Fréttablaðið - 18.11.2008, Blaðsíða 15
Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Mér fannst gaman að vinna. Ég
var leyst út með gjöfum, inneign á
námskeið og fatnað frá Heilsuaka-
demíunni. Svo fékk ég auðvitað
farandbikarinn,“ segir Auður
Björg Jónsdóttir, sem varð hlut-
skörpust í flokki kvenna í keppn-
inni Hermaður ársins sem fór
fram í Heilsuakademíunni á dög-
unum.
Auður náði tímanum 1:17 mínút-
ur og sigraði með 20 sekúndna for-
skoti á andstæðinga sína. Hún
bætti um leið eigin tíma frá því í
fyrra um 30 sekúndur þegar hún
sigraði einnig í keppninni. Hún
segir ekki annað hafa komið til
greina en að taka þátt í ár og hafi
hún verið enn staðráðnari að vinna
en síðast.
„Ég sigraði í fyrra þannig að það
var mikil pressa að vinna aftur í
ár. Þá tók ég þátt upp á grín og
vann og fannst ég því þurfa að
verja titilinn í ár. Ég var miklu
ákveðnari að sigra núna og gaf
ekkert eftir,“ segir Auður og bætir
við að hún hefði aldrei tekið þátt
nema eygja von um sigur. „Þannig
hugsaði ég og gerði svo mitt
besta.“
Í keppninni Hermaður ársins
etja kappi þátttakendur af her-
þjálfunarnámskeiðum Heilsuaka-
demíunnar og fer keppnin fram í
sérstakri herþjálfunarbraut.
Markmiðið er að komast yfir hvers
kyns hindranir, svo sem klifur-
veggi og kefli, og ljúka keppni á
sem skemmstum tíma. „Brautin
minnir að mörgu leyti á fitness-
brautir en þrautirnar eru fleiri og
engu þungu þarf að lyfta. Þetta er
meira og minna hopp allan tímann
og sleppi maður þraut eru dregin
af manni stig,“ segir Auður og
bætir við að samkeppnin hafi verið
hörð. „Við vorum þrettán. Þetta
eru allt þrusustelpur.“
Auður, sem er lögmaður að
mennt, hefur æft herþjálfun um
tveggja ára skeið og segist í fyrsta
sinn hafa fundið líkamsrækt við
sitt hæfi. „Yfirleitt finn ég fljótt
fyrir leiða, en þar sem þetta er svo
fjölbreytt, stöðvaþjálfun, sprett-
hlaup og fleira, hefur mér þótt
þetta gaman. Eygló, sem heldur
utan um námskeiðin, er dugleg að
brydda upp á alls kyns skemmti-
legum nýjungum.“
Spurð út í mataræðið segist
Auður vera svo heppin að geta
verið mátulega kærulaus í þeim
efnum. „Ég get borðað nánast hvað
sem er en auðvitað er gott að borða
hollan og sérstaklega kolvetnisrík-
an mat fyrir svona keppni.“
roald@frettabladid.is
Ætlaði sér alltaf að sigra
Auður Björg Jónsdóttir sigraði í keppninni um Hermann ársins sem var nýlega haldin í Heilsuakademí-
unni. Auður hefur æft herþjálfun um tveggja ára skeið og segist þar hafa fundið líkamsrækt við sitt hæfi.
Kom, sá og sigraði. Auður Björg Jónsdóttir var valin Hermaður ársins og hafði 20 sekúndna forskot á andstæðinga sína.
FRÉTTABLAÐIÐ/STEFÁN
JÓLASMÁKÖKURNAR er ágætt að baka sem
fyrst. Síðan er ekki vitlaust að vinda sér bara í að borða
þær þannig að þær verði flestar búnar áður en jólin
koma og enginn hefur pláss fyrir þær með öllum jóla-
matnum og konfektinu.
Dugguvogi 2 / s: 557 9510 / www.patti.is
Opnunartími : Mánudaga - Föstudaga frá 9 til 18 og Laugardaga frá 11 til 16
Roma
Aspen
Aspen-Lux
Verð kr. 139.900,-
Verð Kr. 174.900,-
Verð Kr. 269.900,-
Verðdæmi :
Patti lagersala
landsins mesta úrval af sófasettum
Yfir 200 tegundir af sófasettum
VERÐHRUN
Íslensk
framleiðsla
kr.69.900,-
verð frá
Bonn Verð Kr. 153.900,-