Fréttablaðið - 30.11.2008, Blaðsíða 18

LEIKHÚS, TÓNLIST, MARKAÐIR, SKAUTAR, SKÍÐIBORGARFERÐIR
ferðalög kemur út mánaðarlega með sunnudagsblaði Fréttablaðsins.
Ritstjóri Anna Margrét Björnsson amb@frettabladid.is Útlit Arnór Bogason og
Kristín Agnarsdóttir Forsíðumynd Manhattan New York. Mynd eftir Gunnar V.
Andrésson Pennar Hólmfríður Helga Sigurðardóttir, Kjartan Guðmundsson og
Svanborg Sigmarsdóttir Ljósmyndir Fréttablaðið, Getty Images
Auglýsingar Benedikt Jónsson benediktj@365.is
F
lest okkar erum værukær um jólin og finnst ekkert betra en
íslensk jól umkringd ástvinum þar sem hefðir og venjur eru
negldar niður. Sami jólamaturinn, sama fjölskylduboðið og
sama jólaskrautið. Slík jól eru auðvitað yndisleg en stundum er
gaman að upplifa hátíðina á öðrum svæðum veraldar. Halda jól á suður-
hveli þar sem heimamenn rembast við að borða heitan kalkún í fjörutíu
stiga hita og hengja jólaseríur á pálmatré. Eða uppgötva hefðir hinnar
kaþólsku Suður-Evrópu sem eru að sumu leyti líkar okkar eigin en að
mörgu leyti exótískar. Svo er það auðvitað jólamaturinn sem breytist
eftir sérhverju landi sem er heimsótt og ljáir jólunum sinn hátíðlega
blæ. Hvernig væri nú að skjótast til nálægrar borgar í aðdraganda jóla
og uppgötva hvernig heimamenn komast í jólaskapið? Snæða julefrokost
í Kaupmannahöfn og kíkja á jóladýrðina í Tívólíinu, smakka á heitum
„Mince Pie“ í miðborg Lundúna eða setjast á kirkjubekk og hlusta á ynd-
isfagra tónleika í Sacre-Coeur kirkju Parísarborgar? Hver einasta borg
á sér eigið jólaskap og það sem gerir jólin nú svo sammannleg er einmitt
að upplifa hversu sterkt við öll tengjumst í gegnum þessa hátíð friðar og
kærleiks.
Skrýtnara er að upplifa evrópskar jólahefðir eins og þörfina á jóla-
sveini, snjó og þungum mat á fjarlægum slóðum. Ég man að mér fannst
jólin frekar skondin sem ég eyddi í norðurhluta Ástralíu á heitasta tíma
þeirrar álfu. Þrátt fyrir að hitinn væri næstum í 45 stigum og að rakinn
streymdi í bunum niður eftir veggjunum voru heimamenn að svitna yfir
kalkún og kartöflum í ofninum og koníaksleginni rúsínutertu að bresk-
um sið. Í búðargluggum var búið að úða gervisnjó og setja jólasveina um
allt, klædda í heita rauða loðgalla og stígvél. Meira að segja hreindýra-
sleðinn var væntanlegur á þessar regnskógaslóðir.
Þeir sem ferðast ekki til útlanda í desember gætu þó ferðast í hugan-
um með því að prófa matargerð annarra landa. Hvers vegna að festast í
hangikjöti, rjúpum og piparkökum þegar það er óneitanlega frumlegra
að prufa að skella í bresk ávaxtapæ (mince pie), franska jólaköku eða
heitan kryddaðan eplasafa að bandarískum sið sem er upplagður í sum-
arbústaðinn? En hvað sem þið gerið í desembermánuði óska ég ykkur
góðrar ferðar og njótið hátíðarinnar!
Anna Margrét Björnsson skrifar
JÓL HINGAÐ OG ÞANGAÐ
fo
rs
íð
a
bl
að
si
ns H
elgarferðir til útlanda
eru ekki á allra færi
þessa aðventuna. En
það er ekki þar með
sagt að allir þurfi að dúsa heima í
kotinu. Í aðdraganda jóla er nóg
um að vera um allt land. Helgar-
ferð til Akureyrar eða Ísafjarðar
er tilvalin leið til að krækja sér í
jólaandann.
Nú er Ísafjörður kominn í jóla-
fötin, jólatréð hefur verið tendrað
og ekkert sem stoppar Ísfirðinga í
jólalátunum. Elfar Logi Hannes-
son, sem rekur Kómedíuleikhús-
ið, segir endalausa möguleika í
skemmtunum á Ísafirði fyrir
jólin. „Já, heldur betur. Desember
er til dæmis gósentíð kóranna hér,
barnakórinn, Valkyrjurnar og
karlakórinn standa allir fyrir tón-
leikum fyrir jólin. Svo verða Jóla-
tónleikar tónlistarskólans alla
daga frá 8. til 16. desember, þar
sem allir nemendur tónlistarskól-
ans, frá krökkum upp í öldunga,
troða upp.“
Af öðru má nefna Abba-sýningu
á Café Edinborg og söng- og leik-
dagskrá á Hótel Ísafirði, byggða á
verkum bræðranna Jónasar og
Jóns Múla Árnasona. Skíða-
brekkurnar eru í óða önn að
hlaða á sig snjó á ný eftir
hlákuna nýverið og eru
heimamenn staðráðnir í að
aðventan verði góð til skíðaiðkun-
ar. Og Í Tjöruhúsinu er Kómedíu-
leikhúsið með leiksýninguna Jóla-
sveinar Grýlusynir, eftir Elfar
Loga og Soffíu Vagnsdóttur.
Akureyri er enginn eftirbátur
Ísafjarðar í jólaundirbúningnum.
Þangað er líka hægt að sækja
hvað sem er, hvort sem hugurinn
stendur til afslöppunar eða
skemmtunar, heilsuræktar eða
menningar. Til að auðvelda fólki
valið heldur starfsfólk Akureyr-
arstofu utan um dagskrá undir
heitinu Aðventuævintýri 2008. Í
dagskránni, sem nálgast má á
vefslóðinni www.visitakureyri.is,
kennir ýmissa grasa.
Sinfóníuhljómsveit Norður-
lands heldur aðventutónleika sína
laugardaginn 6. nóvember
klukkan sex. Á Listasafni
Akureyrar stendur yfir sýn-
ingin Orð guðs, þar sem sex
listamenn eiga verk sem fjalla
um og vekja upp spurningar um
ýmsa þætti kristinnar trúar.
Af öðru má nefna „Baulaðu nú
Búkolla mín” hádegisverðarhlað-
borð beint frá býlinu í Vogafjósi
og leiksýninguna Lápur, Skrápur
og jólaskapið sem sýnd er í Rým-
inu. Þessu til viðbótar eru mark-
aðir, tónleikar, leiksýningar og
fleira. Af nógu er að taka. Það er
því tilvalið fyrir þá sem hafa þörf
fyrir tilbreytingu að skreppa
norður og njóta lífsins í vetrar-
paradísinni.
AÐVENTAN Á
AKUREYRI OG ÍSAFIRÐI
Helgarferð út á land er tilvalin leið til að koma sér í jólaskapið. Á Akureyri og Ísafi rði
eru tónleikar, listsýningar, markaðir, leiksýningar og jafnvel tækifæri til skíðaiðkunar.
Aðaventan innanlands Enginn er svik-
inn af því að skjótast til Akureyrar eða
Ísafjarðar og njóta þar jólastemmning-
ar á aðventunni.
2 FERÐALÖG
UPPÁHALDSVEITINGASTAÐUR:
Piccolino‘s i miðborg Liver-
pool. Alveg drauma ítalskur
veitingastaður. Ég fer með alla
listamennina sem ég vinn með á
þennan stað (eða læt þá bjóða
mér).
UPPÁHALDSBARINN: Hvítvíns-
glas á Bluecoat-veitingastaðnum
eftir langan dag gerir trikkið.
SKEMMTILEGASTA HVERFIÐ:
Á n nokkurs vafa Aigburth-hverfið
þar sem ég á heima. Hverfið er
við Mersey-ána og litlir og sætir
barir og veitingastaðir alls staðar.
Einnig er Woolton-hverfið, rétt
hjá Strawberry Fields, eins og
konfektkassi.
EKKI MISSA AF : Liverpool býður
upp á fleiri tónleika og skemmt-
anir í dag heldur en nokkur önnur
borg í Bretlandi. Endalausir
möguleikar og alltaf eitthvað nýtt
og „groundbreaking“.
HEIMAMAÐURINN
 Liverpool
INGI ÞÓR JÓNSSON, FRAMKVÆMDASTJÓRI
NORRÆNU LISTAHÁTÍÐARINNAR NICE08
BÓKAÐU
NÚNA
flugfelag.is
Skráðu þig í
Netklúbbinn
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
Félagar í Netklúbbnum
fá fyrstir upplýsingar
um tilboð og nýjungar
í tölvupósti.
Alltaf ódýrast á netinu
www.flugfelag.is
„...fyrst á visir.is“
...ég sá það á visir.is