Fréttablaðið - 29.03.2008, Síða 32

● heimili&hönnun
Þórunn Sigurðardóttir, listrænn
stjórnandi Listahátíðar Reykjavík-
ur, er nýflutt í Kópavoginn. Hún
festi kaup á íbúð í Lundi 1 þar sem
hún hefur útsýni yfir Fossvoginn.
og segist hafa valið hana með mál-
verk sín sérstaklega í huga.
„Mér finnst mikilvægast að þau
fái að njóta sín og í raun finnst mér
að fólk ætti að innrétta hjá sér út
frá myndum en ekki húsgögnum. Í
mínum huga eru það myndir, matur,
blóm og bækur sem gera íbúð eða
hús að heimili en ég reyni alltaf að
vera með ný blóm í vösum,“ segir
Þórunn.
Málverkið sem hún stendur við
er eftir Þorbjörgu Höskuldsdóttur
en eiginmaður hennar, Stefán Bald-
ursson, óperustjóri og fyrrverandi
þjóðleikhússtjóri, fékk það í sex-
tugsafmælisgjöf frá Þjóðleikhús-
inu.
Þórunn hefur gaman af því að
elda og finnst dásamlegt að vera
komin í stórt eldhús með góðri að-
stöðu og útsýni. „Það veitir inn-
blástur við eldamennskuna,“ segir
Þórunn, sem hefur lengst af búið
í Reykjavík en segir gott að kom-
ast út fyrir hringiðuna þegar hald-
ið sé heim. „Nú eru börnin flogin
úr hreiðrinu en ég er sérstaklega
ánægð með stóra eldhúsið og borð-
stofuna sem rúmar fjölskylduna
þegar hún sameinast.“
Listahátíð leggur um þessar
mundir sérstaka áherslu á mynd-
list og eru sýningar víða. „Mynd-
list, í hvaða formi sem hún er,
speglar samtímann og er mikilvæg
skráning hans,“ segir Þórunn. - ve
● FÁÐU ÚTRÁS VIÐ ELDHÚSBORÐIÐ Danski hönnuðurinn Lou-
ise Campbell hannaði þetta borð sem kallast „Leave your mark“ sem gæti
þýtt: settu mark þitt. Það var hannað árið 2002 fyrir einkasýningu Camp-
bell, Biðstofan. Hugmyndin er sú að létta á spennunni sem getur skap-
ast á biðstofum en fólki er frjálst að setjast við borðið og beita hnífnum til
að fá útrás á borðinu. Það má skrapa nafnið sitt, skoðanir eða sarga borð-
fótinn af. Þó að borðið hafi upphaflega verið hannað inn á biðstofu má sjá
það fyrir sér inni á heimilinu því oft er þörf á útrás við eldhúsborðið.
Lifandi blóm, matur
og myndlist í Lundi
● Þórunn Sigurðardóttir segir myndir, mat, blóm og bækur gera hús að heimili.
G
ömul vinkona mín trylltist einn góðan veðurdag. Hún breytt-
ist úr sætri hippastelpu í settlega húsfrú. Flæktist milli stór-
borga og fékk sérlegan áhuga á kampavíni í dýrari kantinum.
Uppeldis aðferðum á börnum og hundum. Og til að kóróna allt
innanhússhönnun og góðgerðastarfi.
Ástæðan fyrir umbreytingunni var nýtilkomið hjónaband við (að mér
fannst vafasaman) ítalskan auðjöfur. Blessunin hún vinkona mín lagði
því niður störf og gerðist heimafrú og fyrsta góðverkið var ég. Eða rétt-
ara sagt svefnherbergið mitt og hjúskaparstaða. Eftir eitthvert feng
shui-námskeið í Mílanó kom hún sigri hrósandi í heimsókn og tilkynnti
mér að seint yrði blásið til brúðkaups með svefnherbergið mitt svona út-
lítandi.
Ég sá svo sem ekkert athugavert við svefnherbergið mitt. Eða hjú-
skaparstöðu í fljótu bragði. Þar var tvíbreitt rúm og dásamlegir skápar
frá sjötta áratug síðustu aldar. Stóll og gluggi og ljósakróna með glingri
sem mér finnst mjög sæt.
Þrátt fyrir alkunna þrjósku mína náði heimsdaman að sannfæra mig
um að rómantíkin ætti heima í svefnherberginu mínu og að hún væri
rétta stelpan í djobbið. Ég rétti henni því húslyklana í sakleysi mínu og
dembdi mér í sumarbústað. Á sunnudagskvöld
skall á mér stund sannleikans. Hress en þreytt
kom ég í svolítið stórri hettupeysu og ullarsokk-
um með bakpokann upp stigann heima. Íbúðin
var svo sem eins og hún átti að sér að vera. Þang-
að til ég hætti mér inn í svefnherbergið mitt.
Nágranninn hefur eflaust grunað mig um eitt-
hvað misfagurt þegar ég garg aði: „ÉG GET SVO
SVARIÐ ÞAÐ!“ Enda frekar sjokkerandi breyt-
ingar sem höfðu átt sér stað.
Rómantíkin lak niður veggina í líki gylltra klifurjurta. Eitthvað svona
nýmóðins betrekk sem vinkonan hafði keypt í Tókýó. Náttborðin voru
orðin tvö og á rúminu var pastellitað bleikt lak sem minnti á Disney-
kennda martröð. Sömu sögu var að segja um rúmfötin, öll með tölu. Þau
voru bleik. Bara bleik. Á borðinu voru fölfjólubleikar hortensíur og miði
frá skæruliðanum. „Finnst þér þetta ekki æði! Njóttu þess að vera róm-
antísk.“ Dóttir mín stóð agndofa fyrir aftan mig með úfnar fléttur og
tárin í augunum. „Mamma, braust einhver inn hjá okkur?“
Vinkonan rétt náði mér í símann áður en hún steig um borð í þotuna á
leið til Brussel. Ég hrósaði henni í hástert um leið og ég leitaði að hvítum
lökum og velti fyrir mér hvernig ég ætti að útskýra mál mitt þegar hún
kæmi næst í heimsókn. Korteri síðar var Disney-martröðin gengin yfir,
herbergið ófengsjúað og hortensíurnar komnar út í tunnu.
Falleg svefnherbergi og rómantík eru svo sannarlega af hinu góða. Þó
er víst að gylltar klifurjurtir og pastel snerta strengi í mér sem ég vil
síður að ómi. Hernámi heimilisgyðjunnar lauk að kvöldi dags með minni
eigin nýrómantík og hún er blessunarlega laus við allt sem heitir bleikt.
Hertekin af heimilisgyðjunni
HEIMILISHALD
RUT HERMANNSDÓTTIR
● Forsíðumynd: Valgarður Gíslason tók mynd á heimili
Regínu Óskar Óskarsdóttur Útgáfufélag: 365 miðlar ehf.,
Skaftahlíð 24, 105 Reykjavík, s. 512 5000 Ritstjórar: Roald
Eyvindsson roald@frettabladid.is, Emilía Örlygsdóttir
emilia@frettabladid.is Auglýsingar: Ámundi Ámunda-
son s. 517 5724 Útlitshönnuður: Kristín Agnarsdóttir
kristina@frettabladid.is.
Þórunn reynir alltaf að vera með lifandi blóm í vösum. Hér stendur hún við málverk eftir Þorbjörgu Höskuldsdóttur og í baksýn
má sjá eldhúsið en úr því er fallegt útsýni. FRÉTTABLAÐIÐ/ARNÞÓR
Rómantíkin lak
niður veggina í líki
gylltra klifurjurta.
Eitthvað svona
nýmóðins betrekk
sem vinkonan
hafði keypt í Tókýó.
Danfoss X-tra línan
TM
Ný lína af ofnhitastillum sem eru hannaðir
fyrir handklæða- og sérhannaða ofna
Einstök hönnun samstæðar lausnir
Danfoss stjórnbúnaður fyrir hitakerfi fæst í öllum helstu lagnaverslunum landsins
29. MARS 2008 LAUGARDAGUR2