Fréttablaðið - 26.11.2008, Blaðsíða 42

26 26. nóvember 2008 MIÐVIKUDAGUR
sport@frettabladid.is
Vinningar verða afhendir hjá ELKO Lindum – Skógarlind 2. Með því að taka þátt ertu kominn í SMS klúbb. 149 kr/skeytið.
9. HVER
VINNUR
!
SENDU SMS EST MAM Á NÚMERIÐ 1900
- ÞÚ GÆTIR UNNIÐ MAMMA MIA Á DVD!
VINNINGAR: MAMMA MIA! Á DVD · ABBA SINGSTAR · TÓNLISTIN ÚR MYNDINNI MAMMA MIA!
PEPSI MAX · FULLT AF ÖÐRUM DVD MYNDUM OG TÖLVULEIKJUM.
LENDIR Í ELKO 27. NÓVEMBER
Það á ekki af landsliðsmanninum Snorra Steini Guðjónssyni að
ganga. Hann fór í aðgerð á hné eftir Ólympíuleikana í sumar,
hefur síðan verið í endurhæfingu og er nýbyrjaður að spila. Þegar
út á völlinn var komið uppgötvaðist fljótlega að ekki var allt með
felldu enda Snorri afar þjáður og gat lítið beitt sér.
Hann kom síðan til Íslands og fór í skoðun hjá lækni
landsliðsins, Brynjólfi Jónssyni, og þar kom í ljós að staðan
á honum er nákvæmlega sú sama, og hann verður því að
fara aftur undir hnífinn.
„Þetta er auðvitað hrikalega svekkjandi. Það átti að
fjarlægja flís úr hnénu en þegar hnéð var myndað upp á
nýtt er myndin nánast eins og hún var fyrir og því erfitt
að sjá að eitthvað hafi verið gert. Ég fór samt í aðgerð,
var svæfður og er með skurð. Hvað gerðist á meðan ég svaf
veit ég ekki,“ sagði Snorri Steinn en hann var augljóslega afar
svekktur þó svo að hann hafi reynt að slá á létta strengi.
„Mig var farið að kitla í puttana að byrja á nýjan leik og
það er því áfall að vita að maður stendur á sama stað
og fyrir aðgerðina. Ég er eðlilega ekki sáttur með það
hvernig þessi aðgerð fór og forráðamenn GOG fá að vita það. Ég
vil eðlilega ekki fara aftur í aðgerð hjá þeim og ætla að krefjast
þess að koma heim og láta Brynjólf skera mig upp,“ sagði Snorri
Steinn ákveðinn en hann er ekki fyrsti landsliðsmaðurinn sem
vill að Brynjólfur sjái um aðgerð á sér.
Snorri kemst því ekki aftur á ferðina fyrr en einhvern
tímann á næsta ári og hann vonast til þess að geta
leikið með GOG í milliriðli Meistaradeildarinnar. Það
var einmitt dregið í riðla þar í gær og GOG lenti þar í
sannkölluðum dauðariðli með þremur bestu félags-
liðum heims – Kiel, Ciudad Real og Barcelona.
„Þetta er rosalegur riðill og við erum eðlilega
fyrirfram ekki líklegir til þess að komast áfram. Það
verður engu að síður gaman að etja kappi við þessi lið
og sjá hvar við stöndum gegn þeim,“ sagði Snorri en
GOG lagði Barcelona á heimavelli síðasta vetur. GOG
mætti Ciudad í riðlakeppninni á dögunum og átti
ekki möguleika í leikjum liðanna.
SNORRI STEINN GUÐJÓNSSON: FÓR Í MISHEPPNAÐA AÐGERÐ OG ÞARF AÐ LEGGJAST AFTUR UNDIR HNÍFINN
Þetta er auðvitað hrikalega svekkjandi
> Haukar mæta Nordhorn
Íslandsmeistarar Hauka mæta þýska liðinu Nordhorn
í 16-liða úrslitum Evrópukeppni bikarhafa. Haukarnir
sluppu því við langt og dýrt ferðalag að þessu sinni en
fengu í staðinn afar erfiðan mótherja. Aron Kristjánsson,
þjálfari Hauka, sagði að vel kæmi til
greina að selja heimaleikinn hefði Nord-
horn áhuga á að kaupa. Fjárhagsstaða
liðsins leyfði einfaldlega ekki annað
en að sá möguleiki væri skoðaður
vel ef upp kæmi. Fram gerði ein-
mitt slíkt hið sama er það mætti
Gummersbach í tveimur leikjum
um síðustu helgi.
FÓTBOLTI Barcelona og Sporting
eru þegar búin að tryggja sig
áfram upp úr C-riðli en spennan
er farin að magnast í hinum riðl-
unum. Ensku félögin Chelsea og
Liverpool eru í bílstjórasætum
riðla sinna í Meistaradeildinni og
komast áfram í 16-liða úrslit
keppninnar með sigri í leikjum
sínum í kvöld.
Chelsea situr á toppi A-riðils
þrátt fyrir háðulega útreið í síð-
ustu umferð gegn Roma en öll
félög riðilsins eiga enn tölfræði-
legan möguleika á að komast
áfram í 16-liða úrslitin.
Chelsea heimsækir Bordeaux í
kvöld en Lundúnafélagið vann
fyrri leik félaganna með miklum
yfirburðum á Brúnni. Rómverjar
eiga harma að hefna gegn CFR
Cluj í kvöld en Rúmenarnir komu
flestum í opna skjöldu með því að
sigra á Ólympíuleikvanginum í
Róm í fyrri leik félaganna.
B-riðill er einnig spennandi en
þar eru José Mourinho og læri-
sveinar hans í Inter í góðum
málum ásamt spútnikliði keppn-
innar hingað til, Anorthosis
Famagusta frá Kýpur.
Inter kemst áfram í 16-liða
úrslitin með sigri gegn Panat-
hinaikos á San Siro í kvöld en
Anorthosis, undir stjórn Temuri
Ketsbaia, fyrrum leikmanns
Newcastle, gæti þá fylgt ítalska
félaginu með sigri á heimavelli
gegn Werder Bremen.
„Ég get ekki lýst því hvað ég er
stoltur yfir því sem við höfum nú
þegar afrekað. Ég hrósa leik-
mönnum mínum fyrir að gefa
ekki bara Anorthosis, heldur
Kýpur þetta einstaka tækifæri,“
sagði Ketsbaia á blaðamanna-
fundi fyrir leikinn gegn Bremen.
Þegar er ljóst að Barcelona og
Sporting komast áfram upp úr C-
riðli en félögin berjast um topp-
sætið þegar þau mætast í Portú-
gal í kvöld. Eiður Smári
Guðjohnsen er í leikmannahópi
Börsunga fyrir leikinn.
Kristinn Jakobsson dæmir hinn
leik riðilsins á milli Shakhtar
Donetsk og Basel.
Liverpool og Atletico Madrid
sitja hlið við hlið á toppi D-
riðils og gæti nægt jafntefli
til þess að tryggja sig áfram
í 16-liða úrslitin. En þar sem
báðum innbyrðisleikjum
félaganna lyktaði með 1-
1 jafntefli gæti
markatala ráðið úrslit-
um um hvort félagið
hreppir toppsætið fari
svo að félögin verði
áfram jöfn að stigum
þegar riðlakeppninni
lýkur.
Atletico heimsækir PSV í kvöld
en Liverpool tekur á móti Mars-
eille á Anfield í 66. Evrópuleik
sínum undir stjórn knattspyrnu-
stjórans Rafa Benítez. Spán-
verjinn bætir þar með met
goðsagnarinnar Bills Shankly
sem stýrði Liverpool í 65 Evr-
ópuleikjum á sínum
tíma. - óþ
Næstsíðustu umferð riðlakeppni Meistaradeildar Evrópu lýkur í kvöld:
Spennan farin að magnast
Meistaradeild Evrópu
E-riðill:
AaB-Celtic 2-1
0-1 Barry Robson (53.), 1-1 Caca (73.), 2-1 Gary
Caldwell, sjálfsmark (87.).
Villarreal-Man. Utd 0-0
F-riðill:
Bayern München-Steaua 3-0
1-0 Miroslav Klose (57.), 2-0 Luca Toni (61.), 3-0
Miroslav Klose (71.)
Fiorentina-Lyon 1-2
0-1 Jean Makoun (15.), 0-2 Karim Benzema (27.),
1-2 Alberto Gilardino (45.).
G-riðill:
Arsenal-Dynamo Kiev 1-0
1-0 Nicklas Bendner (87.)
Fenerbahçe-Porto 1-2
0-1 Lisandro (19.), 0-2 Lisandro (28.), 1-2 Kazim
Kazim (63.)
H-riðill:
Zenit-Juventus 0-0
Bate Borisov-Real Madrid 0-1
0-1 Raúl (7.)
Coca Cola Championship
Cardiff-Reading 2-2
Ívar Ingimarsson var í byrjunarliði Reading en
Brynjar Björn Gunnarsson sat á bekknum. Hann
kom síðan inn af bekknum á 34. mínútu er Noel
Hunt meiddist og skoraði jöfnunarmark Reading
á 50. mínútu.
Coventry-Swansea 1-1
Aron Einar Gunnarsson sat á varamannabekk
Coventry í leiknum.
QPR-Charlton 2-1
Heiðar Helguson var ekki í leikmannahópi QPR
gegn liðinu sem hann var næstum farinn til.
ÚRSLIT
LEIKIR KVÖLDSINS
A-riðill:
Bordeaux-Chelsea Stöð 2 Sport 3
CFR Cluj-Roma
B-riðill:
Inter-Panathinaikos Stöð 2 Sport 4
Anorthosis-Werder Bremen
C-riðill:
Shakhtar Donetsk-Basel
Sporting-Barcelona
D-riðill:
Atletico Madrid-PSV
Liverpool-Marseille Stöð 2 Sport
FÓTBOLTI Sænska liðið Linköping
dró sig út úr eltingarleiknum við
bestu knattspyrnukonu heims,
Mörtu frá Brasilíu, þegar ljóst
var að Margrét Lára Viðarsdóttir
myndi skrifa undir hjá liðinu.
Marta hefur verið valin
besta knattspyrnukona
heims síðustu tvö ár. Hún
hefur skorað 111 mörk í
103 leikjum með Umeå
sem hefur orðið
sænskur meistari
síðustu fjögur ár og
reynir allt til þess að
halda í þessa snjöllu
knattspyrnukonu.
Bandaríska liðið Los
Angeles Sol og sænska
liðið LdB Malmö eru bæði
að reyna fá hana til sín. - óój
Margrét Lára til Linköping:
Hættu að eltast
við Mörtu
HANDBOLTI Kvennalandsliðið
leikur sinn fyrsta leik í undanriðli
HM í handbolta í Póllandi í dag
þegar liðið mætir Lettum.
Lettar eru ekki hátt skrifaðir í
kvennahandboltanum og töpuðu
meðal annars öllum fjórum
leikjum sínum með 19 mörkum að
meðaltali í undanriðlinum fyrir
ári. - óój
Kvennalandsliðið í handbolta:
Á að vera létt
gegn Lettum
FÓTBOLTI Það verður engin spenna í
lokaumferð riðla E, F, G og H í
Meistaradeildinni enda liggur
ljóst fyrir eftir leiki gærkvöldsins
hvaða lið úr þessum riðlum kom-
ast áfram í næstu umferð.
Daninn Nicklas Bendnter kom
Arsenal til bjargar gegn Dynamo
Kiev með marki á lokamínútunum
í gær. William Gallas sneri aftur í
lið Arsenal en Cesc Fabregas var
með fyrirliðabandið og verður
með það áfram. Porto fylgir Ars-
enal upp úr G-riðlinum en Porto
skellti Fenerbahce á útivelli og
gerði um leið út um vonir tyrk-
neska liðsins.
Það bjuggust margir við jafn-
tefli hjá Villarreal og Man. Utd á
Spáni enda dugði jafntefli báðum
lið til þess að komast áfram. Sú
varð raunin og það markalaust
jafntefli. Leikurinn var þó ekki
eins leiðinlegur og margir kynnu
að halda. United talsvert sterkara
liðið og var nærri því að taka öll
stigin en heimamenn sem sóttu á
fáum mönnum, fóru sér hægt og
virtust vera sáttir við eitt stig og
farseðil í næstu umferð. Álaborg
sigraði á Celtic í sama riðli og eyð-
irmerkurgöngu Celtic á útivelli í
Meistaradeildinni heldur því
áfram.
Bayern München tók sinn tíma í
að Steaua Búkarest niður en þegar
fyrsta markið kom fylgdu tvö í
kjölfarið sem og farseðill í næstu
umferð. Lyon vann góðan útisigur
á Fiorentina og ítalska liðið því
ekki lengur í möguleika að komast
áfram.
Juventus náði jafntefli gegn
Zenit frá Pétursborg í kuldanum í
Rússlandi en leikurinn þótti til-
þrifalítill. Stigið dugði Juve til að
komast áfram en Zenit á ekki leng-
ur möguleika á öðru sætinu en
frammistaða liðsins í keppninni
hefur valdið miklum vonbrigðum.
Real Madrid átti hættulegan
leik gegn BATE Borisov á útivelli
en gamla brýnið Raúl sá til þess að
Real fengi öll stigin með marki
snemma í leiknum. Stigin þrjú
sem Real fékk þar og jafntefli
Zenit gerði það að verkum að Real
er komið áfram í 16-liða úrslit
keppninnar. henry@frettabladid.is
Bendtner bjargaði Arsenal
Danski framherjinn tryggði Arsenal sigur á Dynami Kiev í gær og Arsenal um
leið farseðilinn í 16-liða úrslit keppninnar. Það varð ljóst í öllum fjórum riðlun-
um sem keppt var í hvaða tvö lið komast áfram í næstu umferð.
HETJAN FAGNAR Nicklas Bendtner fagnar hér sigurmarkinu. NORDIC PHOTOS/GETTY IMAGES
DRAUMURINN LIFIR Temuri
Ketsbaia hefur gert ótrúlega
hluti með Famagusta sem
á möguleika að komast
áfram. NORDIC PHOTOS/GETTY