Fréttablaðið - 18.11.2008, Blaðsíða 4

4 18. nóvember 2008 ÞRIÐJUDAGUR
Byggð á
samnefndri
kvikmynd
VEÐURSPÁ
Kaupmannahöfn
Billund
Ósló
Stokkhólmur
Gautaborg
London
París
Frankfurt
Friedrichshafen
Berlín
Alicante
Mallorca
Basel
Eindhoven
Las Palmas
New York
Orlando
San Francisco
HEIMURINN
Vindhraði er í m/s.
Hitastig eru í °C.
Gildistími korta er um hádegi.
7°
8°
5°
6°
7°
11°
11°
6°
5°
6°
18°
15°
7°
11°
22°
5°
18°
20°
Á MORGUN
8-20 m/s,
stífastur SV-til.
FIMMTUDAGUR
5-10 m/s.
8
12
11
13
6
5
5
6
7
10
9
6
8
6
2
3
4
4
9
9
3
4
3 2
4
5
6
0
3
-2
-3
-2
STYTTIR UPP
Á MORGUN
Í dag verður dálítil
væta um allt land
en það styttir upp
á morgun, þó ekki
hægt að útiloka
skúrir éða él á stöku
stað, einkum norð-
anlands. Á fi mmtu-
dag kólnar töluvert
með snjókomu
norðan- og austan-
lands en bjartviðri
syðra. Talsvert frost
verður á föstudag en
úrkomulaust.
Elísabet
Margeirsdóttir
Veður-
fréttamaður
Vegna fréttar í blaðinu í gær vill Agnes
Johansen, framleiðandi hjá fram-
leiðslufyrirtækinu Sögn, taka fram að
unnið er að því að klára fjármögnun
á kvikmynd Gríms Hákonarsonar,
Sumarlandið. Henni hefur því ekki
verið frestað.
ÁRÉTTING
EFNAHAGSMÁL Erlendi bankaeftir-
litsmaðurinn sem ríkisstjórnin
hefur ráðið til að fara yfir
regluverk þjóðarinnar um
fjármálastarfsemi og fram-
kvæmd bankaeftirlitsins hér á
landi er finnskur sérfræðingur,
maður að nafni Kaarlo Vilho
Jännäri, fyrrverandi forstjóri
finnska fjármálaeftirlitsins.
Jännäri á að fara yfir reglu-
verkið og starfshætti við
bankaeftirlit og leggja til
nauðsynlegar breytingar. Hann á
einkum að beina sjónum að
reglum um lausafjárstýringu,
lán til tengdra aðila, áhættur,
krosseignatengsl og hagsmuna-
legt sjálfstæði eigenda og
stjórnenda eins og kemur fram í
yfirlýsingu ríkisstjórnarinnar
frá því í gær.
- ghs
Fjármálakerfið:
Finnskur
sérfræðingur
til ráðgjafar
GENGIÐ 17.11.2008
GJALDMIÐLAR KAUP SALA
HEIMILD: Seðlabanki Íslands
229,8377
GENGISVÍSITALA KRÓNUNNAR
134,79 135,43
201,32 202,30
171,02 171,98
22,96 23,094
19,473 19,587
17,103 17,203
1,3938 1,4020
199,06 200,24
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
EFNAHAGSMÁL Áætlun stjórnvalda til að mæta
efnahagsörðugleikum þjóðarinnar gerir ráð
fyrir lánapakka upp á fimm milljarða dollara,
en ekki sex eins og áætlað var. Veruleg
gengislækkun er talin hugsanleg eftir að
gjaldeyrismarkaður verður starfhæfur að
nýju. Stýrivaxtahækkun er ekki útilokuð.
Efnahagsáætlun stjórnvalda vegna efna-
hagskreppunnar var kynnt í gær og lögð fram
sem þingsályktunartillaga á Alþingi. Áætlunin
verður rædd þar á næstu dögum.
Geir H. Haarde forsætisráðherra og
Ingibjörg Sólrún Gísladóttir utanríkisráðherra
kynntu áætlunina. Þau gera ráð fyrir að ef
efnahagsáætlunin gengur fyrir sig eins og lagt
er upp með þá muni ástandið hér á landi lagast
hratt frá því sem nú er. Borðlagt sé að
verðbólga hækki tímabundið en hún muni
ganga hratt niður. „Við munum horfa fram á
allt annað ástand þegar kemur fram á árið
2010,“ sagði Geir.
Fram kom að nú sé lánsfjárþörf ríkisins
áætluð fimm milljarðar dollara; rúmlega tveir
fáist frá Alþjóðagjaldeyrissjóðnum sem tekur
málið fyrir á morgun. Þeir þrír milljarðar sem
upp á vantar hafa stjórnvöld tryggt frá
Norðurlöndunum, Póllandi og Rússlandi. Engin
skýr svör fengust við spurningum blaðamanna
um hverju það sætti að lánsfjárþörfin væri
mun minni en áætlanir gerðu ráð fyrir. Geir
sagði lækkunina til komna vegna þess að
nýjasta yfirferðin sýndi að sex milljarðar væri
of mikið. „Þetta er það sem metið er að þurfi
til að hafa nægan viðbúnað á gjaldeyrismark-
aðnum. Þetta er bara afleidd stærð út frá því
sem menn ætla að þar eigi sér stað.“
Hugsanlegt er talið að mikið fjármagnsflæði
úr landi leiði til verulegrar viðbótarlækkunar
á gengi krónunnar. Í áætluninni segir að slíkt
gæti valdið stórskaða á efnahag þjóðarinnar
allrar og miklum samdrætti í efnahagslífinu.
Því verði að styrkja krónuna með öllum
ráðum. Fram kom að ómögulegt sé að reikna
út hversu mikið gengið gæti veikst. „Allt slíkt
eru ágiskanir. Það getur enginn sagt nákvæm-
lega um það hvernig markaðurinn mun haga
sér eftir að hann er kominn í gang,“ sagði Geir.
Stýrivextir voru hækkaðir í 18 prósent 28.
október. Samkvæmt áætlun stjórnvalda er
Seðlabankinn reiðubúinn að hækka vexti enn
frekar. Geir og Ingibjörg voru spurð út í tölur
sem koma fram í viljayfirlýsingunni um að
lánsfjárþörfin væri 24 milljarðar dollara en
ekki sex. Kom fram að um skuldbindingu
einkaaðila væri að ræða og yrði afskrifaður
vegna greiðsluþrots bankanna.
Sérstakur saksóknari mun rannsaka
hugsanlega saknæma háttsemi í bönkum, hjá
stofnunum og stjórnmálamönnum. Finnist
eitthvað misjafnt verður því vísað til sérstaks
saksóknara.
svavar@frettabladid.is
Fjárþörf ríkisins er milljarði
dollara minni en áætlað var
Fjármagnsþörf ríkisins er fimm milljarðar dollara en ekki sex. Búist er við að gengið falli umtalsvert þegar
krónan kemst aftur á flot. Framganga embættis- og stjórnmálamanna verður rannsökuð sérstaklega.
RÁÐHERRABÚSTAÐURINN Geir H. Haarde og Ingibjörg Sólrún Gísladóttir kynntu efnahagsáætlun ríkisstjórnarinnar
í gær. Mikil óvissa virðist vera um áhrif hennar á þróun efnahagslífsins næstu mánuðina. FRÉTTABLAÐIÐ/VILHELM
VIÐSKIPTI Stjórnarseta Jóns Ásgeirs
Jóhannessonar, stjórnarformanns
fjölmiðlafyrirtækisins 365, er enn
til skoðunar hjá Hlutafélagaskrá.
Þar fékkst staðfest að Jón Ásgeir
hefði sagt sig úr stjórnum fjögurra
íslenskra félaga í síðustu viku, en
sitji enn í stjórnum níu fyrirtækja.
„Málið er enn í skoðun [...] þessi
mál eru í vinnslu,“ segir Svala
Hilmarsdóttir, deildarlögfræðing-
ur og staðgengill forstöðumanns
Hlutafélagaskrár. „Jóni Ásgeiri
hefur verið gert viðvart um afstöðu
Fyrirtækjaskrár í þessu máli.“ Hún
vildi ekki skýra nánar hvað í því
fælist, en sagði að Hlutafélagaskrá
yrði að fylgja stjórnsýslulögum.
Jón Ásgeir sat, eftir því sem næst
verður komist, í stjórnum um 30
íslenskra fyrirtækja, þegar dómur
féll í Baugsmálinu. Í byrjun síðustu
viku sat hann enn í 13 stjórnum.
Í gær fengust svo þær upplýsing-
ar hjá Hlutafélagaskrá að Jón
Ásgeir hafi sagt sig úr fjórum
stjórnum til viðbótar í síðustu viku
og boðað úrsögn úr tveimur til við-
bótar á næstunni.
Samkvæmt hlutafélagalögum er
þeim sem hafa hlotið dóm fyrir brot
í rekstri fyrirtækja óheimilt að
sitja í stjórnum íslenskra félaga í
þrjú ár eftir að dómur fellur. Jón
Ásgeir var dæmdur í þriggja mán-
aða skilorðsbundið fangelsi í Baugs-
málinu hinn 5. júní síðastliðinn.
Jón Ásgeir er stjórnarformaður
365 miðla sem gefur út Fréttablað-
ið. - bj
Hlutafélagaskrá enn með úrsagnir Jóns Ásgeirs úr stjórnum félaga til skoðunar:
Situr enn í níu stjórnum fyrirtækja
ÚRSAGNIR Jón Ásgeir Jóhannesson
sagði sig úr stjórnum fjögurra fyrirtækja
í síðustu viku. FRÉTTABLAÐIÐ/VILHELM
STJÓRNMÁL Árni M. Mathiesen
fjármálaráðherra íhugaði að
segja af sér embætti en komst að
þeirri niðurstöðu að halda áfram
störfum. Hann greindi frá þessu í
Íslandi í dag í gærkvöldi.
„Það er dálítið óhjákvæmilegt
þegar svona stórir hlutir gerast
að maður fari yfir sinn hlut í
þessu og þá sérstaklega þau
ráðuneyti sem ég hef stýrt á
þessu tímabili,“ sagði Árni.
Eftir að hafa íhugað málið
komst hann að þeirri niðurstöðu
að góð staða ríkisfjármála myndi
hjálpa hvað mest í gegnum
efnahagskrísuna. Árni hefur
verið fjármálaráðherra síðan
2005.
- bþs
Árni M. Mathiesen:
Íhugaði afsögn
SAMGÖNGUR Rúmlega 10 prósent
færri bílar fóru um Hvalfjarðar-
göngin í október í ár en á sama
tíma í fyrra. Forsvarsmenn
Spalar, rekstraraðila ganganna,
tengja þessa fækkun slæmu
efnahagsástandi. Í ár fóru 143
þúsund bílar um göngin í október
en í fyrra 160 þúsund.
- kóp
Minni umferð um göngin:
Færri fara um
Hvalfjarðargöng
1. Brúttókostnaður ríkisins vegna innstæðutrygg-
inga og endurfjámögnunar viðskiptabank-
anna og Seðlabankans gæti numið 80% af
landsframleiðslu.
2. Búist er við að vergar skuldir þjóðarbúsins
aukist úr 29% af landsframleiðslu í 109% í
árslok 2009.
3. Áætlað að verðbólga verði 4,5% fyrir árslok
2009.
4. Frekari hjöðnun verðbólgu árið 2010.
MOLAR ÚR
EFNAHAGSÁÆTLUN