Fréttablaðið - 26.11.2008, Blaðsíða 22

26. nóvember 2008 MIÐVIKUDAGUR2
„Það var sumar í Ástralíu og vetur
hér. Því ákváðum við tveir félagar
að demba okkur út. Fórum 17. jan-
úar og ferðalagið tók 36 tíma frá
því lagt var upp frá Keflavík þar til
komið var á áfangastað. Við fórum
fyrst í skóla og bjuggum á heima-
vist þar sem við kynntumst fólki
frá öllum heimshornum.“ Þannig
byrjar Snorri Páll frásögn af ferða-
lagi sínu um Ástralíu og Asíu.
Spurður hvernig honum hafi komið
Ástralía fyrir sjónir svarar hann
dreyminn: „Sem hið fullkomna
land. Alltaf gott veður, rólegt and-
rúmsloft og íbúarnir afskaplega
hjálpsamir. Þar virtist algerlega
eðlilegt að hafa gaman af lífinu,
vera á brimbrettum, grilla með
félögunum og skemmta sér á heil-
brigðan hátt. Allt var hannað kring-
um ungt fólk þar sem við vorum
enda hét staðurinn Surfers Parad-
ise.“ Ekki vill Snorri Páll þó viður-
kenna að vera leikinn á brimbretti.
„Ekki leikinn en kannski farinn að
geta staðið,“ segir hann brosandi.
Eftir níu vikna dvöl í skólanum
héldu þeir félagar á flakk, fóru
fyrst til Sydney sem var 12 tíma
ferðalag í rútu og voru þar á mikilli
hátíð. Svo til Fraser Island sem
Snorri Páll segir ferðamanna-
paradís. Síðan var Ástralía kvödd
og haldið til Taílands. „Það var
dálítið menningarsjokk að koma til
Bangkok frá Ástralíu. Sölumennsk-
an var allsráðandi, mikið kraðak á
götunum, 40 stiga hiti og matar-
lyktin megn,“ lýsir hann. „En við
höfðum pantað okkur ferð með
fólki hvaðanæva að og fórum fyrst
til Krabi og þaðan í siglingu, meðal
annars til eyjarinnar sem myndin
Beach með Leonardo de Caprio er
tekin á. Svo til Shaing Mai sem er
með stærstu borgum Taílands og
síðan upp um fjöll í Norður-Taílandi
og hittum þjóðflokka sem hafa lifað
þar frá örófi alda. Reyndar var for-
setinn nýlega búinn að gera rassíu
þar vegna ópíumræktunar og hafði
hreinsað til með drápum og fang-
elsunum. Við gistum í trjákofum og
klósettin voru kannski ekki alveg
upp á það besta. En við fórum í
munaðarleysingjaþorp, prófuðum
bambusrafting niður á og ferðuð-
umst á fílsbaki. Þetta var mikið
ævintýri í það heila.“
Planið hjá Snorra Páli var að fara
aftur út í janúar 2009, til Ástralíu
og víðar, en eins og efnahagsástand-
ið er núna telur hann það ekki ger-
legt. „Það er betra að vita hvar
maður hefur gjaldmiðilinn næsta
dag,“ bendir hann á að lokum.
gun@frettabladid.is

Hið fullkomna land
Ævintýraþráin rak Snorra Pál Þórðarson, starfsmann félagsmiðstöðvarinnar Mekka í Kópavogi, út í heim
strax eftir stúdentspróf. Í byrjun sameinaði hann enskunám og útilíf við strönd Ástralíu.
Við Lake Birrabeen á eyjunni Fraser Island við austurströnd Ástralíu.
Í Taílandi. Þarna var gist í þrjár nætur í
fljótaþorpi.
Villtur api með afkvæmi sitt að fá sér
vatnssopa. Myndin tekin á Monkey
Island sem er í eyjaklasa við Taíland.
Í grennd við fljótaþorp í Taílandi var siglt, synt og skoðaðir athyglisverðir hellar.
Rögnvaldur, Snorri Páll og Alan við óperuhúsið í Sydney.
SUNDLAUGAR eru á annað
hundrað á Íslandi. Á vefnum ferda-
lag.is má finna ýmsar upplýsingar um
sundlaugarnar eins og afgreiðslutíma.
Þéttikantar
framleiddir eftir máli
á allar gerðir kælitækja.
NÝVAKI
Dvergshöfða 27 • S. 557 2530
Fr
u
m
Jólagjöf fyrir þá
sem „eiga allt“
Gefðu hlýju og samveru um jólin!
Allir kunna að meta það að hafa tækifæri á að komast í gott
frí í sólina eða annað. Gjafabréf Heimsferða er jólagjöf, sem
er í senn hagnýt, skemmtileg og sveigjanleg og felur í sér
hlýju og samveru með sínum nánustu. Lágmarksupphæðin
er 3.000 kr. en annars ræður þú upphæðinni.
Nánar á www.heimsferdir.is og í síma 595 1000.
Alla mmtudaga