Fréttablaðið - 25.08.2008, Blaðsíða 8

8 25. ágúst 2008 MÁNUDAGUR
Tilboð í hluti í Teymi hf.
Teymi hf. hefur gert hluthöfum félagsins tilboð um að kaupa hluti þeirra í félaginu
fyrir kr. 1,90 fyrir hvern hlut. Greiðsla fyrir hlutina í Teymi hf. verður innt af hendi
með afhendingu hluta í Alfesca hf. á genginu kr. 6,96 fyrir hvern hlut í Alfesca hf.
Skiptihlutfall á hlutum í Teymi hf. fyrir hluti í Alfesca hf. er því 0,2729885.
Tilboðið stendur til kl. 16:00 föstudaginn 29. ágúst 2008 og verða öll samþykki
að hafa borist fyrir þann tíma.
Til að samþykkja tilboðið verða hluthafar að skrá og staðfesta samþykki sitt á vefsíðu
Landsbanka Íslands hf., www.landsbanki.is, með því að skrá inn kennitölu og nota
lykilorð það sem fram kemur í bréfi sem sent var hluthöfum Teymis hf. þann 14. ágúst sl.
Afrit af tilboðinu og þeim skjölum sem því tengjast má nálgast á skrifstofu Teymis hf.
að Suðurlandsbraut 18, 108 Reykjavík, og hjá Landsbanka Íslands hf., Hafnarstræti 5,
3. hæð, 155 Reykjavík, og á vefsíðum Landsbankans, www.landsbanki.is, og Teymis hf.,
www.teymi.is.
Verðbréfa- og lífeyrisþjónusta Landsbanka Íslands hf. veitir hluthöfum Teymis hf.
upplýsingar um tilboðið í síma 410 4040.
DANMÖRK, AP Túnismaður, sem
dönsk yfirvöld gruna um að hafa
við annan mann lagt á ráðin um að
myrða danska skopmyndateiknar-
ann Kurt Westergaard, fór
sjálfviljugur úr landi fyrir helgi.
Hann átti yfir höfði sér formlega
brottvísun.
Maðurinn var, ásamt öðrum,
handtekinn 12. febrúar. Báðir áttu
þeir brottvísun yfir höfði sér, án
réttarhalds og gæsluvarðhald
þeirra hafði ítrekað verið fram-
lengt.
Westergaard teiknaði eina af
skopmyndunum tólf af Múhameð
spámanni, sem birtust fyrst í
Jótlandspóstinum. - aa
Múhameðsteikningamál:
Frá Danmörku
án réttarhalds
Stórkostlegustu Ólympíuleikum
sögunnar var slitið með glæsi-
brag í Peking í gær. Ótrúleg hátíð
sem Kínverjar hafa boðið upp á.
Skipulagið með ólíkindum gott
og íþróttamannvirkin hvert öðru
glæsilegra.
Það sem hefur þó sett mestan
svip sinn á leikana að mínu mati
er kínverska þjóðin. Allir sjálf-
boðaliðarnir sem hafa aðstoðað
alla aðkomumenn með alla mögu-
lega og ómögulega hluti. Alltaf
gert með bros á vör og öllum
verkefnum fylgt á leiðarenda.
Hinn almenni borgari heilsar
síðan undantekningalaust með
bros á vör. Kínverjar hafa sýnt
gestum sínum mikla hlýju og
kurteisi. Fólk hér virðist þess
utan almennt frekar hamingju-
samt. Líka fátæka fólkið sem ég
hef rekist á. Allir afar stoltir af
landinu sínu og leikunum sem
þeir buðu heiminum upp á.
Peking er auk þess glæsileg
borg. Stórhýsin úti um allt ein-
kenna borgina. Kínverjar virðast
ekki nenna að byggja undir 30
hæðum og arkitektúrinn með
ólíkindum djarfur og spennandi.
Ég yfirgef Peking með ekkert
nema góðar minningar. Um frá-
bæra Ólympíuleika og fólkið
yndislega sem setti sterkasta
svipinn á ólympíuupplifunina.
Glæsileg hátíð hjá Kínverjum
SJÁVARÚTVEGUR Heildarvísitala
stofnstærðar úthafsrækju er
svipuð í ár og í fyrra, samkvæmt
fyrstu útreikningum og er hún að
nálgast vísitöluna árið 1999 sem
var sú lakasta á tíunda áratugnum.
Þetta er niðurstaða árlegrar
stofnmælingar Hafrannsókna-
stofnunarinnar á úthafsrækju
fyrir norðan og austan land.
Meira var af rækju á miðunum
norðanlands miðað við undanfarin
fjögur ár en aftur á móti var
minna af rækju austan lands. Á
aðalrækjuveiðisvæðinu, Norður-
kantur – Grímsey, hefur vísitalan
hækkað um 42 prósent miðað við
árið 2004. Rækjan var stór eða
svipuð og árin 2006 og 2007. - shá
Hafrannsóknastofnunin:
Stofn rækju er
enn mjög lítill
HENRY BIRGIR GUNNARSSON
Skrifar frá Peking
henry@frettabladid.is
1 Í hvaða embætti var Guð-
laugur G. Sverrisson settur á
dögunum?
2 Hver verður varaforsetaefni
Baracks Obama?
3 Hvaða verðlaun hlaut
íslenska handknattleiksliðið á
Ólympíuleikunum?
SVÖRIN ERU Á SÍÐU 30
STJÓRNSÝSLA „Þetta er bara í bið-
stöðu. Ég hef ekkert heyrt og það
hefur ekkert gerst,“ segir Helga
G. Guðjónsdóttir, formaður Ung-
mennafélags Íslands (UMFÍ) um
lóðarmál félagsins í Reykjavík.
Tæp tvö ár eru síðan Reykja-
víkurborg veitti UMFÍ vilyrði
fyrir lóð við Tryggvagötu 13.
Félagið hugðist reisa þar höfuð-
stöðvar sem hýsa skyldu marg-
háttaða starfsemi þess. Á vor-
dögum spurðist að UMFÍ hefði
gert samkomulag við Edduhótel-
in um rekstur gistiheimilis í hús-
inu. Fór það samkomulag fyrir
brjóstið á ýmsum, meðal annars
borgarfulltrúum. Fór svo að sam-
komulaginu var rift og stendur
vilji UMFÍ til að reisa húsið án
gistiheimilis.
Var borgaryfirvöldum gerð
grein fyrir þeirri stöðu mála með
greinagerð sem send var borgar-
stjóra 21. maí. Síðan hefur ekk-
ert gerst.
„Ég er óþolinmóð að fara að
byrja en svona er staðan og við
verðum að sætta okkur við það,“
segir Helga G. Guðjónsdóttir
sem reiknar enn með að fá lóð-
ina. „Jú, ég geri það. Ég er alla
vega mjög vongóð um það,“ segir
hún.
- bþs
Lóð fyrir Ungmennafélag Íslands við Tryggvagötu:
Ungmennafélag Íslands
bíður enn eftir lóðinni
TRYGGVAGATA 13 Borgarráð samþykkti
9. nóvember 2006 að gefa UMFÍ lóðina.
Málið er í óvissu og formaðurinn bíður
og vonar. FRÉTTABLAÐIÐ/RÓSA
Mannræningi handtekinn
Bandaríkjaher segist hafa tekið
höndum í Írak Salim Abdullah Ashur
al-Shujari, liðsmann al-Kaída. Hann er
talinn hafa skipulagt mannrán banda-
rísku blaðakonunnar Jill Carroll árið
2006. Hún var látin laus eftir þriggja
mánaða gíslingu.
ÍRAK
KÁTIR SJÁLFBOÐALIÐAR Mikill fjöldi
sjálfboðaliða setti svip sinn á Ólympíu-
leikanna. Þessi hópur fylgdi íslenska
handboltaliðinu. FRÉTTABLAÐIÐ/VILHELM
VIÐSKIPTI Gamlar dráttarvélar
rokseljast nú úr landi til annarra
Evrópulanda, einkum Eystra-
saltslandanna, samkvæmt upp-
lýsingum sem Fréttablaðið hefur
aflað sér. Þá hefur einnig verið
lífleg sala í gömlum vörubílum
og þungavinnuvélum af öllu tagi.
Skýringin er einkum sögð vera
veik staða krónunnar gagnvart
erlendum gjaldmiðli svo og
versnandi efnahagsástand víða í
Evrópu.
„Pólverjar hafa keypt mikið af
dráttarvélum, bæði í gegnum
Jötun en einnig höfum við komið
þeim í tengsl við viðskiptavini
okkar sem hefur vantað að losna
við eldri tæki. Þetta eru vélar
sem eru nánast verðlausar hér á
landi. Menn eru þarna að fá svo-
lítinn pening fyrir tæki sem þeir
hefðu ella ekki losnað við. Þetta
er kærkomið og truflar ekkert
markaðinn hér innan lands,“
segir Finnbogi Magnússon, fram-
kvæmdastjóri Jötuns Véla ehf. á
Selfossi. Hann bætir við að Pól-
verjar séu ekki einir um hituna,
því mikið sé selt úr landi af eldri
vörubílum og þungavinnuvélum.
Finnbogi segir að dráttarvél-
arnar sem seldar hafa verið út
séu allt frá árgerð 1980 til 1995.
Mest sé eftirspurnin eftir austur-
evrópskum vélum, svo sem Zetor
og Ursus. Það sem af er árinu
hafi að líkindum verið seld um
hundrað tæki úr landi.
„Þessir menn sem komið hafa
til okkar til að festa kaup á göml-
um dráttarvélum hafa reynst
stálheiðarlegir í öllum viðskipt-
um. Eitthvað hafa þeir út úr
þessu, það er alveg augljóst.
Þetta er allra hagur því hér fást
nokkrar krónur fyrir aflagðar
dráttarvélar og Pólverjarnir gera
sér mat úr þessu heima fyrir.
Þessu veldur „hagstætt“ gengi
krónunnar. Þegar menn komu á
síðasta ári og buðu sömu evru-
tölu í vél var það 35 prósentum
lægra í krónum talið heldur en í
ár.“
Dagbjartur Ingvar Arilíusson,
hjá Bíla- og vélasölunni Geisla
ehf., í Borgarnesi segir að það
fyrirtæki sé búið að selja um 80
til 90 eldri vörubíla, um tuttugu
dráttarvélar og í kringum tíu
þungavinnuvélar til Evrópulanda
það sem af sé árinu. Eftirspurn
sé vaxandi. jss@frettabladid.is
Selja gamlar
dráttarvélar
úr landi
Gamlar dráttarvélar, vörubílar og þungavinnuvélar
hafa rokselst til ýmissa Evrópulanda það sem af er
árinu. Skýringin er einkum sögð vera veik staða
krónunnar og versnandi efnahagsástand víða í
Evrópu. Eftirspurn er sögð vaxandi.
GAMLAR DRÁTTARVÉLAR Ásgeir Pétursson, bóndi í Helgadal, hugar að dráttarvél sem
er komin á fýsilegan aldur fyrir erlenda tækjakaupmenn.
Menn eru þarna að fá
svolítinn pening fyrir
tæki sem þeir hefðu ella
ekki losnað við.
FINNBOGI MAGNÚSSON
FRAMKVÆMDASTJÓRI JÖTUNS VÉLA EHF.
VEISTU SVARIÐ?