Fréttablaðið - 06.06.2008, Síða 38

6. JÚNÍ 2008 FÖSTUDAGUR2 ● fréttablaðið ● golf
Opna bandaríska meistaramótið í golfi
hefst á Torrey Pines-golfvellinum í San
Diego í Kaliforníu á fimmtudaginn í næstu
viku. Tiger Woods er brattur þótt hann sé
nýkominn úr uppskurði.
Argentínumaðurinn Angel Cabr era á titil að
verja en hann sigraði með glæsibrag á hinum
ótrúlega erfiða Oakmont-velli í Pennsylvaníu
á síðasta ári. Það dugði honum að leika á fimm
höggum yfir pari til að hreppa sigurlaunin.
Tiger Woods, sem fór í uppskurð á hné
eftir að hafa lent í öðru sæti á Masters-mót-
inu í apríl, ætlar að mæta til leiks í Kaliforn-
íu. Þrátt fyrir meiðslin og þótt hann hafi „að-
eins“ sigrað tvisvar á Opna bandaríska mótinu
á sínum ferli, þykir Tiger mjög sigurstrang-
legur í ár. Spekingar eru sammála um að erf-
itt verði að hemja tígurinn, þar sem völlur-
inn þykir henta leikstíl hans vel (hvaða völl-
ur gerir það ekki?). Tiger sigraði nefnilega á
Buick International-mótinu sem haldið var á
Torrey Pines í janúar.
Tiger var nýlega spurður hvort hann hefði
ekki áhyggjur af meiðslunum og leikforminu.
„Vonandi verð ég búinn að ná mér hundr-
að prósent,“ svaraði hann. „Ef ekki þá er það
ekkert stórmál. Ég hef sigrað á mótum þrátt
fyrir að vera aðeins haltur.“
Eins og áður sagði fer mótið nú í fyrsta
skiptið fram á Torrey Pines-golfvellinum. At-
hygli vekur að völlurinn er ekki einkavöllur
heldur í eigu San Diego-borgar. Þrátt fyrir það
þykir hann meðal bestu valla Bandaríkjanna.
Hann er hæðóttur og stendur við Kyrrahafið
þar sem ansi vindasamt getur orðið. Það segir
kannski ýmislegt um völlinn að áhugamönnum
sem hyggjast leika þar er ráðlagt að:
A) Taka með sér uppáhalds dræverinn, þennan
sem þeir slá langt og beint með.
B) Æfa vel með millijárnunum því þeir komi
til með að nota þau langmest á par 4 og par 3
holunum.
C) Taka auka-púttæfingar, því líklegt sé að
þeir þurfi að pútta niður þrjá palla og í gegn-
um fjórfalt brot.
D) Taka með sér sína eigin ofur-léttu títaníum-
hrífu svo þeir verði ekki alltof þreyttir í hönd-
unum eftir allar strandferðirnar.
- th
Tiger líklegur á US Open
Tiger Woods sigraði á Buick-mótinu sem fór einmitt
fram á Torrey Pines-vellinum í byrjun ársins.
NORDICPHOTOS/AFP
Kormákur Geirharðsson vekur jafnan
mikla athygli á golfvöllum landsins enda
fáir kylfingar sem klæða sig jafn skemmti-
lega og hann.
„Ég hef spilað golf í 35 ár. Kannski með tíu
ára hléi þegar ég var í pönkinu. Það þótti víst
ekki fara saman,“ segir Kormákur kylfingur.
„Ég skrapp samt alltaf einu sinni til tvisvar á
ári á völlinn til að halda mér við.“
Kormákur er afar liðtækur kylfingur. Með
8,9 í forgjöf eftir að forgjöfinni var breytt.
„Nú er ég kannski nærri eðlilegri forgjöf,“
segir hann.
Kormákur vekur gjarnan athygli þegar
hann spásserar um vellina grænu enda klædd-
ur eins og breskur hefðarmaður, í hné síð-
um ullarbuxum og gamaldags sportsokkum.
„Það er alltaf gott að spila í slíkum fötum. Ég
geri það yfirleitt nema það sé of heitt, sem
er nú sjaldnast, enda eru fötin úr pjúra ull,“
segir Kormákur, sem hafði lengi dreymt um
að leika golf í gamaldags fatnaði. „Mig hafði
lengi langað í slík föt en þau voru ekki seld
hér á landi. Það var ekki fyrr ég komst í sam-
band við birgja erlendis í kringum Herra-
fataverslun Kormáks og Skjaldar, að ég fór
að kaupa svona föt,“ útskýrir hann en föt af
þessu tagi fást nú einmitt í þeirri verslun.
Hann segir fólk iðulega taka því vel þegar
hann mætir í fötunum. „Ég hef bæði fengið
hrós hérlendis sem erlendis. Jafnvel í golf-
vöggunni Bretlandi.“
Kormákur bendir á að æ fleiri kylfingar
kaupi sér gamaldags golffatnað. „Það eru allt-
af fleiri og fleiri sem kaupa sér svona föt. Ég
hef til dæmis tekið eftir því með íslensku at-
vinnumennina sem spila fótbolta á Englandi.
Þegar þeir koma hingað til lands að spila golf
eru þeir yfirleitt í svona fötum.“
Kormákur segir hins vegar að flestir ís-
lenskir kylfingar klæðist hefðbundnum golf-
eða hlífðarfatnaði. „Það er nauðsynlegt að
klæðast hlífðarfatnaði eins og veðráttan er
hér á landi.
Flestir Íslendingar spila líka í svoleiðis
fötum. Það hefur þó breyst töluvert síðustu
ár þar sem það eru svo margir sem fara í
golfferðir til útlanda. Þá kaupa þeir sér föt
á golfvöllunum og þeir eru alltaf að verða
smartari.“
Þótt Kormákur spili yfirleitt í hnésíðum ull-
arbuxum lætur hann ullarjakkann eiga sig.
„Það er eitthvað minna til í þeirri deild og þeir
eru líka svo þykkir. Ég hef samt prófað að
spila í jakka sem var gerður fyrir fasanaveið-
ar, með svona aukarými á öxlunum. Það svín-
virkaði.“
- kh
Pönkari í hnésíðum ullarbuxum
Kormákur lék fyrsta golfhringinn í sumar á þriðjudag-
inn var. Í apríl fór hann hins vegar í golfferð til Írlands.
FRÉTTABLAÐIÐ/GVA
Af tíu sigursælustu kylfingum
heims koma átta frá Bandaríkjun-
um. Jack Nicklaus er sem stendur
sigursælasti kylfingur heims. Á ár-
unum 1962 til 1986 vann hann Mast-
ers-mótið sex sinnum, Opna banda-
ríska fjórum sinnum, Opna breska
þrisvar og fimm sinnum PGA, alls
átján titla. Næstur á eftir Nicklaus
kemur landi hans, Tiger Woods,
sem hefur landað þrettán stórum
titlum. Tiger er þó enn að og gæti
hæglega náð Nicklaus. Gary Play-
er frá Suður-Afríku er sá kylfing-
ur utan Bandaríkjanna sem hefur
unnið flesta
titla, níu tals-
ins, á árun-
um 1959 til
1978. - kh
Sigursælustu
kylfingar heims
Opna bandaríska meistaramótið í golfi á sér
langa sögu. Það var fyrst haldið árið 1895 í New-
port á Rhode Island.
Í 113 ára sögu mótsins hefur það sex sinnum
fallið niður. Árin 1917 og 1918 féll það niður
vegna fyrri heimsstyrjaldarinnar og frá 1942 til
1945 vegna síðari heimsstyrjaldarinnar.
Horace Rawlins, 21 árs Englendingur, sigraði
á fyrsta mótinu og fékk 150 dollara í verðlaun.
Bretar einokuðu mótið fyrstu sextán árin en eftir
það hafa bandarískir kylfingar verið nánast ein-
ráðir og sigrað alls 78 sinnum. Bandaríkjamenn
hafa hins vegar ekki unnið síðan 2003 þegar
Jim Furyk vann á Olympia Fields í Illinois. Eftir
það hafa Retief Goosen (Suður-Afríku), Michael
Campbell (Nýja-Sjálandi), Geoff Ogilvy (Ástralíu)
og loks Angel Cabrera (Argentínu) farið með
sigur af hólmi.
MÓTIÐ HEFUR SEX SINNUM FALLIÐ NIÐUR
Eina lengstu golfbraut Bandaríkj-
anna, ef ekki í heimi, er að finna á
Panther Creek-vellinum í Jackson-
ville í norðurhluta Flórída. Braut-
in er par sex og 800 yardar, um 730
metrar, á lengd.
Völlurinn sjálfur í Panther Creek
er heldur ekkert slor. Á hverri
braut er hægt að slá af sex teigum.
Fyrir meðal kylfinginn er lengd
vallarins 7.039 yardar, slopið 143
og rating 75,1 (slope og CR segir
til um hversu erfiður völlurinn er.
Því hærra slope og CR því erfið-
ari er völlurinn). Til samanburðar
er golfvöllurinn í Grafarholti með
slope upp á 130 og CR upp á 72,3
af meistaraflokksteigum. Fyrir þá
sem vilja hins vegar reyna sig fyrir
alvöru á Panther Creek-vellinum er
hægt að tía upp á svörtum teigum
en þá er völlurinn 7.526 yardar með
slope upp á 149 og CR 77,7. Þar af
eru tvær par fjórar holur sem eru
meira en 500 yardar á lengd.
Á vellinum er einnig að finna
stærstu flöt í heimi. Hún er á ní-
undu holu, par þrjú, og eru rúmir
3.500 fermetrar.
Panther Creek-völlurinn er átján
holur, teiknaður af arkitektinum
Andy Dye. - kh
Einn sá erfið-
asti í heimi
Golfvöllurinn í Panther Creek er einn af
þeim erfiðari í heiminum.
Jack Nicklaus frá
Bandaríkjunum
er sigursælasti
kylfingur
heims.