Fréttablaðið - 02.09.2008, Qupperneq 43

ÞRIÐJUDAGUR 2. september 2008 27
FÓTBOLTI Það gekk mikið á hjá
Liverpool á lokadegi félagaskipt-
anna í gær.
Bakvörðurinn Steve Finnan var
seldur til spænska félagsins
Espanyol en kaupverð var ekki
gefið upp. Frá Espanyol kom
síðan hinn 26 ára vinstri væng-
maður Albert Riera. Talið er að
Liverpool hafi greitt átta milljón-
ir punda fyrir leikmanninn, sem
skrifaði undir fjögurra ára
samning.
Liverpool fékk síðan hinn 18
ára Brasilíumann Vitor Flora á
frjálsri sölu frá Brasilíu. Flora er
framherji.
Liverpool lánaði síðan Úkraínu-
manninn Andriy Voronin til
Herthu Berlin út tímabilið.
Svo bárust þær fréttir einnig
frá Liverpool í gær að Fernando
Torres yrði frá í þrjár vikur
vegna meiðslanna sem hann hlaut
í leiknum gegn Aston Villa um
helgina. - hbg
Sviptingar hjá Liverpool:
Finnan út og
Riera inn
FINNAN FARINN Steve Finnan hefur
leikið sinn síðasta leik fyrir Liverpool.
NORDIC PHOTOS/GETTY IMAGES
FÓTBOLTI Everton gekk í gær frá
kaupunum á framherjanum Louis
Saha frá Manchester United.
Kaupverðið á þessum þrítuga
Frakka var ekki gefið upp en
Saha skrifaði undir tveggja ára
samning við bláa liðið frá
Liverpool.
„Þessi strákur getur gert allt –
hlaupið, skallað og spilað félaga
sína uppi,“ sagði David Moyes,
stjóri Everton, sem er himinlif-
andi með nýja
liðsstyrkinn en
Saha er þriðji
leikmaðurinn
sem Everton
fær í sumar.
Áður hafði
Everton
gengið frá
kaupum á
þeim Lars
Jacobsen og
Segundo
Castillo.
- hbg
Everton keypti Saha:
Kaupverð ekki
gefið upp
FÓTBOLTI Ekkert varð af því að
Skotinn Scott Ramsay hjá Grinda-
vík gengi í raðir skoska úrvals-
deildarliðsins Inverness Caledoni-
an Thistle. Skoska liðið hefur sýnt
áhuga á Ramsay síðustu daga en
hafði ekki erindi sem erfiði.
Fyrst vildu Skotarnir fá Ramsay
að láni en það hugnaðist Grindvík-
ingum ekki. „Við erum enn í bar-
áttunni hér heima og þess utan var
enginn fjárhagslegur akkur í því
fyrir okkur að lána hann þannig að
það mál var nánast dautt frá
byrjun,“ sagði Ingvar Guðjónsson,
framkvæmdastjóri knattspyrnu-
deildar Grindavíkur.
Ingvar segir að Grindvíkingar
hafi í kjölfarið gert Skotunum það
ljóst að þeir yrðu að kaupa Ramsay
ætluðu þeir sér að fá hann. „Þeir
sendu tilboð á endanum en það var
nú ekki merkilegt. Það fara hærri
upphæðir í gegnum Hofsós. Því
tilboði var þar af leiðandi hafnað,“
sagði Ingvar við Fréttablaðið í
gærkvöldi.
- hbg
Grindavík hafnaði tilboði frá Inverness í Ramsay:
Hærri upphæðir
fara gegnum Hofsós
ÁFRAM Í GRINDAVÍK Scott Ramsay verður áfram í Grindavík eftir að Grindavík hafn-
aði tilboði frá Inverness Caledonian Thistle. FRÉTTABLAÐIÐ/VILHELM