Fréttablaðið - 14.04.2008, Side 14

14 14. apríl 2008 MÁNUDAGUR
LEÐURINNRÉTTING – 170 HESTÖFL – DREGUR 3.300 KG – STÖÐUGLEIKASTÝRING – SPÓLVÖRN ÞAKBOGAR
SUPER SELECT® 4X4 DRIFBÚNAÐUR – SEX ÞREPA SJÁLFSKIPTING – SJÖ SÆTA DÖKKAR RÚÐUR – 100%
LÆSING AÐ AFTAN – 18 TOMMU ÁLFELGUR – XENON LJÓS – 860W ROCKFORD HLJÓMKERFI MEÐ 4 GB
MINNI FYRIR TÓNLIST – 7" LCD DVD SKJÁR MEÐ BAKKMYNDAVÉL OG FLEIRA
Pajero Instyle Dísil – 6.990.000 krónurPajero kostar frá
5.890.000 kr.
BETRA VERÐ OG BÚNAÐUR
FYRIR LAND OG ÞJÓÐ
GRÆNLAND Háttsettir embættis-
menn og fyrrverandi ráðherrar í
grænlensku landstjórninni fengu
að kaupa einbýlishús í Nuuk af
grænlenska landssjóðnum á undir
helmingi markaðsvirðis. Þetta var
ólöglegt, að því er segir í niður-
stöðu lögfræðilegrar úttektar sem
gerð var á málinu.
Það var lögmannastofan Nuna
Advokaterne sem var falið að gera
úttektina og niðurstaða hennar
var birt á föstudag. Upptök máls-
ins voru annars greinaflokkur
sem birtist í dagblaðinu Græn-
landspóstinum í fyrra, þar sem
þessar sakir voru bornar á þá
broddborgara sem í hlut eiga.
Í niðurstöðu úttektarinnar segir
að ekki hafi verið löglegt að breyta
leiguhúsnæði landstjórnarinnar í
eignarhúsnæði með hinni svo-
nefndu „leigjenda-til-eigenda“-
reglugerð og að „afhending opin-
berra eigna í hendur einkaaðila
skal gerast að markaðsvirði“.
Kaj Kleist, sem gegnir þeirri
stöðu hjá grænlensku landstjórn-
inni sem samsvarar ráðuneytis-
stjóra forsætisráðuneytisins,
hafði áður fullyrt að ekkert ólög-
legt hefði átt sér stað í tengslum
við sölu íbúðarhúsanna.
Nú krefst stjórnarandstöðu-
flokkurinn Demokraterne afsagn-
ar landstjórnarinnar vegna máls-
ins.
Fyrir þau sex hús sem um ræðir
voru aðeins greiddar 4,6 milljónir
danskra króna, andvirði 73,5 millj-
óna íslenskra, en markaðsvirði
þeirra er talið samtals 10,3 millj-
ónir danskra, um 165 milljónir
íslenskra, að því er greint er frá á
Politiken.dk. - aa
FRÁ NUUK Sex háttsettir menn fengu að kaupa íbúðarhús í eigu landstjórnarinnar á
helming markaðsvirðis. NORDICPHOTOS/AP
Grænlenska landstjórnin sökuð um spillingu vegna sölu á íbúðarhúsum:
Sala íbúðarhúsa úrskurðuð ólögleg í úttekt
BIG BEN 150 ÁRA Hinn 10. apríl voru
rétt 150 ár síðan Big Ben, klukkan
í Klukkuturninum við þinghúsið í
Westminster í Lundúnum, var steypt
í málmsmiðju í Whitechapel. Hún er
13,7 tonn að þyngd. FRÉTTABLAÐIÐ/AP
SAMGÖNGUR Tæplega 2.300 manns
höfðu undirritað áskorun á vefsíð-
unni strondumekki.is til ríkis-
stjórnarinnar um að hætta við fyr-
irhugaðar framkvæmdir í
Bakkafjöru en hefja þess í stað
undirbúning að byggingu á öflugri
og hraðskreiðri Vestmannaeyja-
ferju auk stórskipahafnar við
Eiðið.
Magnús Kristinsson, útgerðar-
maður og forsvarsmaður mótmæl-
enda, segir bæði skip og hafnarað-
stöðu í Bakkafjöru verða með
þeim hætti að fjöldi ferða muni
falla niður vegna veðurs. „Svo
tekur það um tvo tíma að keyra
frá Bakkafjöru og það eru bara
ekki allir á bíl, dýrt er í rútur og
færð oft slæm að vetri til.“
„Ég átta mig ekki á því hvert
menn sækja þessar upplýsingar
sem eru svona á skjön við þær
sem Siglingastofnun hefur veitt,“
segir Elliði Vignisson, bæjarstjóri
Vestmannaeyjabæjar.
„Hafnarskilyrði í Bakkafjöru
verða svipaðar og í Þorlákshöfn
og skipið verður ekki síðra, svo
frátafir ættu ekki að verða meiri.
En þeir hafa þó ekki haldbærar
upplýsingar um skipakost því ekki
verður opnað á útboðið fyrr en á
fimmtudag,“ segir Elliði.
Elliði segist eins ekki átta sig á
því hvernig þeir komist að því að
sigling í Bakkafjöru taki fjörutíu
mínútur eins og þeir segi í mót-
mælaskjalinu því siglingin muni
taka þrjátíu mínútur.
„Þeir segja að akstur frá Bakka-
fjöru til Reykjavíkur taki tvo tíma
en til að svo sé verða menn að aka
á 67 kílómetra hraða,“ segir bæj-
arstjórinn. - jse
Fyrirhuguðum framkvæmdum við Bakkafjöru mótmælt:
Skorað á ríkisstjórnina að hætta við hafnargerð
MÓTMÆLENDUR FUNDA Magnús Kristinsson fundar hér með öðrum sem standa að
vefsíðunni strondumekki.is en þar hafa tæplega 2.300 manns skrifað undir áskorun
til ríkisstjórnarinnar að hætta við fyrirhugaðar framkvæmdir við Bakkafjöru.
MYND/ÓSKAR FRIÐRIKSSON
UMHVERFISMÁL Íbúar við Sæbóls-
braut og Helgubraut í Kópavogi
vilja að bæjaryfirvöld geri
ráðstafanir til að verja þá fyrir
ónæði vegna umferðarniðs frá
Hafnarfjarðarveginum og
Kársnesbraut.
„Menn þurfa ekki að dvelja þar
lengi til að sannfærast um að
aðgerða sé þörf,“ segir í bréfi
með undirskriftum frá íbúunum
sem óttast að hús þeirra rýrni í
verði vegna hávaðans og ryk- og
sótmengunar.
Bæjarráð Kópavogs íhugar nú
að veita íbúunum við Sæbóls-
braut og Helgubraut styrk til
kaupa á þreföldu hljóðeinangr-
andi gleri en hyggst áður láta
gera hljóðmælingar. - gar
Hljóðmælingar í Kópavogi:
Vilja þrefalt
gler vegna
umferðarniðs