Fréttablaðið - 09.08.2008, Síða 25

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Freyr Franksson á flottan húsbíl af gerðinni
Mercedes Benz Unimog sem endist vel.
„Ég rakst á þennan bíl á bílasölu fyrir fjórtán árum.
Hann er af árgerð 1957 en tikkar alltaf. Hann var í
góðum höndum áður en ég fékk hann og ég hef haldið
honum við,“ segir Freyr, inntur eftir sögu bílsins.
„Þetta er grófur bíll og ein og ein rispa gefur honum
bara sál og karakter. Það eru nokkrir svona bílar á
landinu og við eigendurnir förum á þeim í Þórsmörk
einu sinni á ári. Þessi er með þeim elstu. Hann var
mikið notaður í að ferja hjól fyrir fjallahjólaklúbb-
inn svo hann hefur farið víða. Það stoppar ekkert
þennan bíl. Hann er með gormafjöðrun allan hring-
inn, hægt að læsa öllum drifum og hann er í alla staði
öruggur.“
Bíllinn er hinn huggulegasti að innan, meira að
segja með rúllugardínum. „Það var búið að innrétta
bílinn þegar ég fékk hann og setja panel í loftið. Það
eina sem ég gerði var að endurnýja sætin,“ lýsir
Freyr. „Við strákarnir förum á honum í veiðiferð á
Arnarvatnsheiði árlega. Við getum setið kringum
borð í bílnum og svo sofið í honum fjórir með því að
fella borðið niður. Þetta er framúrstefnubíll miðað
við árgerðina. Hálfgert verkfræðiundur. Ég er líka
svo lánsamur að hafa fengið það uppeldi að þurfa
ekki endilega að eignast allt nýtt heldur njóta þess
sem ég á og fara vel með það.“
Unimog er upphaflega herbíll. Freyr segir hann
líka notaðan víða í landbúnaðarvinnu enda hægt að
tengja allt við hann, meira að segja snjótönn. „Þetta
er svona hraðskreið vinnuvél,“ segir hann hlæjandi.
„Kraftmikill? Upphaflega var hann 80 hestöfl en er
orðinn um 200 núna. Samt keyri ég hann ekki hraðar
en á 80. Sumir furða sig á því að ég nenni að hlunkast
áfram á trukki í stað þess að líða áfram í þægindum
en mér finnst það ákveðin stemning.“
gun@frettabladid.is
Hraðskreið vinnuvél
„Það stoppar ekkert þennan bíl,“ segir Freyr um gamla Unimoginn sinn. FRÉTTABLAÐIÐ/STEFÁN
ENDALAUS GLEÐI
Gleðiganga Hinsegin daga
fer fram í dag og um að gera
fyrir alla að fara í bæinn og sýna
stuðning sinn í verki. Auk þess
sem það er hin besta skemmtun
að skoða litríka búningana.
TÍSKA 4
VIÐHALD OG VARAHLUTIR
Þegar kaupa á notaðan bíl skiptir
máli að vita hver meðalending
mismunandi bílhluta er. Upp-
lýsingar um það er að finna
á vef Umferðarstofu
og hægt er að skoða
nákvæman athugunarlista
vegna bílakaupa á vef FÍB.
BÍLAR 2
Skógarhlíð 18 • sími 595 1000
Akureyri • sími 461 1099 • www.heimsferdir.is