Fréttablaðið - 18.11.2008, Blaðsíða 35

ÞRIÐJUDAGUR 18. nóvember 2008 15
UMRÆÐAN
Sigrún Elsa Smáradóttir skrifar
um aðgerðir ríkisstjórnarinnar.
Þær aðgerðir sem ríkistjórnin hefur þegar boðað varðandi
verðtryggð lán eru hugsaðar til að
mæta tímabundnum greiðsluvanda
fólks. Þeir sem þess óska geta látið
setja ákveðinn hluta afborgunar á
höfuðstólinn. Þannig borgar fólk
tímabundið
minna en skuld-
ir aukast sjálf-
krafa hraðar en
nokkru sinni
fyrr.
Nauðsynlegt
er að grípa til
frekari aðgerða
því öllum má
vera ljóst að
þegar krónan
fer á flot aftur
þá mun hún falla
mikið og langt umfram það jafn-
vægisgengi sem búast má við að
hún nái að lokum. Þessu falli mun
fylgja mikið verðbólguskot. Þetta
yfirskot er ekki hluti af hagsveiflu
heldur kemur til vegna fjármagns-
flótta, vantrúar á gjaldmiðilinn,
peninga- og efnahagsmálastjórn
landsins. Þetta yfirskot má ekki
setjast á höfuðstól verðtryggðra
lána enda getur slíkt voðaskot ekki
verðið forsenda eignamyndunar og
rýrnunar í samfélaginu. Því er
nauðsynlegt að frysta verðtrygg-
inguna þangað til jafnvægi er náð.
Búast má við að höggið verði enn
harðara ef engin framtíðarsýn ligg-
ur fyrir þegar krónunni verður
fleytt. Mikil vonbrigði eru að Sjálf-
stæðisflokkurinn ætlar nú í þriggja
mánaða stefnumótunarvinnu, til að
marka sér nýja stefnu í peninga-
málastjórn og skipan efnahags-
mála. Það er deginum ljósara að
flokkur sem ekki hefur stefnu í
brýnustu hagsmunamálum þjóðar-
innar hefur ekkert með það að gera
að leiða ríkisstjórnarsamstarf, sér-
staklega á tímum sem þessum.
Því er rétt að endurskoðun á mál-
efnasamningi ríkistjórnarinnar nái
einnig til þess hvernig embættum
er skipt og að Samfylkingin sem er
eini flokkurinn á þingi með trú-
verðuga framtíðarsýn, taki við for-
ystu þangað til boðað verður til
kosninga í vor. Íslenska þjóðin
hefur ekki efni á forystuleysi nú.
Gott væri ef Samfylkingunni byð-
ust aðrir kostir um ríkistjórnar-
samstarf en þeir eru ekki fyrir
hendi. Steingrímur J. Sigfússon er
búinn að loka og læsa á Evrópu
fyrir hönd VG og kominn í andstöðu
við framtíðina. Þannig heldur hann
Sjálfstæðisflokknum við stjórn og
getur ekki fríað sig ábyrgð af
afleiðingum aðgerðarleysis þegar
þær skella á þjóðinni.
Höfundur er borgarfulltrúi.
UMRÆÐAN
Einar K. Guðfinnsson
skrifar um Evrópumál
Skyndilega er farið að glitta í þöggunar-
stefnu í umræðunni um
Ísland og Evrópu. Þegar
Sjálfstæðisflokkurinn
ákveður að efna til vinnu
á vegum nefndar sem
skoðar stöðu Íslands gagnvart
Evrópusambandinu, ríkjum Evr-
ópu og valkostum Íslands í
alþjóðasamstarfinu, þá bregst
annar ritstjóra Fréttablaðsins,
Jón Kaldal, svo við að hann nefnir
það fum og máttleysi. Hans sjón-
armið er greinilega það að
umræða um Evrópumál-
in eigi ekki að fara fram
með lýðræðislegum og
opnum hætti.
Er það til marks um
máttleysi þegar hrint er
af stað skipulegri vinnu
við endurmat á stefnu
Sjálfstæðisflokksins í
stóru máli? Er það til
marks um fum að á lands-
fundi flokksins í ársbyrj-
un verði tekin afstaða til þessa
máls eftir að það hafi verið skoð-
að og rætt opinskátt í nýju ljósi?
Auðvitað ekki. Jón Kaldal
aðhyllist bersýnilega einhvers
konar þöggunarstefnu. Honum
finnst greinilega ekki að lýðræð-
islegur stjórnmálaflokkur eigi að
virkja flokksmenn sína í opinni
umræðu um mikilvæg mál, þar
sem málin eru rædd á grundvelli
bestu fáanlegrar þekkingar. Það
finnst honum máttlaust. Honum
finnst þetta óttalegt fum.
Sannleikurinn er sá að innan
Sjálfstæðisflokksins hafa löngum
farið fram miklar og kraftmiklar
umræður um stöðu Íslands í
alþjóðasamfélaginu. Okkar for-
ystumenn hafa alla tíð verið í for-
ystu þeirrar umræðu. Það var á
grundvelli slíkrar umræðu sem
flokkurinn hafði forystu um EES-
samninginn, ásamt Alþýðuflokkn-
um. Snemma árs 2007 lauk stefnu-
mótun nefndar í Evrópumálum,
sem allir stjórnmálaflokkar komu
að og þáverandi forsætisráðherra
og formaður Sjálfstæðisflokks-
ins, Davíð Oddsson, hafði forystu
um. Núverandi ríkisstjórn hefur
síðan skipað Evrópumálunum í
tiltekinn farveg undir forystu
tveggja öflugra þingmanna.
Þannig hefur Sjálfstæðisflokk-
urinn verið virkur þátttakandi í
umræðunni um stöðu Íslands í
evrópsku samhengi. Við höfum
ekki staðið í vegi fyrir slíkri
umræðu. Þvert á móti. Við höfum
hvatt til hennar, við höfum tekið
þátt í henni og sett fram sjónar-
mið okkar. Og við teljum nauð-
synlegt að þessari umræðu vindi
fram.
Og nú í breyttri heimsmynd og
vegna nýrrar stöðu okkar í ljósi
fjármálakreppunnar, ákveður
Sjálfstæðisflokkurinn að skoða
þessi mál vegna gjörbreyttra
aðstæðna. Við slíkt endurmat er
það grundvallaratriði að fram
fari lýðræðislegar opnar umræð-
ur. Þannig vinnur Sjálfstæðis-
flokkurinn og lætur tilraunir til
þöggunar ekki trufla sig.
Við slíkt endurmat þarf að
skoða stöðu okkar í víðu ljósi, en
ekki út frá því þrönga sjónar-
horni sem allt of mikið hefur ein-
kennt Evrópuumræðuna upp á
síðkastið og hefur til dæmis nær
einokað leiðaraskrif Fréttablaðs-
ins um þessi mál upp á síðkastið.
Höfundur er sjávarútvegs og
landbúnaðarráðherra.
EINAR. K.
GUÐFINNSSON
Ný þöggunarstefna?
SIGRÚN ELSA
SMÁRADÓTTIR
Stefnulaus
forysta
Nýtt
í Skífun
ni!
Útgáfutónleikar
Buff á Nasa
Buff heldur útgáfutónleika
á Nasa fimmtudaginn
20. nóvember.
Húsið opnar kl. 20
Frítt inn!
Nýtt upphaf!
Laugavegi · Kringlunni · Leifsstöð
www.skifan.is