Fréttablaðið - 30.11.2008, Blaðsíða 16

16 30. nóvember 2008 SUNNUDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar sendist á auglysingar@frettabladid.is
eða hringja í síma 512 5000.
MARK TWAIN
FÆDDIST ÞENNAN DAG ÁRIÐ 1835.
„Lygin getur verið komin hálfa
leiðina kringum hnöttinn áður en
sannleikurinn er búinn að reima
skóna.“
Bandaríski rithöfundurinn Mark
Twain var gríðarlega vinsæll, bæði
sem rithöfundur og fyrirlesari, á
sinni tíð.
Íslenskir bankar keyptu Skarðsbók
postulasagna á uppboði þennan
dag árið 1965. Skarðsbók postula-
sagna er safn helgisagna um ell-
efu postula Krists. Sögur af þeim
voru þýddar snemma úr latínu svo
almenningur gæti lesið þær, og
seinna voru þær auknar og endur-
samdar.
Skarðsbók er veglegasta safn
postulasagna frá miðöldum, upp-
haflega 95 blöð sem skrifuð voru af
þremur mönnum, líklega í klaustr-
inu að Helgafelli fyrir Orm lögmann
Snorrason á Skarði á Skarðsströnd í Dalasýslu
um 1360. Hann gaf bókina kirkjunni á Skarði
þar sem hennar er getið með eignum kirkjunnar
fram á 19. öld – en bókin er svo horfin árið 1827.
Enski bókasafnarinn Sir Thomas Phillipps
keypti Skarðsbók af bóksala í Lund-
únum 1836 og var hún lengi hluti
af hans mikla safni. Ekki er vitað
hvernig bókin komst til Englands.
Þegar Skarðsbók fór svo á uppboð
í Lundúnum árið 1965 sættu ís-
lensku bankarnir lagi, undir forystu
Seðlabankans, og keyptu hana fyrir
36.000 sterlingspund og gáfu hana
íslensku þjóðinni. Skarðsbók post-
ulasagna varð fyrsta handritið sem
Handritastofnun Íslands, nú Stofn-
un Árna Magnússonar í íslenskum
fræðum, fékk til varðveislu og ber
hún safnmarkið SÁM 1.
Ekki má rugla saman Skarðsbók postula-
sagna við Skarðsbók Jónsbókar sem er vegleg-
asta handritið sem til er af Jónsbók, lögbók Ís-
lendinga.
ÞETTA GERÐIST: 30. NÓVEMBER 1965
Skarðsbók aftur í eigu Íslendinga
„Þegar ég frétti af þessu þá hélt það nú
fyrir mér vöku. Maður rís ekki alveg
undir öllu. En maður vonar það og
þetta leggst vel í mig. Þetta er mesti
heiður sem mér hefur verið sýndur
þótt ég hafi á löngum ferli verið kross-
aður á ýmsan hátt,“ segir Ríkharð-
ur Jónsson, málarameistari og fyrr-
um fótboltakappi með meiru, en hann
fær titilinn heiðursborgari Akraness í
dag. Athöfnin fer fram klukkan 15.30 í
Akraneskirkju.
Ríkharður varð nýlega 79 ára en
hann fæddist á Akranesi 12. nóvem-
ber 1929 og segist Skagamaður í húð
og hár. „Ég hef í raun alið allan aldur
minn hér á Akranesi og konan mín,
Hallbera G. Leósdóttir, einnig, utan
fjögur ár sem ég var við nám í Reykja-
vík. Ég ólst hér upp og stundaði al-
menna verkavinnu en það þurftu allir
að vinna mikið þá, ekki síður en núna.
1946 var ég svo valinn í landsliðið í fót-
bolta, fyrstur utanbæjarmanna og að-
eins 16 ára gamall.“
Ríkharður lék með landsliðinu í um
20 ár. Lengi átti hann metið í marka-
skorun en Ríkharður skoraði 17 mörk
í 33 leikjum. Hann tók ungur við að
þjálfa knattspyrnulið Akraness og
sinnti því hátt á annan áratug.
„Við hjónin fórum upp á Skaga árið
1951 þegar ég var búinn að læra og
þá tók við þjálfun hér á Akranesi. Ég
var rúmlega tvítugur þegar ég fór að
þjálfa Akranesliðið en það gekk bara
undra vel, ég veit ekki hvort það var
vegna þess að þeir þorðu ekki að segja
eitt einasta orð en ég var í þessu í ein
19 ár með hléum.“
Ríkharður vann sem málarameistari
en auk þess hefur hann meistararétt-
indi í dúkalögn og bílasprautun. Hann
sat því ekki auðum höndum en hann
rak bílasprautu og réttingaverkstæði
í 20 ár ásamt öðrum. Ríkharður sat í
bæjarstjórn Akraness þrjú kjörtímabil
og sinnti störfum fyrir bæinn, lengst
af sem stjórnarformaður sjúkrahúss
Akraness, auk þess sem hann eignað-
ist stóra fjölskyldu.
„Við eigum fimm börn, fjórar dætur
og einn son. Þær eru allar stjórar og
sonurinn hagfræðingur úti í Svíþjóð.
Barnabörnin eru orðin 22 og 9 langafa-
börn svo ég er forríkur af fjölskyldu.
Fyrir utan þetta allt er mikil hesta-
heilsa í húsinu sem er ekki minna verð.
Ég er alveg viss um að hæfilegt álag á
líkamann sé hið besta mál, því leng-
ur sem það gengur. Ég var í stöðugum
æfingum alveg frá fermingu, það þýða
fimmtíu ár sem endast mér enn.“
Þegar Ríkharður er inntur eftir há-
punkti ferils síns sem fótboltamanns
nefnir hann daginn þegar hann tók við
Íslandsmeistarabikarnum fyrir hönd
Skagamanna árið 1951, þá nýfarinn að
þjálfa liðið rúmlega tvítugur.
„Þetta er einn af stærstu dögunum í
mínu lífi. Við reiknuðum ekki með því
að vinna Íslandsmeistaramótið strax
í upphafi. Við keyrðum upp á Skaga á
mótorbát með bikarinn, karlakórinn
söng og bæjarstjórinn og fleiri héldu
ræður. Sturlaugur Böðvarsson útgerð-
armaður afhenti liðinu 10.000 krónur
sem voru miklir peningar í þá daga.
Nákvæmlega 50 árum seinna kom bik-
arinn aftur á Akranes og ótal sinnum
á milli. Það hvarflaði ekki að okkur
þennan dag að þetta ætti eftir að verða
næstum því fastur liður í hálfa öld.“
heida@frettabladid.is
RÍKHARÐUR JÓNSSON KNATTSPYRNUKAPPI: HEIÐURSBORGARI AKRANESS
Skagamaður alveg út í gegn
DAGURINN LEGGST VEL Í MIG Ríkharður Jónsson knattspyrnukappi verður gerður að heiðurs-
borgara Akraness í dag. Hann segir það mesta heiður sem sér hafi verið sýndur en hann hefur
alið allan sinn aldur á Akranesi og meðal annars setið í bæjarstjórn. MYND/EIRÍKUR KRISTÓFERSSON
MERKISATBURÐIR
1700 Sænskur 8.500 manna
her sigrar fjórum sinnum
stærri her Rússa í orrust-
unni við Narva.
1886 Tvö skip frá Reykjavík far-
ast í ofsaveðri og þrettán
drukkna.
1916 Goðafoss strandar í hríð-
arveðri við Straumnes fyrir
norðan Aðalvík á Horn-
ströndum. Mannbjörg
verður.
1939 Vetrarstríðið hefst með
því að Sovétríkin gera inn-
rás í Finnland.
2005 Skurðlæknar í Frakk-
landi græða nýtt andlit á
manneskju í fyrsta sinn í
sögunni.
2007 Kárahnjúkavirkjun er
gangsett við formlega at-
höfn.
Ástkær eiginmaður minn, faðir, tengda-
faðir og afi,
Sigurður Guðmundsson
húsgagnasmíðameistari, Funafold 75,
Reykjavík,
sem andaðist á krabbameinsdeild Landspítalans
25. nóvember s.l., verður jarðsunginn frá
Grafarvogskirkju föstudaginn 5. desember kl. 13.00.
Bergþóra Skúladóttir
Trausti Sigurðsson Hanna Björk Ragnarsdóttir
Stefanía H. Sigurðardóttir
Erla Sigurðardóttir
Margrét, Snædís og Sólrún Traustadætur
Elskulegur faðir okkar, bróðir og afi,
Lárus Ingi Kristjánsson
Bleikargróf 13, Reykjavík,
verður jarðsunginn frá Bústaðakirkju, mánudaginn
1. desember kl. 15.00.
Eyjólfur Bragi Lárusson
Kristjana Rós Lárusdóttir
Hrefna Ösp Lárusdóttir
Ottó Ingi Lárusson
Magnús Haukur Kristjánsson
Hilmar Kristjánsson
Helga Ragnhildur Kristjánsdóttir
Inga Lára Kristjánsdóttir
og barnabörn.
Hjartans þakkir fyrir auðsýnda samúð og
hlýhug sem okkur var sýndur við andlát og
útför ástkærrar móður okkar, tengdamóð-
ur, dóttur og ömmu,
Gunnhildar Jóhannesdóttur
Wæhle
hjúkrunarfræðings, Akureyri.
Sérstakar þakkir til starfsfólks Bakkahlíðar og starfs-
fólks á Dvalarheimilinu Hlíð fyrir einstaka umönnun
og hlýju.
Jóna Birna Óskarsdóttir Jón G. Knutsen
Hallgrímur Óskarsson Ragnheiður Eiríksdóttir
Ásta Óskarsdóttir Karl R. Einarsson
Fanney Óskarsdóttir Högni Friðriksson
Gunnar Óskarsson Erla Arinbjarnardóttir
Birna Ingimarsdóttir
Óskar Alfreðsson
og ömmubörn
Okkar ástkæra móðir, tengdamóðir, amma
og langamma,
Katrín L. Hjaltested Hall
ljósmóðir, áður Lindargötu 57, Reykjavík
lést á Droplaugarstöðum laugardaginn 22. nóv. sl.
Útför hennar fer fram frá Háteigskirkju mánudag-
inn 1. des. nk. kl. 15.00. Blóm og kransar vinsamlega
afþökkuð en þeim sem vildu minnast hennar er bent
á Styrktarfélag krabbameinssjúkra barna eða aðrar
líknarstofnanir.
Frank Pétur Hall Guðlaug Magnúsdóttir
Sigurður Lárus Hall Svala Ólafsdóttir
Ragnheiður Kristín Hall Sigurður Rúnar Ragnarsson
Sigurveig Salvör Hall Gunnar Þorsteinsson
barnabörn og barnabarnabörn
Innilegar þakkir fyrir auðsýnda samúð
og hlýju við andlát og útför móður okkar,
tengdamóður og ömmu,
Helgu Björnsdóttur Árdal
Guðný Árdal Björn Árdal
Gísli Alfreðsson Kolbrún Sæmundsdóttir
barnabörn og barnabarnabörn.