Fréttablaðið - 25.08.2008, Blaðsíða 10

10 25. ágúst 2008 MÁNUDAGUR
SVEITARSTJÓRNIR „Byggðarráð
lýsir yfir þungum áhyggjum af
málefnum Hitaveitu Akraness
og Borgarfjarðar,“ segir
byggðarráð Borgarbyggðar sem
ræddi á síðasta fundi sínum um
vatnsmál í Reykholtsdal og
Stafholts tungum.
„Slæmt ásigkomulag og tíðar
bilanir á veitunni gefa tilefni til
að hafa áhyggjur af rekstrinum
á komandi vetri,“ segir byggðar-
ráðið sem skorar á eigendur
Hitaveitu Akraness og Borgar-
fjarðar að ráðast strax í nauð-
synlegar endurbætur á aðveitu-
æð veitunnar. Sveitarstjóranum
hefur jafnframt verið falið að
óska eftir endurskoðun á
samningi við Orkuveitu Reykja-
víkur um vatnsmálin í Reyk-
holtsdal.
- gar
Hitaveita í Reykholtsdal:
Endurbætur
hefjist strax
VIÐSKIPTI Gengi hlutabréfa í
bandaríska fjárfestingabankan-
um Lehman Brothers rauk upp á
föstudag eftir að orðrómur fór á
kreik um að kóreski þróunar-
bankinn, sem er í ríkiseigu, muni
kaupa hann.
Talsmaður kóreska bankans
vildi ekki tjá sig beint um málið á
föstudag en sagði bankastjórnina
íhuga ýmsa möguleika, að sögn
Bloomberg.
Gengi Lehman Brothers hefur
fallið um rúm áttatíu prósent frá
áramótum og hefur ítrekað verið
ýjað að því að bankinn glími við
alvarlegan lausafjárskort, gæti
jafnvel hlotið sömu örlög og
bandaríski bankinn Bear Stearns,
sem JP Morgan keypti á útsölu-
verði með aðstoð bandaríska
seðlabankans í mars til að forða
honum frá gjaldþroti. - jab
Kóreumenn skoða Lehman:
Gengi Lehman
rauk upp
STÓRIÐJA Landvernd telur fyrirhugaða útgáfu
starfsleyfis fyrir álver Norðuráls í Helguvík
ótímabæra. Samtökin telja vitneskju um
grundvallarþætti starfseminnar ekki liggja
fyrir.
Lögboðinn frestur til athugasemda við
auglýsta tillögu að starfsleyfi rann út 13.
ágúst en hefur verið framlengdur. Samkvæmt
auglýstri tillögu Umhverfisstofnunar verður
heimilt að framleiða allt að 250.000 tonn af áli
á ári í Helguvík.
Í athugasemdum Landverndar kemur
fram sú skoðun að ekki liggi fyrir hvort eða
hvaðan orka fáist í álverið og mikið ósætti
sé um fyrirkomulag á orkuflutningum.
Þá sé margt sem bendi til þess að erfitt
gæti reynst að uppfylla almennar skuldbind-
ingar Íslands um hámark 10 prósenta
aukningu í losun gróðurhúsalofttegunda ef
til kemur aukinn PFC-losun á samningstíma-
bilinu 2008-2012. Umhverfisráðherra óskaði
fyrr á árinu eftir nýrri spá frá Umhverfis-
stofnun og mati á því hvort líkur séu á að
Ísland fari fram úr skuldbindingum sínum
samkvæmt Kýótó-bókuninni.
Annað veigamikið atriði er, að mati
Landverndar, að breyta þurfi skipulagi sjö
sveitarfélaga annarra en Reykjanesbæjar
og Garðs til þess að áform um orkuflutning-
ana geti náð fram að ganga.
Af aðdraganda málsins og ummælum
ýmissa forsvarsmanna sveitarfélaga á
svæðinu telur Landvernd að ólíklegt sé að
þau sveitarfélög sem hlut eiga að máli vilji
afhenda auðlindir sínar til álvers í Helguvík.
- shá
Landvernd gerir athugasemdir við fyrirhugaða útgáfu starfsleyfis fyrir álver Norðuráls í Helguvík:
Telja útgáfu starfsleyfis ótímabæra
HELGUVÍK Tölvuteikning af álverinu eins og það gæti
litið út. Stefnt er að fyrsti áfangi verði tilbúinn 2010 og
framleiðslan um 150 þúsund tonn.
BÍÐA BROTTFLUTNINGS Þessir öldruðu
Georgíubúar biðu þess í vikunni, eins
og fleiri landar þeirra, að rússneskir
hermenn flyttu þá á brott frá þorpinu
Zemo-Achibeti í Suður-Ossetíu yfir
landamærin til Georgíu. FRÉTTABLAÐIÐ/AP
Eitt helsta áhyggjuefni demó-
krata þessa dagana er spurningin
hér að ofan. Vissulega er enn
tveir og hálfur mánuður til kjör-
dags, en í því pólitíska árferði
sem nú er, spyrja margir því sig
þessarar spurningar. Hvers
vegna er Obama ekki kominn
með öruggt forskot? Þar til fyrir
nokkrum vikum stefndi allt í
stórsigur demókrata í báðum
þingdeildum og forsetakjörinu,
þá fór bensínlítrinn upp fyrir 85
kr. og almenningur sagði hingað
og ekki lengra.
Repúblikanar hafa aftur náð
einhverjum vopnum sínum vegna
óánægju almennings með úrræða-
leysi forseta og sérstaklega
þingsins vegna bensínverðsins.
Þar ræður mestu óvinsæl and-
staða þingforystu demókrata við
aukna nýtingu auðlinda.
Umhverfisstefna demókrata er
þó ekki aðalástæðan fyrir stöð-
unni í forsetakosningunum. Aðal-
ástæðan er sú að kjósendur eru
hreinlega ekki sannfærðir um
Obama. Hann er frábær ræðu-
maður með mikinn kjörþokka en
ferilskrá hans er sú stysta sem
nokkur forsetaframbjóðandi
hefur haft síðan Wendell Willkie
var frambjóðandi repúblikana
gegn Franklin Roosevelt árið
1940. Kjósendur vita ekki hver
Barack Obama er. Hann hefur
sterkari ímynd sem poppstjarna
en sem stjórnmálamaður og þess
vegna hefur auglýsingaherferð
McCains þar sem Obama er líkt
við Britney Spears og Paris
Hilton hitt í mark.
Það er einföldun að halda því
fram að kynþáttur Obamas skipti
mestu máli, vissulega eru til kjós-
endur sem geta ekki hugsað sér
að kjósa svartan mann en þeir
eru lítill minnihluti. Það sem
kjósendur staldra við er reynslu-
leysi frambjóðandans og í svör-
um við óundirbúnum spurning-
um þykir hann of gjarn á að veita
fræðileg svör í stað þess að svara
beint með tungutaki sem almenn-
ingur skilur. Það gefur yfirlætis-
lega mynd af frambjóðandanum
og áheyrendum líður sem hann
sem tali niður til þeirra.
Þrátt fyrir að hann hafi rekið
eina öflugustu kosningabaráttu
sem sögur fara af og safnað meiri
peningum en nokkur annar fram-
bjóðandi, þrátt fyrir árferði sem
hefur verið eins hliðhollt flokki
hans eins og hugast getur, hefur
Obama ekki enn náð traustu for-
skoti. Sigur hans er líklegur en
alls ekki í hendi, næstu sjötíu og
fjórir dagar verða spennandi.
Hví er Obama ekki búinn að vinna?
FRIÐJÓN R. FRIÐJÓNSSON
skrifar frá Bandaríkjunum