í frysti eða kæli.
Endurtakið að minnsta kosti einu sinni.
Fer allt eftir því hve vel ykkur tekst til að
þekja formin og hve þykk súkkulaðiskelin
er orðin.
Þegar skeljarnar eru tilbúnar þá er um að
gera að setja skemmtilegan málshátt og
fleira spennandi inn í eggið. Til dæmis
heimatilbúið sælgæti eða annað fallegt
sem kemur á óvart.
Egginu er lokað með því að nota fljótandi
súkkulaði sem lím. Því er smurt á kantinn
á annarri skelinni og síðan er eggið „límt“
saman. Þar næst setjið þið smá „súkkul-
aðilím“ á fótinn og límið eggið á hann.
Til að laga kantana setjið þið súkkulaði í
sprautupoka og sprautið því allan hring-
inn. Svo má skreyta með sælgæti eða
pallíettum og öllu þar á milli. Að lokum er
unginn festur á og eggið er tilbúið.
HEIMAGERÐ PÁSKAEGG ÚR HEIMAGERÐU SÚKKULAÐI
Nægir fyrir eitt meðalstórt egg eða tvö minni
Eggin búa til
skemmtilega
stemmingu fyrir
hátíðirnar.
Páskamolar af
öllum stærð-
um og gerðum
úr heimatilbúnu
súkkulaði.
Heimatilbúin páskaegg eru árleg páskahefð
hjá Sólveigu Eiríksdóttur. Ýmist notar hún
heimatilbúið súkkulaði eða sælkerasúkku-
laði með chili eða appelsínum.
Heimatilbúnu eggin
hennar Sollu slá
alltaf í gegn hjá
krökkunum. Litli
aðstoðarmaðurinn
heitir Gísli Jónsson
og er átta ára.
FR
ÉT
TA
BL
A
Ð
IÐ
/A
RN
ÞÓ
R
Nammi
namm!
E