Fréttablaðið - 15.01.2009, Síða 8

8 15. janúar 2009 FIMMTUDAGUR
1 Hverjum vildi Ingibjörg Sól-
rún Gísladóttir ráða heilt fyrir
fund í Háskólabíói?
2 Hvað eru margir dagar liðnir
frá því Alþingi setti neyðarlög-
in?
3 Evrópusambandslönd fá ekki
gas frá Rússlandi til upphitunar
húsa. Um hvaða land liggja
gasleiðslurnar?
SVÖRIN ERU Á SÍÐU 46



      
 
    



   

 
 
    
  !" # ""$%$&
  !"#$ %$ &!!'$ (
)*+&$  #(,+--&( *  .*(#/0
#120##3 4445!(*5#5
'()!*
65 7#*&$5
85 +$  919*#&$#&*9 %$
.$(+7( #&12 ( )*+&$5
:5 !!'$ ( )*+&$  #(,+--&(5
;5 < (!5


     
 
  
4445!(*5#
PALESTÍNA, AP Viðræður Egypta við
Hamas um hugsanlegt tíu daga
vopnahlé milli Hamas og Ísraels
eru sagðar langt komnar. Þetta
staðfestu fulltrúar bæði Egypta og
Hamas-samtakanna í gær.
Drögin verði fljótlega kynnt
Ísraelum, en mikil óvissa ríkir
engu síður um langtímahorfur á
Gazasvæðinu, þar sem stanslausar
árásir Ísraela í nærri þrjár vikur
hafa kostað hátt í þúsund manns
lífið. Um helmingur þeirra er sagð-
ur vera almennir borgarar, þar af
hundruð á barnsaldri.
Loftárásum á þéttbýlt Gazasvæð-
ið var haldið áfram af fullum krafti
í gær. Meðal annars var sprengjum
varpað á grafreit í Gazaborg, þar
sem fjöldi manns var saman kom-
inn og dreifðust líkamshlutar út
um stórt svæði. Ísraelsher segir
þessari árás hafa verið beint að
vopnageymslu skammt frá graf-
reitnum.
Skæruliðar Hezbollah-hreyfing-
arinnar í Líbanon skutu sprengju-
flaugum suður yfir landamærin
til Ísraels í gær, en þær ollu engu
manntjóni. Sprengjuflaugaárás-
um frá Gazasvæðinu hefur fækk-
að töluvert frá því árásirnar hóf-
ust. Í byrjun skutu Palestínumenn
allt að 80 flaugum yfir landamærin
til Ísraels á dag, en í gær var skotið
16 flaugum.
Frá því Ísraelar hófu árásir
sínar, hinn 27. desember síðast-
liðinn, hafa þrettán Ísraelsmenn
látist, þar af fjórir af völdum
sprengjuflauga frá Gazasvæðinu.
Ísraelar hafa aðeins gert þriggja
klukkustunda hlé á árásum sínum
daglega, svo hægt verði að koma
brýnustu hjálpargögnum yfir á
Gazasvæðið.
Ísraelar hafa ítrekað fullyrt að
þeir muni ekki hætta árásum fyrr
en tryggt sé, að íbúar á Gaza skjóti
ekki fleiri sprengjuflaugum yfir
til Ísraels. Leiðtogar Hamas hafa
sömuleiðis hafnað vopnahléi, nema
því aðeins að landamæri Gaza
verði opnuð.
Vopnahléshugmyndir, sem nú
eru ræddar í Egyptalandi, felast
líklega í því, að því er AP frétta-
stofan hefur eftir samningamönn-
um, að Ísraelar hætti árásum án
þess þó að draga herlið sitt til
baka, en á móti hætti Hamas-liðar
að skjóta sprengjuflaugum. Slíkt
bráðabirgðavopnahlé myndi standa
í tíu daga, sem þyrfti að nota til að
semja um vopnahlé til lengri tíma.
Takist það ekki, má búast við að
blóðbaðið hæfist að nýju.
gudsteinn@frettabladid.is
Vopnahlésviðræður Hamas
og Ísraels mjakast áfram
Nærri þrjár vikur eru síðan Ísraelar hófu miskunnarlausar árásir sínar á íbúa Gazasvæðisins. Tugir manna
enn drepnir á hverjum degi. Egyptar og Hamasliðar eru með drög að bráðabirgðavopnahléi í smíðum.
FYLGST MEÐ BLÓÐBAÐINU Þrír réttrúaðir gyðingar fylgdust með átökunum á götum
Gazaborgar frá samyrkjubúinu Nir Am, sem er skammt frá bænum Sderot rétt hand-
an landamæra Gaza. NORDICPHOTOS/AFP
JARÐSKJÁLFTI Ríkissjóður greiðir 733
milljónir króna í styrki vegna Suð-
urlandsskjálftans 29. maí í fyrra.
Stærstur hluti upphæðarinnar, 402
milljónir króna, eru styrkir til ein-
staklinga sem urðu fyrir tjóni sem
tryggingar ná ekki til.
Alls fara 200 milljónir í styrki
vegna fyrstu viðbragða við skjálft-
anum og aukinn kostnað sveitarfé-
laga. Þá fara 50 milljónir í styrki
vegna tjóns opinberra stofnana á
jarðskjálftasvæðinu og 81 milljón
í önnur tjón og ófyrirséð.
Í tilkynningu frá forsætisráðu-
neytinu segir að forsætis- og fjár-
málaráðuneytin muni nú hefjast
handa við að greiða út styrki. Þeir
styrkir sem greiddir verði á næst-
unni séu vegna niðurrifs, endur-
mats á brunabótamati, tjóns á
innbúum og fleiru. Samkvæmt við-
gerðarreikningum sé um að ræða
stéttar, palla, veggi, hleðslur, frá-
rennsli, vatnsveitur, borholur og
fleira.
Í tilkynningu ráðuneytisins
segir enn fremur að tjón af skjálft-
anum sé metið á milljarða króna,
enda hafi þetta verið mestu ham-
farir sem gengið hafa yfir jafn
fjölmenna og þéttbýla byggð hér
á landi. Jarðskjálftinn hafi þess
vegna reynt mikið á alla þætti
samfélagsins og er öllum þeim,
sem komu að aðgerðum, á einn eða
annan hátt þakkað í yfirlýsingu
ráðuneytisins.
Nánari upplýsingar má nálgast
á vefsíðunni forsaetisraduneyti.is
- ovd
Stuðningur ríkisins vegna Suðurlandsskjálftans nemur 733 milljónum:
Ríkið greiðir skjálftabætur
ALLT Í RÚST Tjón af völdum skjálftans
sem skók Suðurland 29. maí í fyrra er
metið á milljarða króna. FRÉTTABLAÐIÐ/STEFÁN
STOKKHÓLMUR, AP Níu hundr-
uð starfsmönnum Karólínska
sjúkrahússins í Stokkhólmi í Sví-
þjóð verður sagt upp störfum.
Uppsagnirnar eru sagðar spara
spítalanum um 450 milljónir
sænskra króna á ári sem sam-
svarar tæplega 6,9 milljörðum
íslenskra króna. Nokkur halli
hefur verið á rekstri sjúkrahúss-
ins undanfarin ár. Hátt í 16 þús-
und manns starfa á sjúkrahúsinu
sem er annað stærsta sjúkrahús
Svíþjóðar. Um tveir þriðju þeirra
sem sagt verður upp eru fast-
ráðnir starfsmenn en aðrir eru
lausráðnir starfsmenn eða verk-
takar. - ovd
Fjöldauppsagnir í Svíþjóð:
Spara hátt í sjö
milljarða á ári
EFNAHAGSMÁL „Hann spurði um
það sem hefur verið gert í kjölfar
bankahrunsins,“ segir Sigmundur
Sigurgeirsson hjá fjármálaráðu-
neytinu, en hann var einn þriggja
embættismanna sem fundaði í
gær með Robert Wade, prófessor
í stjórnmálahagfræði hjá LSE.
Wade var einn frummælenda
á borgarafundi í Háskólabíói þar
sem hann gagnrýndi stjórnvöld
fyrir aðgerðarleysi í aðdraganda
og kjölfar bankahrunsins.
Sigmundur segir að Wade hafi
ekki haft vitneskju um ýmislegt.
Þar á meðal hafi hann ekki vitað
af því eignamati sem er í gangi
í gömlu bönkunum, né af þeim
neyðarnefndum sem hafi verið að
störfum. Þá hafi Wade verið upp-
lýstur um samskipti við erlenda
kröfuhafa.
Robert Wade vildi ekki tjá sig
um fundinn þegar eftir því var
leitað. - ss
Wade á fundi ráðuneyta:
Fræddur um
neyðarnefndir
JÓN ÞÓR STURLUSON OG ROBERT WADE
Wade gagnrýndi meðal annars skort á
upplýsingum frá stjórnvöldum vegna
efnahagskreppunnar. FRÉTTABLAÐIÐ/ VILHELM
VEISTU SVARIÐ?