Tíminn - 29.12.1982, Blaðsíða 6
E
'idíi!
■ Ný björgunarstöð SVFÍ fyrir Austur- og Vestur Landeyjar.
Á annað hundrað
Sunnlendingar á
samæfingu SVFÍ
Suöurland: Rúmlega eitthundrað fé-
lagar úr björgúnarsveitum allt frá
Kirkjubæjarklaustri að Hvolsvelli,
að Vestmannaeyjum meðtöldum,
mættu á samæfingu björgunarveita
SVFÍ í umdæmi 10, sem haldin var
nýlega.
Æfingar stóðu yfir allan daginn.
Tók þyrlan Rán þátt í þeim fyrir
hádegi og fengu allir þátttakendur að
kynnast því hvernig er að vinna undir
þyrlu í eðlilegri vinnuhæð hennar.
Einnig sýndi áhöfn þyrlunnar með-
ferð björgunar- og hjálpartækja
hennar.
Að öðru leyti var æfingunni skipt
í þrennt: Rifjuð upp notkun korta og
áttavita, aðkoma og flutningur, af
slysstað og fluglínuæfing við Affallið.
Minnisvarði
um Ásgrím
I Jónssort á fæð-
ingarstað hans
Árnessýsia/Keykjavík: Á aöalfundi
Árnesingaféiagsins sem haldinn var
nýlega kom m.a. fram aö félagið
hefur sett upp minnisvarða um
Ásgrím Jónsson listmálara á fæðing-
arstað hans Rútstaðahjáleigu ■
Flóa. Þá stóð félagið og fyrir Árnes-
ingamóti, Jónsmessumóti og fleiri
skemmtunum. Síðust þeirra var að-
ventusamkoma sem félagið efndi til
í Hreyfilshúsinu, senr öldruðum Ár-
|nesingum var sérstaklega boðið til.
Þar var gestum boðið upp á kafflveit-
ingar, ömmusystur og Árnesingakór-
inn skemmtu og sr. Oiafur Skúlason
flutti hugvckju.
Árncsingakórinn hefur ælt af
kappi í vctur og mun nú fyrir jólin
syngja í þrem vistheimilum aldraðra.
Síðari hluta vetrar verður svo söng-
skemmtun með Samkór Selfoss og
fleira á dagskrá.
Stjórn félagsins var öll cndurkjörin
á aðalfundinum. Hana skipa Árín-
björn Kolbeinsson formaður, Bjarni
K. Bjarnason, Ólöf Stefánsdóttir,
Sigmundur Stefánsson og Unnur
Stefánsdóttir. Formaður Árnesing-
akórsins er Þorgerður Guðflnnsdótt-
ir. - HEI
Fimm íbúðir
aldraðra
Reyðarfjörður: Á Reyðarfirði er nú
í undirbúningi að reisa 5 íbúðir fyrir
aldraða, á einni hæð, 2 hjónaíbúðir
og 3 fyrir einstaklinga.
Er gert ráð fyrir að þetta verði 1.
áfangi í langtímaáætlun um þessi mál
þar sem m.a. er gert ráð fyrir
þjónustumiðstöð og heilsugæslustöð.
Samið hefur verið um teikningu
íbúðanna, sem gert er ráð fyrir að
verði leigu- og söluíbúðir eftir atvik-
um. Hreppsnefnd hefur ákveðið að
íbúðirnar fái lóð í sunnanverðri
Oddnýjarhæð.
Á vegum bygginarnefndar hefur
verið stofnaður sérstakur byggingar-
sjóður með 2.500 kr. framlagi hvers
eftir talinna aðila: Hreppsnefnd,
Kvenfélagi, Lionsklúbbi og Verka-
mannafélagi Reyðarfjarðarog Reyð-
arfjarðardeild Rauða Kross Is ands.
Stofnféð er varðveitt á verðtryggðum
bankareikningi. Beinir byggingar-
nefndin þeim tilmælum til allra er
styðja vilja þetta mál að koma
framlögum til einhvers nefndarm-
anna. Gjafið verða skráðar í sérstaka
gjafabók.
í bygginarnefnd eru eftirtaldir
menn: FormaðurGuðmundurMagn-
ússon, Árni Ragnarsson, Klara Krist-
insdóttir, Þorgrímur Jörgensson og
Þórey Baldursdóttir. - HEI
Sundlaug til
sjúkraþjálfun-
ar forgangs-
verkefni
Borgarfjörður: „Forgangsverkefni á
vegum Sambands borgfirskra kvenna
er nú að stuðla að því eftir mætti að
byggð verði sundlaug til sjúkraþjálf-
unar í tengslum við Sjúkrahús Akr-
aness og Heilsugæslustöð Akraness",
segir í frétt sambandsins.
í samþykkt aðalfundar SBK er
skorað á heilbrigðisráðuneytið og
byggingarnefnd heilsugæslustöðvar
við Sjúkrahúsið á Akranesi að hraða
hönnun og byggingu heilsugæslu-
stöðvarinnar. Jafnframt var skorað á
sömu aðila að gera ráð fyrir sundlaug
við fyrrnefndar stofnair. Bent er á að
engin sjúkraþjálfunaraðstaða með
sundlaug sé til á Vesturlandi, þó
almennt sé viðurkennt að sundlaug
sé nauðsynleg við þjálfun og endur-
hæfingu fatlaðra, aldraðra og sjúkra.
Sambandið hefur staðið fyrir fjár-
öflun í þessu skyni og mun halda
henni áfram.
Innan vébanda SBK eru nú 17
félög. í þeim félögum eru alls 866
félagar og 78 auka- eða heiðursfélag-
ar. - HEI
„Sölufyrirkomu-
lag kartaflna
þarf nast endur-
skodunar’7
■ „Stjórn Neytendasamtakanna fer
fram á að skipuð verði nefnd til þess
að kanna í hverju það liggur, að ekki
er hægt að koma kartöflum óskemmd
um á borð neytenda. Þykir skjóta
skökku við að í útsölu Grænmet-
isverslunarinnar er hægt að fá
óskemmdar kartöflur að öllu jöfnu“,
segir m. a. í ályktun frá samtökunum.
í ályktuninni segir að neytendum
sé í mörgum tilfellum seldar kartöflur
sem séu algerlega óætar, m.a. nú í
haust þegar sumaruppskeran var
nýkomin á markaðinn. Er þess
krafist að nú þegar verði gerðar
ráðstafanir til að koma í veg fyrir
slíkt ófremdarástand. „Þykir sýnt að
sölufyrirkomulag kartaflna þarfnist
endurskoðunar og breytinga“, segir
í ályktuninni. - HEI
FJORAR HUOMPLOTUR
FRÁ MANÚELU WIESLER
■ Manuela Wiesler, íslensk-austurísk-
ur flautuleikari, sendir nú frá sér fjórar
plötur með tónlist fyrir einleiksflautu.
Plöturnar voru teknar upp í Háteigs-
kirkju í Reykjavík í haust. Upptöku-
maður var Bjarni Rúnar Bjarnason.
Fyrsta platan hefur að geyma barokk-
tónlist, tilbrigði um LA FOLIA eftir
franska tónskáldið Marin Marais í
útsetningu Manuelu, svo og verk eftir
feðgana Johann Sebastian Bach og Carl
Philip Emanuel Bach. Á plötu 2 er að
finna tónlist frá þessari öld - frá Debussy
til Jolivet. Á plötu 3 eru verk eftir
norræn tónskáld, þ.á.m. Leif Þórarins-
son og Þorkel Sigurbjörnsson. Síðasta
platan ber heitið tilraunatónlist og eru á
henni verk sem eiga að lýsa hughrifum
og tilfinningum á „efra vitundarstigi".
Plöturnar fást í versluninni LIST í
Miðbæjarmarkaðnum og eftir klukkan 4
á útimarkaðnum á Lækjartorgi. Hver
plata kostar 150 krónur, en allar saman
kosta þær 500 krónur. - Sjó.
■ Manuela Wiesler er í hópi þeirra sem mjög hafa lífgað upp á íslenskt tónlistarlíf. Nú hefur hún gefið út fjórar plötur,
sem innihalda efni frá Bacli til Þorkels Sigurbjörnssonar. Ailir unnendur flaututónlistar ættu að fínna eitthvað við sitt hæfl.
■ Héraðsbókasafn A.-Húnavatnssýslu
var nýlega flutt í rúmgóð salarkynni á
efstu hæð Bókhlöðunnar á Blönduósi.
Þar var því ætlað framtíðarhúsnæði, þá
Bókhlaðan var byggð á fyrri hluta
síðasta áratugar. Fyrstu árin var efsta
hæðin leigð undir aðra starfsemi, en
safninu búin bráðabirgðaraðstaða í
kjallara hússins.
Safnið var opnað í framtíðarhúsnæð-
inu með viðhöfn sunnudaginn 28. nóv.
sl. Við það tækifæri sagði Grímur
Gíslason formaður stjórnar Héraðs-
bókasafnsins m.a.
- Óneitanlega er þetta merkur áfangi
sem hlýtur að valda þáttaskilum í sögu
safnsins, enda þótt margt vanti af því
Héraðsbókasafn A-Húnavatns-
sýslu flutt í framtíðarhúsnæðið
sem þarf og hlýtur að koma fyrr eða
síðar. Á ég þar við ýmsan búnað
safnsins, sem er á frumstigi og einnig hitt
að bækur sem hingað munu koma eru
dreifðar víðs vegar um héraðið í mjög
misjöfnu ástandi til nota, umhirðu og
öryggis.
Með tilkomu þessa húsnæðis er nú
fyrst tækifæri fyrir héraðsbúa að samein-
ast um bókasafnsstarfssemi sína á þeim
stað, sem flestra leiðir liggja um hingað
til Blönduóss. Um það hversu þróunin í
þessa átt verður ör veit ég að eru skiptar
skoðanir í héraðinu, en í þessa átt hlýtur
þróunin að verða. Við eruni svo fáir
Húnvetningar og kanske líka megi segja
fátækir til þessara hluta að við eigum
engin efni eða aðrar ástæður til þess að
standa dreifðir að þessum menningarm-
álum okkar.
í ræðu sinni rakti Grímur einnig í
stórum dráttum sögu Héraðsbókasafns-
ins og gat um merkar gjafir, sem því hafa
borist á liðnum árum. Allmargt fólk var
viðstatt athöfnina.
í tilefni þessara tímamóta hefur safnið
fengið 10.000,- kr. gjöf frá Menningar-
sjóði Kaupfélags Húnvetninga. Þeim
peningum hefur Verið varið til þess
að kaupa búnað í þann hluta safnsins,
sem börnum er ætlaður. Þá gaf Lions-
klúbbur Blönduóss 15.000,- kr. til þess
að kaupa búnað í lesstofu safnsins.
Bækur safnsins eru nú 12.000 bindi.
Bókasafnsvörður er Ásta Rögnaldsdótt-
ir bókasafnsfræðingur og hafði hún
ásamt aðstoðarbókaverði ríkisins And-
reu Jóhannsdóttur umsjón með flutningi
safnsins og skipulagningu.
Héraðsskjalasafn A. Húnavatnssýslu
fær nú til afnota það húsnæði í kjallara
Bókhlöðunnar, það sem Héraðsbóka-
safnið var. Við það aukast möguleikar
skjalasafnsins verulega að sinna hlut-
verki sínu, en forráðamenn þess hvetja
Húnvetninga að koma gömlum skjölum
þangað til varðveislu. MÓ
Hey tii sölu Vélbundið súgþurrkað hey til sölu að Stóra-Kroppi í Borgarfirði. Upplýsingar í síma 91-71338 á kvöldin.
Frá Happdrætti
Framsóknarflokksins
Dregið hefur verið í Happdrættinu og vinningsnúmerin
innsigluð hjá Borgarfógeta á meðan iokaskil eru að berast.
Þeir sem enn eiga eftir að gera skil eru minntir á
gíróseðlana og má greiða samkvæmt þeim á pósthúsum
og bönkum næstu daga.