Fréttablaðið - 28.10.2008, Blaðsíða 18
28. OKTÓBER 2008 ÞRIÐJUDAGUR
Fyrirtæki eru mörg farin að
huga að jólagjöfum starfs-
manna sinna. Síðustu ár hefur
oft verið vinsælt að gefa dýrar
gjafir en viðbúið er að hagsýni
og notagildi ráði för í gjafavali
fyrir þessi jól.
Hönnunarhlutir og dýr merkja-
vara hafa verið vinsælar fyrir-
tækjagjafir síðustu ár. Nú má hins
vegar búast við að hagsýni og nota-
gildi hafi áhrif á gjafaval þótt gæði
verði höfð í fyr- irrúmi sem endra-
nær.
„Ég býst við að við munum selja
meira af eigulegum gjöfum sem
gætu nýst fólki heima fyrir,“ segir
Hulda Snorradóttir, framkvæmda-
stjóri Margt smátt. „Búast má við
aukinni eftirspurn eftir heimilis-
vörum, þá kannski helst fallegum
kertastjökum. Enda leitast fólk nú
sjálfsagt við að hafa kósí heima
og það er alltaf huggulegt að hafa
kertaljós.“
Hulda segir Menu heimilis- og
gjafavörur sívinsælar. „Þær voru
vinsælastar hjá okkur fyrir síð-
ustu jól. Allt stefnir í að þær verði
vinsælar hjá okkur aftur í ár, enda
mjög fallegar og vandaðar vörur,“
bendir hún á og bætir við að einnig
hafi verið vinsælt að gefa flíspeys-
ur og fatnað síðustu ár.
Guðjón Sigurbjartsson, fram-
kvæmdastjóri og söluráðgjafi hjá
Tanna EHF., reiknar líka með
að vinsælt verði að gefa
flíspeysur og -teppi í jóla-
gjöf; þær séu til marks
um jólagjafir með nota-
gildi. „Mikið er um að
fyrirtæki panti peysur
og annað slíkt og láti sauma merki
fyrirtækisins í,“ bendir hann á.
Guðjón bætir við að Tanni ehf.
hafi tekið upp á því í fyrra að bjóða
í fyrsta sinn upp á matarkörf-
ur, sem hafi notið töluverðra vin-
sælda. „Ég býst ekki við að sala á
körfunum minnki mikið fyrir þessi
jól. Ég held að þær verði alveg jafn
eftirsóttar í gjafir í ár og þær voru
síðast. Þær gætu þó orðið minni.“
Hann telur að þessi minnkun gæti
þó gilt um gjafir almennt. -aov
Notagildi haft í fyrirrúmi
Hulda telur að minni gjafir verði frekar
fyrir valinu í ár.
Hulda Snorradóttir reiknar með að eigulegar gjafir sem nýtast heima komi til með að verða vinsælar í ár og vísar í Menu heimilis-
og gjafavörur. FRÉTTABLAÐIÐ/ARNÞÓR
Hjá Tanna eru flíspeys-
ur og -teppi eftirsótt í
fyrirtækjagjafir í ár sem
endranær.
Lilja Hrund býr á Kirkjubæjar-
klaustri og rekur þaðan fyrirtæk-
ið sitt Vinnnustaðanudd sem hún
stofnaði fyrir fjórum árum. Hún
hefur nuddara á sínum snærum
víða um land og ferðast einnig sjálf
milli fyrirtækja með nuddbekkinn
og nuddar. Hún segir ávinning fyr-
irtækja mikinn af því að bjóða upp
á nudd á vinnustað.
„Fólki líður miklu betur í vinn-
unni og þetta er vinsæl þjónusta.
Nudd dregur úr verkjum í stoð-
kerfi og fækkar veikindaforföll-
um. Við sendum nuddara á stað-
inn sem gefur djúpt vöðvanudd
með áherslu á stoðkerfið en leggur
einnig áherslu á það hvar hver og
einn er slæmur. Nuddarinn kemur
sér fyrir með nuddbekk til dæmis
inni á skrifstofu eða í kompu þar
sem hægt er að loka að sér. Oftast
er miðað við að hver tími taki um
fimmtán til tuttugu mínútur en það
er misjafnt.“
Lilja leggur áherslu á stærri
framleiðslufyrirtæki en einnig
leita til hennar fyrirtæki þar sem
starfsmenn sitja mikið við tölv-
ur. Hún segir ásóknina hafa auk-
ist jafnt og þétt. „Í dag eru auðvit-
að erfiðir tímar. En ég held að það
sé aldrei meiri þörf á svona þjón-
ustu en einmitt nú og við komum
til móts við óskir fyrirtækjanna
hverju sinni. Hvort sem það eru
heilsudagar fyrir starfsfólk, þar
sem við kennum því að nudda, eða
einhvers konar tilboðspakkar, þá
er allt opið.“
Á heimasíðunni www.vinnusta-
danudd.is má finna upplýsingar
um þjónustuna. - rat
Aldrei meiri þörf á nuddi
Lilja Hrund Harðardóttir telur nú mikla þörf fyrir þjónustu eins og vinnustaðanudd.