Fréttablaðið - 22.05.2008, Qupperneq 79

FIMMTUDAGUR 22. maí 2008 55
Plötusnúðarnir Frímann og Arnar
sameina krafta sína á ný eftir
nokkurra ára hlé á skemmtistaðn-
um Tunglinu á föstudagskvöld.
Ætla þeir að halda uppi góðri
stemningu með blöndu af house-
og teknó-tónum. Sérstaklega
verður aukið við hljóðkerfi
staðarins til þess að tónarnir skili
sér örugglega í hlustir dans-
þyrstra.
Þáttur þeirra félaga, Hugar-
ástand, hóf göngu sína á útvarps-
stöðinni Skratz 94,3 árið 1994 og
var við lýði í um fimm ár. Samhliða
þættinum hófust klúbbakvöldin
Hugarástand sem voru haldin á
hinum ýmsu skemmtistöðum.
Hugarástand
hefst á ný
Fjöldi áhugaverðra tölvuleikja er á
leiðinni hingað til lands í júní og
ættu tölvuleikjaaðdáendur því að
hafa nóg fyrir stafni í sumar.
Fyrstur til
leiks, eða 6.
júní, mætir
Lego Indiana
Jones: The
Original
Adventures frá
höfundum
Lego Star
Wars-leikjanna
og viku síðar
lætur græna
skrímslið Hulk
á sér kræla í
leik sem er
byggður á sam-
nefndri kvikmynd sem er væntan-
leg í sumar.
Tveir leikir í viðbót byggðir á
kvikmyndum eru væntanlegir: The
Bourne Supremacy og Kung Fu
Panda. Einnig má nefna leik
byggðan á Ólympíuleikunum í
Peking og partíleikinn Guitar Hero
Aerosmith.
Sumarvertíð
tölvunörda
INDÍANA JONES
LEGO Ævintýrum
Indíana Jones eru
gerð góð skil í
tölvuleiknum Lego
Indiana Jones.
Stuttmynd Stefáns Friðriks Frið-
rikssonar, Yfirborð, var valin
besta útskriftarmyndin hjá Kvik-
myndaskóla Íslands fyrir skömmu.
Myndin fjallar um leigubílstjóra
og fjárfesti sem lenda í óvæntum
aðstæðum á leið sinni til Ísafjarð-
ar. Með aðalhlutverkin fara Ellert
A. Ingimundarson og Friðrik Frið-
riksson.
Stefán Friðrik segir að tökur á
myndinni hafi gengið vonum
framar. „Við fengum tvo og hálfan
dag til að taka upp og þetta gekk
mjög vel miðað við það. Við þurft-
um að hafa hraðar hendur,“ segir
hann og ber aðalleikurunum vel
söguna. „Það var frábært að vinna
með þeim. Þetta eru atvinnumenn
fram í fingurgóma.“
Stefán mælir hiklaust með Kvik-
myndaskólanum fyrir fólk sem
vill læra grunnatriðin í kvik-
myndagerð og ef það vill ná sér í
sambönd við fólk úr bransanum.
„Þetta er búinn að vera frábær
tími og bekkurinn er búinn að vera
eins konar fjölskylda í þessi tvö
ár. Það er mikið búið að ganga á.“
Stefán, sem er mikill aðdáandi
Charlies Chaplin, segir óljóst
hvort hann helli sér núna út í kvik-
myndabransann þrátt fyrir
nýfengin verðlaun. „Ég ætla að
reyna að fá mér vinnu í bransan-
um til að byrja með og sjá síðan
hvað setur. Það er ekkert verið að
auglýsa sérstaklega eftir leik-
stjórum en það væri gaman að
leggja þetta fyrir sig.“ - fb
Aðdáandi Charlies Chaplin
STEFÁN FRIÐRIK FRIÐRIKSSON Mynd
Stefáns, Yfirborð, var valin besta útskrift-
armyndin hjá Kvikmyndaskóla Íslands.
FRÉTTABLAÐIÐ/STEFÁN
Rokksveitin goðsagnakennda
Led Zeppelin ætlar að spila á
fernum tónleikum í Toronto Sky-
dome-höllinni í Kanada í ágúst.
Kanadíska netsíðan Much Music
telur sig hafa heimildir fyrir
þessu.
Zeppelin, sem spilaði síðast á
endurkomutónleikum í O2-höll-
inni í London í desember, hefur
ekki staðfest fregnirnar. Á síð-
unni kemur fram að Zeppelin
ætli ekki í tónleikferð um Banda-
ríkin eins og margir hafa haldið
fram. Söngvarinn Robert Plant
verður á tónleikaferð í sumar
með Alison Krauss og hefur
Zeppelin hingað til ekkert viljað
tjá sig um hugsanlega tónleika í
framtíðinni.
Tónleikar í Toronto
LED ZEPPELIN Fregnir herma að sveitin
haldi ferna tónleika í Kanada í ágúst.