Fréttablaðið - 21.12.2008, Qupperneq 38

Ég hef brennandi áhuga á bakstri því kökur eru svo yndislega góðar,“
segir Sonja B. Guðfinns-
dóttir lyfjafræðingur, sem í
sumar opnaði kökusíðuna
www.cakedecoideas.com,
þar sem finna má yfir 180
hugmyndir að stórkostleg-
um kökuskreytingum, en
sjón er sögu ríkari.
„Ég hef haft gaman af
bakstri síðan ég var lítil og
þetta hefur blundað í mér
allar götur síðan. Þegar ég
bjó í Pittsburgh í Bandaríkj-
unum um aldamótin síðustu
lifnaði áhuginn aftur og ég
fór að fikta æ meira við
kökuskreytingar, því þar
eru kökur hreinasta lista-
verk. Kökumyndasafn mitt
stækkaði því jafnt og þétt
og fyrir rúmu ári kviknaði
hugmyndin að kökusíðunni
því mig langaði að deila
hugmyndum mínum,“ segir
Sonja um heimasíðuna sem
er reglulega uppfærð og
hefur að geyma hugmyndir
að kökuskreytingum ásamt
fallegum myndum af heima-
gerðum sykurblómum henn-
ar, en einnig er hægt að fá
ótal hugmyndir að skreyt-
ingum á súkkulaði-, mar-
engs- og ostakökur, ásamt
hátíðakökum og barna-
afmæliskökum, sem að sögn
Sonju er langvinsælasti
kökuflokkurinn.
„Blómin sprauta ég eftir
kúnstarinnar tækni en flest
koma þau úr blómagarði
hugans. Mér leiðist að fara
eftir fyrirfram gefnum
skreytingauppskriftum og
kýs frekar að fá útrás fyrir
hugmyndaflugið þegar
kemur að því að skera út
teiknimyndafígúrur fyrir
barnatertur og annað
skreytikyns,“ segir Sonja
sem starfar á rannsóknar-
stofu Actavis. „Starf lyfja-
fræðings og bakara er ekki
svo ólíkt; að vigta, hræra
saman og sulla,“ segir hún
hlæjandi.
Súkkulaði-pavlovan sem
Sonja bakaði og skreytti svo
fallega fyrir lesendur segir
hún tilvalda á hátíðaborðið,
enda jólaleg með eindæm-
um.
„Þetta er einföld og góð
uppskrift, og upplagt að
nota frosnar berjablöndur
eins og frosin hindber í
kreppunni þegar fersk ber
eru fokdýr. Þá þíðir maður
þau og þurrkar vel. Og til að
fá háa kanta á marengsinn
baka ég hann í formi og þá
verður útkoman mjúkseig í
miðjunni.“ - þlg
Sonja hefur haft
dálæti á bakstri
alveg síðan í
bernsku.
Sonja segir tilvalið
að nota frosnar
berjablöndur í
pavlovuna.
6 eggjahvítur
300 g sykur
1-2 tsk. vínedik
3 msk. kakó, sigtað
50 g dökkt súkkulaði
½ l rjómi
hindber eða önnur ber, eða
ávaxtablanda
Stífþeytið eggjahvítur. Bætið
sykri smám saman út í, einni
matskeið í einu og þeytið á
meðan. Bætið vínediki og
sigtuðu kakói út í og hrærið
varlega með sleif. Setjið á
bökunarpappír í form. Dreifið
söxuðu súkkulaði yfir.
Bakið við 150° C í eina
klukkustund og korter.
Skreytið með þeyttum
rjóma og berjum að vild.
SÚKKULAÐI PAVLOVA SONJU
FR
ÉT
TA
B
LA
Ð
IÐ
/S
TE
FÁ
N
Rósir úr
blómagarði hugans
Sumar kökur eru slíkar gersemar fyrir augað að jaðrar við synd að skera þær í sneið-
ar. Sonja B. Guðfinnsdóttir galdrar fram hvert góðgætið á fætur öðru allt árið um
kring, oft svo fallega og skemmtilega skreytt að úr verða hreinustu listaverk.
GEIRSGATA 9 101 REYKJAVIK 561 1111 ORANGE.IS
FUN DINING
BY THE HARBOUR
RESTAURANT
COCKTAIL LOUNGE
DEKRAÐU
VIÐ BRAGÐLAUKA
VINA ÞINNA
GEFÐU ÓGLEYMANLEGA UPPLIFUN MEÐ
LET’S GO CRAZY EÐA LET’S GO CRAZY
WINE GJAFAKORTUM ORANGE
KORTIN GILDA FYRIR 2 - EINNIG Í BOÐI ERU:
5.000, 10.000, 15.000 & 20.000 kr.
GEFÐU ÓGLEYMANLEGA KVÖLDSTUND