Fréttablaðið - 06.06.2008, Síða 71

FÖSTUDAGUR 6. júní 2008 39
Bandarískur strákur með kín-
verskar bardagamyndir á heilan-
um rekst á staf hins forna kín-
verska stríðsmanns sem kallaður
var Apakonungurinn. Töfrar stafs-
ins flytja þann unga aftur í tímann
til Kína, þar sem hann fær aðstoð
valinkunns bardagafólks til að
skila stafnum til Apakonungsins,
sem situr fastur í álögum, ásamt
því að læra kung fu í leiðinni.
Þrátt fyrir að vera alþjóðlegar
stórstjörnur með áratuga reynslu
í bransanum er The Forbidden
Kingdom fyrsta kvikmyndin sem
þeir Jackie Chan og Jet Li leika
saman í. Væntingar eru því ein-
hverjar, þá sérstaklega hjá unn-
endum kung fu-mynda og það má
segja að myndin skili sínu innan
marka Hollywood-formúlunnar.
Útkoman er fantasíu-fjölskyldu-
mynd sem gengur mest upp vegna
hæfileika Chan og Li, sem fá að
láta ljós sitt skína í slagsmála-
senunum. Þeir fara reyndar hvor-
ugur með hið eiginlega aðalhlut-
verk, strákurinn sem nemur af
þeim og er jafnframt inngangs-
punktur áhorfandans í þennan
framandi kínverska töfraheim, en
myndin lifnar við þegar þeir mæta
til leiks. Í raun er söguþráðurinn
ekki upp á marga fiska, þótt
fantasíuhlutinn sé áhugaverður,
en allt fellur í ljúfa löð þegar þeir
kumpánar láta hnefana tala og
hafa ætíð stutt í grínið. Það verður
svo að minnast á að það er meist-
ari Yuen Woo-Ping sem útfærir
bardagana, en sá gerði það m.a. í
Kill Bill og The Matrix.
Aldur Chan ætti að fara að segja
til sín en það er ekki að sjá hér,
hann og Li virðast jafn liprir og
fyrir áratug síðan. Hvor þeirra fer
með tvö hlutverk í myndinni; Chan
sem gamall búðareigandi og yngri
drykkfelldur stríðsmaður og Li
sem Apakonungurinn annars
vegar og munkur hins vegar.
Hollywood-bragurinn er aftur á
móti óumflýjanlegur og stundum
er aulahúmorinn aðeins um of;
markhópurinn er í yngri kantin-
um. En myndin tekur sig ekki of
alvarlega, lítur mjög vel út og sem
auðgleymanleg skemmtun með
fullt af flottum bardögum sleppur
hún vel fyrir horn.
Loftur Ingi Bjarnason - Topp5.is
Hjá Apakonunginum
KVIKMYNDIR
The Forbidden Kingdom
Leikstjóri: Rob Minkoff. Aðalhlut-
verk: Jet Li, Jackie Chan, Michael
Angarano.
★★
Sæmileg afþreying sem skilur lítið
eftir sig.
Í BÍÓÍ REGNBOGANUM
SUMARTILB
OÐ
allar myndir
allar sýningar
alla daga í
allt sumar650kr.