Fréttablaðið - 13.10.2008, Blaðsíða 6
6 13. október 2008 MÁNUDAGUR
MARKAÐURINN
á www.visir
alla daga
KÚBA Fidel Castro, fyrrverandi
forseti Kúbu, segir það vera
kraftaverk að bandaríski
forsetaframbjóðandinn Barack
Obama hafi ekki verið ráðinn af
dögum.
Castro tjáði sig um forseta-
kosningarnar á vefsíðunni
Cubadebate. Hann sagði að mikið
kynþáttahatur setti mark sitt á
bandarískt samfélag og milljónir
hvítra gætu ekki sætt sig við að
fá blökkumann í Hvíta húsið. Þá
gagnrýndi Castro John McCain og
varaforsetaefni hans, Söru Palin.
Meðal annars sagði hann að Palin
vissi ekkert í sinn haus. - þeb
Castro tjáir sig um kosningar:
Kraftaverk að
Obama sé á lífi
FIDEL CASTRO Forsetinn fyrrverandi tjáði
sig um forsetakosningarnar í Bandaríkj-
unum á vefsíðu um helgina.
FRÉTTABLAÐIÐ/AP
Brotist inn í sumarbústaði
Brotist var inn í tvo sumarbústaði í
Grímsnesi í fyrrinótt en litlu stolið.
Ekki er vitað hverjir þar voru að
verki. Þá barst lögreglunni á Selfossi
tilkynning um skemmdarverk í leigu-
bústöðum í Úthlíð.
LÖGREGLUFRÉTTIR
Í sjálfheldu í Ingólfsfjalli
Björgunarsveitir á Suðurlandi aðstoð-
uðu í gær mann sem lent hafði í
sjálfheldu í fjallgöngu á Ingólfsfjalli.
Maðurinn hafði farið af alfaraleið og
lent í ógöngum efst í klettabelti þar
sem hann gat sig hvergi hrært.
MENNTAMÁL Kreppan teygir anga sína víða og jafnvel
inn á skrifborð hjá háskólanemum í miðjum ritgerða-
skrifum.
„Ég var að skrifa um útrásar stefnu Icesave og
hvaða markaðir myndu henta best til frekari útrásar,“
segir viðskipta fræði neminn Pétur Örn Björnsson, sem
í vikunni var kominn vel á veg með BS-ritgerðarskrif
um Icesave-reikninga Landsbankans. Eftir vendingar
síðustu daga þarf Pétur að byrja upp á nýtt.
„Nú þarf ég bara í staðinn að skrifa um af hverju
þetta allt saman gerðist,“ segir Pétur, ekki skemmt.
Hann bindur þó vonir við að vandræði vikunnar hafi
ekki áhrif á útskriftaráformin.
En hvernig leið Pétri þegar atburðarásin tók nýja
stefnu og fór að hverfast mest um Icesave-reikning-
ana í Bretlandi? „Djöfullega,“ segir Pétur. „Þetta var
alls ekki skemmtilegt.“
Og ástandið kemur Pétri illa á fleiri vegu. „Það er
að minnsta kosti ekki öfundsvert hlutskipti að vera að
útskrifast sem viðskiptafræðingur núna, þegar það er
verið að segja upp 500 manns í Landsbankanum,“
segir hann. - sh
Viðskiptafræðinema leið djöfullega þegar ritgerðarefnið hans tók að riða til falls:
Ritgerðin um Icesave er ónýt
BYRJAR AFTUR Pétur er þó ekki af baki dottinn og hyggst í
staðinn skrifa um hvað varð til þess að svo fór sem fór.
FRÉTTABLAÐIÐ / VALLI
Tímar óráðsíu eru liðnir og nú er hagsýni
eina vitið. Sláturmarkaður Hagkaupa í
Skeifunni hefur aldrei gengið eins vel.
Þar er biðröð út úr dyrum á hverjum
degi þegar markaðurinn opnar kl. 14 og
svo er selt þar til allt er uppurið. Daginn
eftir kemur nýr skammtur og þá hefst
atið á ný. Svona er þetta á hverjum degi
nema á mánudögum því það er ekki slátr-
að á sunnudögum.
Í einu slátri er lifur, hjarta, tvö nýru,
einn lítri af blóði, eitt kíló af mör,
sviðahaus, vömb og keppur. Þrjú slátur
kosta 2.475 kr. og fimm 3.905 kr. Þá er
hægt að fá eins konar lúxuspakka með
þremur slátrum. Lúxusinn felst í því að
búið er að brytja mörinn og sauma
vambirnar.
Nú kemur sér vel að eiga frystikistu.
Hvíldarklettur á Suðureyri selur ódýran
fisk, ýsu og steinbít á 600 kr. kílóið og
þorsk á 950 kr. kílóið. Fiskurinn er
frystur í tveggja kílóa öskjur og í hverri
öskju eru sex skammtar sem
pakkað er inn í plast. Þorskur og
ýsa eru roðflett og flökin
beinhreinsuð, en af steinbítnum
fást aðeins roðflett flök.
Innifalið í verðinu er ókeypis
heimsending um allt land og
lágmarkspöntun er 10 kíló.
Hægt er að panta á www.
fisherman.is.
Fiskfars hjá Fiskisögu má nú fá á
125 kr. kílóið. „Ég eldaði úr þessu
dýrindis farsi gómsætar bollur
fyrir fimm manna fjölskyldu,“
skrifar Þórhildur Laufey Sigurð-
ardóttir.
Eins og staðan er núna þýðir
ekkert að skerast undan ábyrgð.
Neytendur líða vonandi ekki okur
aftur í bráð. Batnandi samfélagi er
best að lifa.
Neytendur: Hagsýni er eina vitið í kreppunni
Fiskur og kjöt á góðu verði
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
BANDARÍKIN Bandarísk stjórnvöld
hafa fjarlægt Norður-Kóreu af
lista sínum yfir ríki sem styðja
hryðjuverk.
Það var gert eftir að löndin
náðu samkomulagi um ýmislegt í
kjarnorkuáætlun Norður-Kóreu,
sem mun meðal annars veita
eftirlitsmönnum fullan aðgang
að áætluninni.
Stjórnvöld í Norður-Kóreu
hafa lýst yfir ánægju sinni
vegna málsins og það hafa
Suður-Kóreumenn einnig gert.
Japönsk stjórnvöld hafa gagn-
rýnt ákvörðun Bandaríkjamanna
og segja verið að verðlauna
Norður-Kóreu of fljótt. - þeb
Japanar ósáttir við ákvörðun:
Norður-Kórea af
hryðjuverkalista
Á Ísland að sækja um stuðning
Alþjóðagjaldeyrissjóðsins?
Já 75,2%
Nei 24,8%
SPURNING DAGSINS Í DAG:
Óttast þú matvælaskort á
landinu?
Segðu skoðun þína á Vísir.is
EFNAHAGSMÁL Geir H. Haarde for-
sætisráðherra segist enn vonast til
að eignir Landsbankans dugi til að
greiða eigendum Icesave-reikn-
inga Landsbankans í Bretlandi og
Hollandi.
Geir sem um helgina sat fundi
með nokkrum samráðherra sinna
sagðist ekki vilja útlista það sem
rætt var á helgarfundum ráðherr-
anna, neitaði því að aðeins væru
eftir formsatriði til að ganga frá
samkomlagi við bresk stjórnvöld
varðandi Icesave-reikninga Lands-
bankans í Bretlandi. „Það er ekk-
ert búið klára málið og ástæðan
fyrir því er náttúrulega sú að það
er úrvinnsla eftir áður en hægt er
ljúka þessu,“ sagði Geir.
Aðspurður sagði Geir það liggja
fyrir hversu margir Icesave-reikn-
ingar Landsbankans það væru í
Hollandi og Bretlandi þar sem
innistæður ná því tæplega 21 þús-
und evra marki sem íslensk stjórn-
völd ábyrgjast að verði greitt.
„Það liggur fyrir en ég hef ekki
þær upplýsingar á takteinum.
Aðalatriðið í því máli er það að við
erum að reyna að sjá til þess að
eignir bankans geti dugað til að
standa við þessa skuldbindingu.
Ég held að það sé ágæt von til
þess,“ sagði Geir.
Forsætisráðherra var spurður
hvort til skoðunar væri að frysta
eignir fyrrverandi eigenda Lands-
bankans. „Ég hef ekki svar við
þeirri spurningu,“ svaraði hann.
Árni Mathiesen fjármálaráð-
herra situr nú ársfund Alþjóða-
gjaldeyrissjóðsins sem rætt er um
að Íslendingar leiti til í þrenging-
um sínum. Geir sagði ekkert enn
að frétta af samtölum við fulltrúa
sjóðsins. Kauphöll Íslands lokaði
fyrir viðskipti með hlutabréf í síð-
ustu viku og Geir kvaðst ekki geta
svarað því hvort þar yrði opnað
aftur fyrir viðskipti í dag. Forsæt-
isráðherra var inntur eftir því
hvort gjaldeyrisviðskipti verði
með eðlilegu hætti frá og með
deginum í dag eins og hann sagð-
ist í síðustu viku vonast til að
yrði.
„Ég held að allar eðlilegar
afgreiðslur eigi að geta gengið
fyrir sig, ef ekki í gegnum Lands-
bankann þá í gegnum Seðlabank-
ann.
Þetta er aðeins flóknara þar
sem ekki er búið að stofna nýja
banka [í Kaupþingi og Glitni] en
við treystum því að þetta geti
gengið hnökralaust fyrir sig í
sambandi við öll venjuleg við-
skipti á morgun. En sjálfsagt mun
taka einhverja daga að koma
þessu öllu í eðlilegt horf á nýjan
leik,“ sagði Geir sem kvað Seðla-
bankann vinna hörðum höndum
að því að koma gjaldeyrismálun-
um í lag.
Um hugsanlega sölu á Baugi
sagði Geir hana ekki hafa verið
rædda á fundi ráðherranna. „Það
er ekki inni á okkar borði,“ sagði
forsætisráðherra. gar@frettabladid.is
Ágæt von til að eignir dugi
fyrir Icesave-reikningunum
Forsætisráðherra segir ágæta von til þess að eignir Landsbankans dugi fyrir ábyrgðum Íslands vegna Icesave-
reikninga í Hollandi og Bretlandi. Gjaldeyrisviðskipti verði í lagi í Landsbankanum og Seðlabankanum.
GEIR H. HAARDE Forsætisráðherra svaraði spurningum fréttamanna fyrir utan ráðherrabústaðinn síðdegis í gær. FRÉTTABLAÐIÐ/ANTON
Aðalatriðið í því máli er
það að við erum að reyna
að sjá til þess að eignir bankans
geti dugað til að standa við þessar
skuldbingingar.
GEIR H. HAARDE
FORSÆTISRÁÐHERRA
KJÖRKASSINN