Fréttablaðið - 28.10.2008, Blaðsíða 6

6 28. október 2008 ÞRIÐJUDAGUR
Fátt er ánægjulegra en þegar fólk tekur ábendingum Neyt-
endahornsins fagnandi og leiðréttir samkvæmt því. Á
föstudaginn var sagði af óánægju Lúðvíks Þorfinnssonar
með verð á umfelgun hjá Hjólbarðaþjónustu Hafnar-
fjarðar. Lúðvík taldi verkið hafa verið auglýst á 4.990
krónur, en hann var rukkaður um 8.990 krónur vegna
stærðar dekkjanna, sem eru 17 tommur.
Hörður Þráinsson hjá Hjólbarðaþjónustu Hafnar-
fjarðar hafði samband og lét í ljós mikla ánægju, bæði
með ábendinguna og umboðsmann neytenda almennt.
Hann segir umfelgun hjá sér reyndar auglýsta frá 4.990
krónum en ekki á 4.990 krónur, en í verðbreytingum í
síðustu viku hafi hann skotið heldur yfir markið með 17
tommu dekkin.
Hörður hefur því lækkað verðið úr þeim 8.990 krónur
sem Lúðvík greiddi niður í 6.990 krónur. Auk þess hafði
Hörður samband við Lúðvík og tjáði honum að mismunur-
inn biði eftir honum á verkstæðinu. Hörður vonar enn
fremur að sem fæstir hafi orðið fyrir barðinu á þessari of
háu verðlagningu. Hann segir reksturinn byggjast á því að vera heiðarlegur og
sanngjarn sem er mottó sem ótal fleiri mættu óhikað tileinka sér.
Neytendur: Of hátt verð var leiðrétt hjá Hjólbarðaþjónustu Hafnarfjarðar
Skaut yfir markið og leiðrétti
UMRÆÐUR UM UMFELGUN Of
hátt verð, sem Lúðvík Þorfinns-
son þurfti að borga í síðustu
viku, hefur verið leiðrétt.
FRÉTTABLAÐIÐ/VALLI
STJÓRNMÁL Einn seðlabankastjóri skal
skipaður í stað þriggja samkvæmt frumvarpi
til laga um breytingar á lögum um Seðla-
banka Íslands sem þingflokkur Frjálslynda
flokksins hyggst leggja fram á Alþingi í dag.
Samkvæmt lagafrumvarpinu skipar
forsætisráðherra bankastjórann til fimm ára
og verður skylt að auglýsa embættið laust til
umsóknar. Þá er aðeins heimilt að skipa sama
manninn bankastjóra tvisvar sinnum, eða
samtals til tíu ára.
Að auki verður þess krafist að seðlabanka-
stjóri hafi víðtæka þekkingu á fjármálum og
efnahagsmálum. Tillagan gerir einnig ráð
fyrir að nýr bankastjóri og nýtt bankaráð
verði skipað við gildistöku laganna.
Þingmenn Frjálslynda flokksins kynntu
efni frumvarpsins á blaðamannafundi í gær.
Átöldu þeir þar stefnuleysi ríkisstjórnarinn-
ar sem þeir sögðu bera ábyrgð á efnahags-
vanda þjóðarinnar. Nú þyrfti að beita
samræmdum aðgerðum í efnahags- og
atvinnumálum.
Til að tryggja stöðugleika gjaldmiðilsins
vilja frjálslyndir náið samstarf við Norð-
menn og kanna til hlítar hvort Ísland og
Noregur geti komið sér saman um að hafa
sameiginlega mynt og peningastefnu.
Þá mun þingflokkurinn fara fram á að
skipuð verði sérstök rannsóknarnefnd alþing-
ismanna sem fara á yfir efnahagsþrengingar
Íslendinga að undanförnu. Þingmenn sögðu
slíka nefnd ekki útiloka aðkomu erlendra
sérfræðinga enda hefði þingnefndin yfir-
stjórn yfir rannsókn málsins.
- ovd
Þingmenn frjálslyndra vilja láta skoða sameiginlega mynt með Norðmönnum:
Einn seðlabankastjóri í stað þriggja
FRÁ ALÞINGI Magnús Reynir Guðmundsson, fram-
kvæmdastjóri Frjálslynda flokksins, Guðjón Arnar Kristj-
ánsson, formaður flokksins, ásamt Jóni Magnússyni
þingflokksformanni á blaðamannafundi í Alþingishús-
inu í gær. FRÉTTABLAÐIÐ/STEFÁN
MENNING Ræðismaður Póllands á
Íslandi hefur ákveðið að bjóða
fólki frítt á sýningu á þremur
pólskum heimildarmyndum í
Háskólabíói í kvöld klukkan
19.30. Leikstjórar heimildar-
myndanna verða viðstaddir og
munu sitja fyrir svörum eftir
sýninguna.
Um er að ræða tvær myndir
um Jóhannes Pál páfa II og
hvernig Pólverjar um allan heim
minnast hans, og svo myndina
Precisely there sem fjallar um
feðga sem ferðast um Pólland í
leit að stað til að dreifa ösku
látins föður og afa. Leikstjórar
eru Slawomir Ciok og Cezary
Iber. Aðgangur er ókeypis. - kg
Háskólabíó í kvöld:
Frítt á pólskar
myndir í bíó
KJARTAN
GUÐMUNDSSON
STAÐGENGILL
UMBOÐSMANNS
NEYTENDA
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
SAMFÉLAGSMÁL „Við ætlum að vera
svolítið huggulegar við ráðgjaf-
ana og unga fólkið og elda svolítið
fyrir það,“ segir Elísabet Magnús-
dóttir, formaður Kvenfélags
Kópavogs. Þar í bæ er nú boðið
upp á námskeið fyrir verðandi og
nýbakaða foreldra í sal kvenfé-
lagsins í Hamraborg 10.
Kópavogsbær kostar námskeið-
ið sem hefst á miðvikudag en ÓB
ráðgjöf hefur veg og vanda af því
í samstarfi við heilsugæslustöðv-
ar, kirkjur og kvenfélagið.
Ólafur Grétar Gunnarsson,
fjölskylduráðgjafi hjá ÓB ráðgjöf,
segir námskeiðinu ætlað að hjálpa
væntanlegum og nýorðnum
foreldrum að rækta parasam-
bandið samhliða foreldrahlutverk-
inu. - jse
Kvenfélag Kópavogs:
Eldar ofan í ný-
bakaða foreldra
MENNING Við getum lært mikið af
viðbrögðum við spænsku veikinni
að mati Viggós Ásgeirssonar
sagnfræðings. Hann heldur í dag
fyrirlestur um þennan skæða
inflúensufaraldur, sem geisaði
um alla heimsbyggð árið 1918.
„Umræðan þá minnir nokkuð á
krepputalið núna. Heilbrigðisyfir-
völd lágu undir ámæli fyrir að
bregðast ekki rétt við og það svo
langt að reynt var að kveikja í
húsi landlæknis. Menn vissu af
flensunni, en töldu hana ekki
verða jafn skæða og raun bar
vitni; kannski ekki ólíkt því sem
var um efnahagskreppuna nú,“
segir Viggó.
Hann segir að eftir að flensan
kom hafi Íslendingar hins vegar
snúið bökum saman. „Þegar á
hólminn er komið standa Íslend-
ingar gjarnan saman. Það er með
ólíkindum hverju tókst að áorka
og heilmiklum fjármunum var
safnað sem og fötum.“ - kóp
Fundur um spænsku veikina:
Samhent átak
við áfalli
FJALLAR UM FLENSU Viggó Ásgeirsson
sagnfræðingur segir Íslendinga geta
lært af samheldninni sem ríkti árið 1918
þegar spænska veikin geisaði.
FRÉTTABLAÐIÐ/GVA
Finnar fram í öryggisráðið
Finnar munu bjóða sig fram til setu
í öryggisráði Sameinuðu þjóðanna
tímabilið 2013-2014 eins og þeir
ætluðu. Ástæðan fyrir því að Finnar
bjóða sig ekki fram til setu fyrr er sú
að ákveðinn fyrirvara verður að hafa
á framboði.
FINNLAND
Fylgist þú með forsetakosning-
um í Bandaríkjunum?
Já 62%
Nei 38%
SPURNING DAGSINS Í DAG
Er bíllinn þinn kominn á
vetrardekk?
Segðu skoðun þína á vísir.is
EFNAHAGSMÁL „Ekki var minnst á
flýtiafgreiðslu breska fjármála-
eftirlitsins.“ Þetta fullyrðir Seðla-
banki Íslands í yfirlýsingu sem
hann sendi frá sér í gær um
erindi Landsbankamanna dagsett
mánudaginn 6. október.
Björgólfur Thor Björgólfsson,
annar aðaleigandi Landsbankans,
fullyrðir hins vegar að seðla-
bankamönnum hafi verið full-
kunnugt um að óskað væri fyrir-
greiðslu frá Seðlabankanum til
að koma Icesave-reikningunum í
skjól breskra yfirvalda. Þetta
hafi verið 5. október.
Björgólfur sagði í fréttum
Stöðvar 2 í fyrradag að breska
fjármálaeftirlitið hefði boðist til
að koma Icesave-reikningunum í
skjól Breta með skjótum hætti, á
fimm virkum dögum. Til þess
þyrfti hins vegar 200 milljónir
punda í tryggingu, eða sem
nemur um 38 milljörðum króna.
Björg ólfur fullyrðir að beðið hafi
verið um lán í Seðlabankanum
fyrir þessu sunnudaginn 5. okt-
óber.
Seðlabankinn segir að daginn
eftir hafi bankastjórn Lands-
bankans óskað eftir fyrirgreiðsl-
unni. Þar hafi bréflega verið
óskað 200 milljóna punda vegna
þess að peningar væru teknir út
úr útibúi Landsbankans í Bret-
landi. Einnig hefði verið óskað
eftir 53 milljónum punda í viðbót
vegna dótturfélags bankans í
Lundúnum.
Þar voru Icesave-reikningar
bankans í útibúi.
Seðlabankinn segir enn fremur
að óvíst hefði verið að féð hefði
dugað og bankinn hefði getað
þurft meira en hann upphaflega
bað um.
Geir H. Haarde forsætisráð-
herra segist ekki vita hvaða skil-
yrði breska fjármálaeftirlitið
hafi sett fyrir að koma Icesave-
reikningunum í skjól þar í landi.
Björgólfur Thor sendi frá sér
yfirlýsingu síðdegis í gær, í kjöl-
far yfirlýsingar Seðlabankans.
Þar segir hann talsvert aðra sögu
en Seðlabankinn og forsætisráð-
herra. Hann segir að bankastjór-
um Seðlabankans hafi verið
kunnugt um boð breska fjármála-
eftirlitsins um flýtimeðferð til að
koma Icesave-reikningunum í
breskt skjól. Sama segir hann um
þá ráðherra í ríkisstjórn Íslands
sem helst hafi unnið að úrlausn
vanda íslenskra fjármálafyrir-
tækja. - ikh
Orð stendur gegn
orði um Icesave
Björgólfur Thor fullyrðir að breskt loforð um flýtimeðferð til að koma Icesave-
reikningunum í skjól skýri beiðni um fyrirgreiðslu Seðlabankans. Þetta hafi
ráðherrar og Seðlabanki vitað. Þeir vilja ekki kannast við það.
EFNAHAGSMÁL Hópur sérfræðinga
mun á næstu dögum og vikum
skoða vanda íslenskra lántakenda
vegna verð-
tryggingarinnar
og finna leiðir til
að bregðast við.
Jóhanna
Sigurðardóttir
félagsmálaráð-
herra skipaði
sérfræðingahóp-
inn í gær. Gylfi
Arnbjörnsson,
forseti ASÍ, mun
leiða hópinn. Gylfi segir að
hópurinn muni skila tillögum til
ráðherra jafnóðum.
Í hópnum sitja auk Gylfa þau
Edda Rós Karlsdóttir hagfræðing-
ur, Ragnar Önundarson viðskipta-
fræðingur, Vilborg Helga Júlíus-
dóttir hagfræðingur og Þorkell
Helgason stærðfræðingur. - bj
Sérfræðingahópur ráðherra:
Skoðar vanda
lántakenda
GYLFI ARN-
BJÖRNSSON
BANDARÍKIN, AP Lögreglan í
Chicago fann í gær lík ungs
drengs í bifreið sem leitað var í
tengslum við hvarf sjö ára
gamals systursonar söngkonunn-
ar Jennifer Hudson.
Drengsins, sem hét Julian,
hafði verið leitað síðan á föstu-
dag, en sama dag voru bróðir og
móðir söngkonunnar myrt á
heimili þeirra í Chicago.
William Balfour, fyrrverandi
stjúpfaðir drengsins, er grunaður
um verknaðinn og er í haldi
lögreglunnar. - gb
Harmleikur í Chicago:
Systursonurinn
fannst látinn
LÖGREGLAN Á VETTVANGI Lík drengsins
fannst í bifreið sem hafði verið leitað.
FRÉTTABLAÐIÐ/AP
BJÖRGÓLFUR THOR BJÖRGÓLFSSON Fullyrðir að bankastjórar Seðlabankans, sem
og þeir ráðherrar sem hafa unnið að úrlausn vanda íslenskra fjármálafyrirtækja,
hafi vitað um boð breskra yfirvalda um flýtimeðferð, til að gera Icesave að bresku
fyrirtæki.
KJÖRKASSINN