Tíminn - 02.10.1983, Blaðsíða 2

2
SUNNUDAGUR 2. OKTÓBER 1983
■ Helmut Pantenburg hoteleig-
andi Hótels Petrisberg er svo stolt-
ur af vini sínu, að ekki var við annað
komandi en ég myndaði hann með
flösku i hönd...
Með Trier
við fætur þér
■ „en bragðið er enn betra
Prost!"
A
faralds-
fæti
Umm...ilmurinn er góður...“
Umsjón Agnes Bragadóttlr
Hvað viltu meira, ef þú á annað borð dvelur í Móseldalnum?
■ „Ef þú á annað borð velur að hvílast
hér, þá hefur þú elstu borg Þýskalands,
Trier við fætur þér“. Þessi orð eru í
kynningarbæklingi Hótels Petrisberg, í
Trier, sem stendur í samnefndri hlíð
(fjalli) fyrir ofan Trier, en þar er einmitt
hið fegursta útsýni yfir borgina. Á
meðan við áðum í Trier í heimsókn
okkar í Móseldalnum gistum við í þessu
fallcga og vinalcga hóteli, og eins og ég
greindi frá fyrir skömmu þá tók ég
smávital við eiganda hótelsins Helmut
Pantenburg, en hótelið og svæðið þar í
kring hafa verið í eigu Pantenburgfjöl-
skyldunnar í 100 ár, eftir því sem hann
sagði mér.
Pantenburg nú virðist allt vera' mjög
moderne hér í innréttingum, og húsið
reyndar einnig, ekki trúi ég því að þetta
sé gömul bygging? „Nei, það er alveg
rétt. Við rifum gamla hótelið fyrir 15
árum og byggðum þetta þá í stað þess.
Ég er mjög ánægður með nýja hótelið,
en eins og þú séð er þú skoðar herbergin,
þá hölum við reynt að gefa hverju
herbergi fyrir sig sérstakan stíl, og
höfum lagt í mikinn kostnað við að
prýða herbergin góðum listaverkum og
skúlptúrum." Það staðfestist hér með að
orð Pantenburg eru síst ýkjur á því
hversu sérlega smekklega og jafnframt
hlýleg herbergi hótelsins eru útbúin.
Pantenburg heldur áfram: „Já, ég
sagðist ánægður með nýju bygginguna,
en samt sem áður sakna ég þeirrar gömlu
alltaf svolítið, því það hafði þessa gríðar-
stóru verönd, þar sem Trierbúar sátu á
sunnudögum, börn sem gamalmenni og
sötruðu sitt kaffi, súkkulagði o.s.frv. og
nutu útsýnisins yfir Trier, eftir að hafa
lagt á sig göngutúr hér upp hlíðina frá
Trier. Yfir því var viss sjarmi sem
eftirsjá er að“
- Hvenær er háannatími hér hjá
ykkur?
„Eins einkennilega og það kann nú að
hljóma, þá höfum við tvo háannatíma
hér - annars vegar er það maí til júní
tímabilið sem er einstaklega mikill anna-
tími, en Móseldalurinn er líklega fallcg-
astur í byrjun sumars, og þá flykkjast
ferðamennirnir hingað, og seinni há-
annatíminn er svo september til október,
á meðan á vínberjatínslunni stendur. Þá
er erfitt að fá herbergi í Trier, og yfirleitt
í Móseldalnum öllum.“ - Hvað þá með
þennan dæmigerða ferðamanntíma,
júní — júlf?
„Það hefur nú einu sinni verið lenska
hér, að yfir þennan dæmigerða háanna-
tíma þá hafa Þjóðverjar farið erlendis,
og ferðast til landa, þar sem þeir hafa
getiað verið á sólarströnd, eins og í
Frakklandi, á Spáni, Grikklandi og ítal-
íu, eða jafnvel á Bahamaeyjum, og því
hefur ekki verið svo mikið um þýska
feðamenn á þessum tíma, en það kann
vel að vera að nú verði breyting á, því
við eins og aðrir, virðumst hafa minna
handa á milli akkúrat núna, sem kann
aftur að þýða það að Þjóðverjar dragi úr
utanförum sínum og ferðist meira í
sumarfríum sínum hér innanlands.“
- Nú segir þú allt fyllast hér um
vínberjatínslutímann. Eru Móselvínin
aðalaðdráttarafl þessa fallega dals?
„Nei, eins undarlega og það kann að
hljóma, þá held ég að vínin okkar
■ Útsýnið af svölunum yfir Trier er dásamlegt. Tímamynd — Agnes
góðu,“ segir Panteberg um leið og hann
bergir á dýrlega ljúfu Petrisberg Mósel-
víni,“ séu í öðru sæti, en rómversku
rústirnar í fyrsta, hvað aðdráttarafl fyrir
ferðamenn snertir. Auðvitað erum við
Trierbúar mjög svo stoltir af mannvirkj-
um eins og rómversku böðunum, Porta
Nigra, um rómverska leikvanginum og
fleiri stórmerkum menjum sem við
höfum varðveitt eins vel og við getum,
enda leggjum við mikið fjármagn í
viðhald og endurbætur á þessum víð-
frægu mannvirkjum. Við stefnum á
stórátak í þeim málum fyrir 2 þúsund ára
afmælið okkar, sem er á næsta ári, eins
og þú sjálfsagt veist.“
- Nú finnst mér vera nokkuð sérstakt
og mjög svo rólegt yfirbragð sem þetta
hótel hefur. Er það rétt skilið hjá mér,
og ef svo er, hvað veldur?
„Þetta er hárrétt hjá þér. Við höfum
komið okkur upp okkar eigin ákveðna
stíl, og honum viljum við fyrir.alla mun
halda. Við stílum upp á fallegt umhverfi,
listrænar innréttingar, góða þjónustu,
rólegheit og útivist, og með því löðum
við að okkur ferðamenn sem sækjast
eftir því að hvílast vel, njota góðs
aðbúnaðar, útivistar og friðar. Við vilj-
um fyrir engan mun setja upp diskótek
hér, eða fá danshljómsveitir hingað, því
það hefði það einfaldlega í för með sér
að Petrisberg yrði vinsælasti samkomu-
staður unga fólksins í Trier, og þar með
væri firðurinn úti.“
Við Pantenbúrg skálum á nýjan leik í
Móselvíninu ljúfa, og látum viðtalinu
þar með lokið.
Ég verð þó að upplýsa það, áður en ég
set síðasta punktinn á þessar síðu, að
þetta hótel er talsvert miklu ofar gæða-
lega séð, en gistihús þau sem ég sagði frá
þegar ég var að ræða gistikostnað al-
mennt í Mosel. Verðlag fyrir gistingu og
morgunverð liggur eitthvað fyrir ofan
100 mörkin, á meðan að verðlagið á
þeim gististöðum sem ég ræddi um síðast
var á milli 40 og 50 mörk. Þótt þetta sé
mun dýrara, þá finnst mér eins og það sé
fyllilega þess virði að dekra öðru hvoru
við sjálfan sig, og ef maður á annað borð
sækist eftir því sem Pantenburg segist
stefna að að bjóða, þá finnur maður
virkilega að maður fær eitthvað fyrir
rnörkin sín.