Fréttablaðið - 10.10.2008, Síða 11
FÖSTUDAGUR 10. október 2008 11
Belgía
Sviss
Katar
Hong Kong
Dubai
Guernsey
Ísland
Noregur
Svíþjóð
Finnland
Danmörk
Lúxemborg
Kína
Bretland
Kanada
Bandaríkin
ÍSLENSKIR BANKAR
Óljóst er hvað verður um erlendar
eignir íslensku bankanna, nú þegar
skilanefndir hafa tekið yfir ábyrgð-
ir stjórna allra viðskiptabankanna
þriggja. Hlutverk þeirra verður
fyrst og fremst að tryggja innan-
landsstarfsemi og fjármálastöðug-
leika hér á landi. Nýtt viðskipta-
módel þeirra allra verður því að
öllum líkindum töluvert einfaldara
en áður og líklega ekki rúm fyrir
erlenda starfsemi innan þess.
Íslensku viðskiptabankarnir
hafa haft umfangsmikla starfsemi
víða um heim. Eins og hefur komið
fram margoft námu eignir við-
skiptabankanna þriggja um tífaldri
landsframleiðslu Íslands. Hjá
þeim störfuðu samtals rúmlega
fjögur þúsund manns á erlendri
grundu. Nú eru erlendar eignir
bankanna líklega allar komnar í
söluferli og einhverjum þeirra
hefur þegar verið lokað. Í samtöl-
um við starfsmenn viðskiptabank-
anna þriggja í gær kom þó fram að
hjá þeim öllum er nokkur starf-
semi enn í gangi utan landstein-
anna.
Fall bankanna kemur hins vegar
augljóslega til að skerða verulega
skatttekjur ríkisins. Í fyrra
greiddu viðskiptabankarnir þrír
samtals um tuttugu milljarða
króna í skatt. Sú upphæð myndi
duga fyrir um það bil helmingnum
af kostnaði við rekstur Landspítal-
ans á næsta ári. Ríkið verður einn-
ig af umtalsverðum skatttekjum
af arðgreiðslum hluthafa bank-
anna, þar sem hlutur þeirra er að
engu orðinn. - hhs
Óvissa um framhaldið
utan landsteinanna
HEIMSKORTIÐ Viðskiptabankarnir sem ríkið hefur nú yfirtekið teygðu anga sína um
heim allan. Í hönd fer sársaukafullur niðurskurður og ljóst að fjöldi fólks missir vinn-
una. Þá stórskerða minni umsvif bankanna skatttekjur ríkisins.
Fjármálaráðuneytið hefur stofnað nýjar
kennitölur fyrir bæði Landsbankann og
Glitni. Hvor um sig heitir sama nafni, að
öðru leyti en því að „Nýi“ er skeytt framan
við heitið. Hvor um sig hefur lögheimili í
fjármálaráðuneytinu.
Nýi Landsbanki hf. sem er að fullu í eigu
íslenska ríkisins, tók til starfa í gær. „Með
ákvörðuninni er tryggð áframhaldandi
bankastarfsemi fyrir heimilin og fyrirtæk-
in í landinu. Jafnframt er haft að leiðar-
ljósi að kröfuhafar Landsbanka Íslands hf.
fái greitt upp í kröfur sínar,“ segir í tilkynningu
frá Fjármálaeftirlitinu.
Þar segir jafnframt að um mánuð taki að
gera upp Landsbankann hf., samfara því að
meta verðgildi eigna og skulda.
Elín Sigfúsdóttir, sem áður stýrði
fyrirtækjasviði Landsbankans, verður
forstjóri hins nýja banka.
Í gærkvöldi var áætlað að starfsmenn
hins nýja banka yrðu um 1.000 til 1.100, en
hinum verður sagt upp, þrátt fyrir yfirlýs-
ingu viðskiptaráðherra á fundi með
starfsmönnum bankans í fyrradag.
Óvíst var í gærkvöld hvenær Nýi Glitnir
tæki til starfa, en sumir töldu að það yrði í dag.
- ikh
Nýr Glitnir og nýr Landsbanki
ELÍN SIGFÚSDÓTTIR
Háttsettir embættismenn í Seðla-
bankanum fullyrða að evrópski
seðlabankinn veitti fyrirgreiðslu,
yrði sótt um aðstoð Alþjóðagjald-
eyrissjóðsins. Geir H. Haarde for-
sætisráðherra útilokar ekki að slíkt
verði gert.
Sérfræðinefnd frá sjóðnum er
stödd hér á landi og veitir stjórn-
völdum ráðgjöf. Málið er ekki
komið lengra. Embættismennirnir
undrast það, enda sé stundin runn-
in upp. Aðrir sérfræðingar sem
Fréttablaðið hefur rætt við segja
að aðstoðin myndi líklega leiða til
þess að evrópski seðlabankinn yrði
tilbúinn til þess að gera gjaldeyris-
skiptasaming við íslenska ríkið.
Alþjóðagjaldeyrissjóðurinn
hefur nú sett í gang neyðaráætlun.
Hún gerir að verkum að sjóðurinn
myndi lána íslenska ríkinu meira
en ella, herma heimildir Fréttblaðs-
ins. Þá segir í frétt frá sjóðnum að
skemmri tíma en áður tæki að
afgreiða lán til lands í neyð. Sér-
fræðingar segja að því fylgdu þó
hugsanlega skilyrði. Þau gætu
verið vel viðráðanleg, jafnvel af
hinu góða, enda þurfi að byggja
fjármálakerfið hér upp að nýju.
Sendinefnd fer héðan til Rúss-
lands á þriðjudag, til að semja um
4.000 milljóna evra lán. Stjórnvöld
hafa sagt að það útiloki ekki aðstoð
frá Alþjóðagjaldeyrissjóðnum.
Fullyrt er við Fréttablaðið að
rússneska lánið dugi ekki eitt og
sér úr því sem komið er. Auk þess
þurfi hér ríka tæknilega aðstoð.
Árni M. Mathiesen fjármálaráð-
herra fer fyrir sendinefnd Íslands
á ársfundi Alþjóðagjaldeyrissjóðs-
ins og Alþjóðabankans, sem hefst í
Washington um helgina. Embættis-
menn úr fjármálaráðuneytinu,
utanríkis- og forsætisráðuneytinu
fylgja Árna. Hermt er að allra leiða
verði leitað til aðstoðar Íslandi, en
enginn vill slá því föstu að óskað
verði aðstoðar frá Alþjóðagjaldeyr-
issjóðnum.
Seðlabankinn hefur gert gjald-
miðlaskiptasamninga við danska,
norska og sænska seðlabankann,
um 500 milljóna evra gjaldeyris-
skipti við hvern banka um sig.
Geir H. Haarde forsætisráðherra
staðfesti á blaðamannafundi í gær
að ekki hefði verið dregið á samn-
ingana. Það yrði ekki gert nema í
ítrustu neyð. Sérfræðingar sem
Fréttablaðið hafa rætt við fullyrða
hins vegar að sú stund sé runnin
upp, og raunar sé nokkuð síðan.
Fram kemur í tilkynningu frá
Seðlabankanum að frá í mars hafi
verið leitað fyrirgreiðslu annarra
seðlabanka. Það hafi ekki gengið.
Þar af hafi bandaríski seðlabank-
inn tvisvar neitað Íslendingum um
gjaldeyrisskiptasamning á undan-
förnum vikum. Niðurstaða æðstu
manna í bandaríska seðlabankan-
um hafi verið sú að fjármálakerfið
hér væri svo stórt í hlutfalli við
þjóðarbúið að „skiptasamningur
yrði að vera stærri en svo að banda-
ríski seðlabankinn sæi sér fært að
standa að gerð hans“.
ingimar@markadurinn.is
Frekari hjálp fylgdi IMF
Embættismenn Seðlabankans fullyrða að íslenska ríkið fengi fyrirgreiðslu hjá
evrópska seðlabankanum, fengist aðstoð Alþjóðagjaldeyrissjóðsins (IMF).