Fréttablaðið - 26.06.2008, Blaðsíða 44

26. JÚNÍ 2008 FIMMTUDAGUR12 ● fréttablaðið ● vinnuvélar
Valgerður Guðrún Hjartardóttir keyrir
steypubíl hjá BM Vallá og líkar starfið vel.
Valgerður tók vörubílaprófið árið 2002
og vinnuvélaréttindin ári síðar. Hún ekur
steypubíl og leysir af á steypudælu hjá BM
Vallá og líkar vel.
„Þetta er ekki verra en hvað annað. Ég fæ
að vera úti sem ég er ánægð með en svo er
þetta mestmegnis akstur hingað og þangað.
Ég tek steypu í stöðinni og kem henni til við-
skiptavina og losa í síló eða krana, eða í dælu
og stundum í hjólbörur,“ segir Valgerður
þegar hún er beðin að útskýra starf sitt.
„Það þarf að blanda steypuna eftir kúnstar-
innar reglum eftir því í hvað hún er ætluð og
stilla dælunni upp í samræmi við það verk
sem á að vinna. Skemmtilegast er að steypa
stórar plötur þegar verkið gengur hratt og
vel en leiðinlegastar eru hjólbörurnar og föt-
urnar,“ segir Valgerður og hlær. Verkefnin
eru af ýmsum toga og Valgerður rifjar upp
eftirminnilegar ferðir á steypubílnum.
„Eitt sinn var verið að steypa sumarhús á
Þingvöllum og steypubíllinn komst ekki að.
Þá þurfti að losa steypuna í síló og svo kom
þyrla og flaug með það í bústaðinn. Það var
svolítið eftirminnilegt verkefni. Einu sinni
keyrði ég líka steypu fyrir Spaugstofuna og
losaði steypu í plötu þar sem tvö stígvél stóðu
upp úr í miðjunni.“
Það eru ekki margar konur sem keyra
steypubíl og þegar Valgerður er spurð hvort
hún fái einhverjar athugasemdir frá körlun-
um í vinnunni svarar hún að það komi stund-
um fyrir en hún hafi munninn fyrir neðan
nefið.
„Stundum segja karlarnir að það sé ekki
það versta að kona geti unnið sömu störf, en
að hún geri það betur en þeir, það sé verra.
Einhvern tímann þurfti ég að vinna á stærstu
dælu landsins, sem var um 45 metra löng. Ég
laug að stráknum að þetta væri fyrsti dagur-
inn minn og manngreyið fölnaði allur upp og
hljóp áhyggjufullur fram og aftur. En eftir að
við höfðum steypt í tuttugu mínútur þá spurði
hann hvort þetta væri örugglega fyrsti dag-
urinn minn. Þá hafði ég auðvitað unnið mörg
ár á dælunni en það var fyndið að sjá hvað
hann varð stressaður kallinn yfir því að sjá
ljóshærða konu á svona stóru tæki.“ - rat
Skemmtilegast að
steypa stórar plötur
Valgerður Guðrún
Hjartardóttir,
steypubílstjóri hjá
BM Vallá, segir starfið
skemmtilegt.
FR
ÉT
TA
BL
A
Ð
IÐ
/A
RN
ÞÓ
R
Vélafang var valið fyrirtæki ársins í könnun VR. Hér gefur að líta Fendt 936 Vario-
dráttarvél, sem er sú stærsta í Evrópu, en Vélfang flytur hana inn. MYND/VÉLFANG EHF.
Stéttarfélagið VR gerir árlega
vinnumarkaðskönnun þar sem
kosin eru fyrirmyndarfyrirtæki
ársins og hefur SFR, stéttarfélag
í almannaþjónustu, valið stofnun
ársins síðustu þrjú skipti.
Vélfang var valið fyrirtæki árs-
ins 2008 í hópi smærri fyrirtækja.
Er það annað árið í röð sem fyrir-
tækið lendir í fyrsta sæti í könnun-
inni. Fyrirtækið var stofnað árið
2004 af þeim Eyjólfi Pétri Pálma-
syni, Skarphéðni K. Erlingssyni,
Stefáni G. Ármannssyni og Þórði
Jónssyni. Síðar gekk Kristján
Ragnarsson til liðs við hlutahafa-
hópinn og er nú einn af eigend-
unum. Vélfang fékk 100 stig, fullt
hús stiga, fyrir þáttinn launakjör
og 99 stig fyrir þrjá aðra þætti;
starfsanda, vinnuskilyrði og trú-
verðugleika stjórnenda.
Fjarhitun verkfræðistofa hlaut
fyrstu verðlaun í hópi fyrirtækja
með yfir fimmtíu starfmenn. Ríkis-
skattstjóri og Skattrannsóknar-
stjóri voru valdar stofnanir árs-
ins. - hs
Fyrirtæki ársins 2008
60% MARKAÐSHLUTDEILD Á ÍSLANDI ÁRIÐ 2004
MANITOU skotbómulyftarar - Þarfur þjónn, sem uppfyllir ströngustu gæði og væntingar þeirra kröfuhörðustu.
HANN ER GRIMMUR!
MANITOU MLT 634 TURBO INTERCOOLER
- VIÐURKENND VARAHLUTAÞJÓNUSTA í 44 ár
- Útvegum notaða skotbómulyftara
- Úrval notaðra lyftara á lager
Fjórhjóladrifinn
Fjórhjólastýrður
Lyftigeta: 3.400 KG
Lyftihæð: 6.050 MM
Gafflar: 1.200 MM
Vél: Perkins Turbo intercooler, 123 HÖ
LOAD SENSING!! Samtímis glussahreyfingar
án aukins snúningshraða vélar.
SKOTBÓMULYFTARI
PON PÉTUR O. NIKULÁSSON ehf.
Melabraut 23 • 220 Hafnarfjörður
Símar 552 2650 & 552 0110 • FAX: 552 1588 • e-maiL: pon@pon.is