Fréttablaðið - 21.10.2008, Síða 2

2 21. október 2008 ÞRIÐJUDAGUR
ÍSRAEL, AP Tzipi Livni, arftaki
Ehuds Olmert, fær tvær vikur í
viðbót til að mynda ríkisstjórn.
Í gær rann út fjögurra vikna
frestur sem Livni hafði til að
tryggja nýrri ríkisstjórn nægan
meirihluta á þingi. Nauðsynlegt er
að stjórnin hafi öruggan meiri-
hluta, að öðrum kosti væri enginn
möguleiki á að hún gæti samið við
Palestínumenn, sem yrði þó helsta
verkefni stjórnarinnar.
Livni tók í síðasta mánuði við af
Olmert sem leiðtogi Kadima-
flokksins, en hann sagði af sér
vegna spillingarmála sem rekin
eru á hendur honum fyrir dómstól-
um. Olmert er þó áfram forsætis-
ráðherra bráðabirgðastjórnar sem
starfar þar til ný stjórn hefur verið
mynduð.
Takist Livni ekki að mynda
stjórn þarf að boða til þingkosn-
inga.
Livni hefur reynt að halda í
núverandi stjórnarflokka, og hefur
þegar tryggt sér áframhaldandi
stjórnarþátttöku Verkamanna-
flokksins. Einnig er líklegt að hún
haldi Lífeyrisþegaflokknum, en
óvissan er mest um Shas-flokkinn,
sem er flokkur rétttrúaðra gyð-
inga.
Shas-flokkurinn hefur staðið
harður á móti því að veita Palest-
ínumönnum tilkall til hluta Jerús-
alemborgar, en án samnings um
framtíðarstöðu Jerúsalem er úti-
lokað að gera friðarsamninga við
Palestínumenn. - gb
Tzipi Livni fær lengri frest til stjórnarmyndunar í Ísrael:
Illa gengur að mynda stjórn
LÖGREGLUMÁL Menn úr hópnum
sem réðst á tvo lögreglumenn í
Hraunbæ aðfaranótt sunnudags
hafa margoft komið við sögu lög-
reglu hér á landi, einkum vegna
ofbeldisbrota. Um er að ræða
gengi Filippseyinga, sem kom
meðal annars við sögu í síendur-
teknum átökum hópa í Breiðholti
fyrir nokkrum árum. Að auki var í
hópnum nú einstaklingur frá
Nepal. Sumir þessara manna eru
íslenskir ríkisborgarar, aðrir ekki.
Þeir eru á þrítugs- og fertugs-
aldri.
Lögreglumennirnir tveir fóru í
hús í Hraunbæ, þar sem nágrann-
ar höfðu kvartað undan hávaða.
Lögreglumennirnir ræddu við hús-
ráðendur og yfirgáfu húsnæðið að
því búnu. Einn þeirra sem voru í
húsinu elti þá og réðst á þá. Er þeir
ætluðu að handtaka árásarmann-
inn, réðust sex félagar hans á þá
með höggum og spörkum. Annar
lögreglumaðurinn, kona, var með
kylfu og úða. Hinn lögreglumaður-
inn, sem er afleysingamaður, hafði
ekki lokið prófi og var því ekki
með réttindi til að bera kylfu og
piparúða. Hann hlaut skurð á höfuð
sem sauma þurfti saman. Báðir
lögreglumennirnir voru með
skrámur og mar eftir högg og
spörk. Þeir voru bornir ofurliði í
átökunum en náðu að ýta á neyðar-
hnapp á talstöð og barst því liðs-
auki eftir örfáar mínútur. Árásar-
mennirnir voru þá flúnir, en
lögreglan hafði fljótlega upp á sjö
þeirra. Sá áttundi gaf sig svo fram
nokkru síðar.
Fjórir árásarmannanna voru
úrskurðaðir í gæsluvarðhald þar
til á miðvikudag. Hinum fjórum
var sleppt. Síðdegis í gær handtók
svo lögregla á höfuðborgarsvæð-
inu þrjá menn til viðbótar, sem eru
taldir hafa átt hlut að árásinni.
Samkvæmt upplýsingum Frétta-
blaðsins hefur þessi hópur komið
oft við sögu lögreglu á undanförn-
um árum. Þar má nefna slagsmála-
öldu í Breiðholti árið 2003, þegar
tveimur hópum laust saman í
Eddufelli, sem endaði með að
menn meiddust. Skömmu síðar var
ráðist á ungan mann við Select í
Breiðholti og hann barinn með
hafnaboltakylfu. Hann slasaðist
töluvert.
Fáeinum dögum síðar braust
hópur manna inn hjá ungum manni.
Hann var barinn með golfkylfu og
allt brotið og bramlað innandyra,
áður en mennirnir létu sig hverfa.
Ofbeldismennirnir hafa síðan
haldið hópinn og verið fyrirferðar-
miklir.
Þekkt ofbeldisgengi
réðst á lögregluna
Mennirnir sem réðust á tvo lögreglumenn í Hraunbæ tilheyra ofbeldisgengi
sem margoft hefur komið við sögu lögreglunnar á undanförnum árum, meðal
annars vegna ítrekaðra hópslagsmála. Sjö manns sitja nú inni vegna málsins.
LÖGREGLUMÁL Lögreglan á
Akureyri handtók fyrir helgi
tæplega tvítugan mann með tvö
grömm af amfetamíni í fórum
sínum. Í kjölfarið fundust þrjú
grömm af kókaíni og þrjú grömm
af kannabisefnum við húsleit á
heimili hans. Maðurinn viður-
kenndi að hafa selt og dreift
fíkniefnum á Akureyri.
Nýverið gerði lögreglan einnig
húsleit í íbúð á Akureyri. Þar var
lagt hald lagt á sex kannabis-
plöntur í ræktun. Tveir voru
handteknir í tengslum við málið
sem telst upplýst.
Lögreglan minnir á fíkniefna-
símann 800 5005 þar sem koma
má á framfæri upplýsingum um
fíkniefnamál. - jss
Lögreglan á Akureyri:
Fíkniefnasali
tekinn höndum
TZIPI LIVNI OG SHIMON PERES Peres
forseti veitti henni lengri frest.
FRÉTTABLAÐIÐ/AP
Halla, áttu hvergi höfði þínu
að halla?
„Jú, jú. Halla fer til margra halla og
eldar fyrir alla, til undrunar sinna
stalla. Ekki er hún fyrr komin innan
um kalla en hafi hún handa hafist
við að malla.“
Leikkonan Halla Vilhjálmsdóttir er nú
heimilislaus í London eftir að leigusali
hennar, W. Ahmed, trassaði að borga
skuldir sínar við hið opinbera.
ÁRÁSARSTAÐURINN Mennirn-
ir réðust á lögreglumennina á
þessum stað í Hraunbænum. Þeir
eru búsettir Í Hraunbæ og víðar á
höfuðborgarsvæðinu.
VIÐSKIPTI Viðskipti milli Íslands og
Bretlands voru í sama ólaginu í
gær og í síðustu viku, þrátt fyrir
sérstakar aðgerðir Seðlabanka
Íslands og yfirlýsingu stjórnvalda
í Bretlandi sem ætlað var að liðka
fyrir eðlilegu fjármagnsstreymi
milli ríkjanna. Þá er gjaldeyrir
enn skammtaður.
„Þetta hefur ekkert batnað,“
segir Andrés Magnússon, fram-
kvæmdastjóri Samtaka verslunar
og þjónustu. „Fyrirtæki hafa
orðið fyrir gríðarlegu tjóni sem
ekki er hægt að mæla. Viðskipta-
sambönd hafa trosnað, greiðslu-
frestur felldur niður og stað-
greiðslu krafist. Ofan á þetta
bætist gríðarleg veiking á gengi
krónunnar,“ segir Andrés sem sér
fram á hrinu uppsagna í verslun
og þjónustu fyrir mánaðamót.
„Menn reyna að tóra og hagræða
eins og þeir lifandi geta en við ótt-
umst uppsagnahrinu. Spurningin
er aðeins hversu stórkostleg hún
verður.“
Andrés furðar sig á að yfirlýs-
ing breskra stjórnvalda hafi ekki
liðkað fyrir viðskiptum og segir
engu líkara en að þrátt fyrir hana
séu Íslendingar enn höndlaðir
sem hryðjuverkamenn.
Margvísleg vandamál fylgja
lömuðum milliríkjaviðskiptum.
Útflutningsfyrirtæki sem ekki
hafa fengið greitt fyrir vörur
sínar gætu til dæmis lent í erfið-
leikum með að greiða út laun um
næstu mánaðamót. Innflytjendur
í almennri verslun gætu svo stað-
ið frammi fyrir að fá ekki jólavör-
ur til landsins sem er ávísun á
gríðarlegt tekjutap. - bþs
Gjaldeyrisviðskipti enn í lamasessi og uppsagnir yfirvofandi í verslun og þjónustu:
Ekki hægt að mæla tjónið
ANDRÉS MAGNÚSSON Stórkostleg vand-
ræði blasa við fyrirtækjum í verslun og
þjónustu vegna erfiðleika í viðskiptum
milli ríkja.
UTANRÍKISMÁL Ingibjörg Sólrún
Gísladóttir utanríkisráðherra
ræddi ítarlega við Jens Stolten-
berg, forsætisráðherra Noregs,
og Jonas Gahr Störe, utanríkis-
ráðherra Noregs, um helgina.
Fyrir liggur vilji Norðmanna til
að liðsinna Íslandi vegna stöðunn-
ar í efnahagsmálum, en forsenda
liðsinnis er samkomulag við
Alþjóðagjaldeyrissjóðinn og á hið
sama við um aðrar vinaþjóðir
Íslendinga. Jonas Gahr Störe er
væntanlegur hingað til lands í
opinbera heimsókn í byrjun
nóvembermánaðar.
Þá ræddi Ingibjörg Sólrún við
Bernard Kouchner, utanríkisráð-
herra Frakka, á laugardag.
Fullvissaði Kouchner Ingibjörgu
Sólrúnu um vináttu Frakka og
samstöðu í þeirri erfiðu stöðu
sem Ísland er í núna. Ráðherrarn-
ir tveir ákváðu að hittast eins
fljótt og því yrði við komið og
dagskrá þeirra leyfði. - shá
Utanríkisráðherra:
Ræðir vanda
við vinaþjóðir
VIÐSKIPTI Landsbanki Íslands er á
sérstökum lista breska fjármála-
ráðuneytisins yfir þá sem
viðskiptabann nær yfir.
Meðal annarra á lista fjármála-
ráðuneytisins eru hryðjuverka-
menn og fjármagnsaðilar
hryðjuverkasamtaka eins og al-
Kaída, aðilar frá Íran, Írak og
Líberíu.
Rúmlega 7.400 einstaklingar og
stofnanir eru á þessum lista. Einu
vestrænu aðilarnir á listanum
sem ekki eru taldir tengjast
hryðjuverkasamtökum, eru
Landsbankinn og fjölskylda
Slobodans Milosevic, fyrrverandi
forseta Serbíu. - ss
Landsbanki Íslands:
Í sama flokki
og al-Kaída
NOREGUR Mette-Marit, krónprins-
essa Noregs, er rúmliggjandi í
Kænugarði í Úkraínu og verður
að aflýsa
opinberri
heimsókn þar í
landi eftir að
hafa dottið
þegar hún var á
leið í heimsókn
hjá samtökum
sem vinna að
málstað fólks
með HIV eða
AIDS, að sögn
norska ríkisútvarpsins NRK.
Mette-Marit var rannsökuð
eftir fallið og kom þá í ljós að hún
er með vægan heilahristing. Hún
verður því að vera rúmliggjandi í
tvo daga. Þar sem heimsókninni
til Úkraínu lýkur á miðvikudag er
útséð með að krónprinsessan geti
haldið heimsókninni áfram. - ghs
Norska krónprinsessan:
Datt og fékk
heilahristing
METTE-MARIT
EFNAHAGSMÁL „Sjóðurinn er ekki
með endurtryggingu,“ segir
Eiríkur Elís Þorláksson, lögmað-
ur Tryggingasjóðs innstæðueig-
enda.
Fram kom í blaðinu á dögun-
um að ætla megi að innistæður í
stóru bönkunum þremur hafi
numið yfir 4.000 milljörðum
króna um mitt árið, mest
erlendis. Því mætti búast við að
yfir 40 milljarðar ættu að vera í
tryggingasjóðnum. Þar eru
nítján milljarðar króna nú.
„Bankarnir eru ekki í vanskil-
um við sjóðinn,“ segir Eiríkur
Elís, sem bendir á að ekki eigi
að gera upp fyrr en 1. mars,
fyrir almanaksárið á undan.
Þá hafi verið gert upp við
sjóðinn vegna ársins 2007. - ikh
Lögmaður Tryggingasjóðs:
Er ekki með
endurtryggingu
SPURNING DAGSINS