Tíminn - 02.10.1983, Blaðsíða 25

SUNNUDAGUR 2. OKTÓBER 1983
sagði afar rólega: „Shirley, jafnvel þessi
mýfluga hefur sál."
„Nehru var, náttúrlega, frumspeking-
ur," heldur hún áfram, „eins og Indira
dóttir hans er líka." Pað var líka annar
vinur hennar Anwar Sadat, sem hún
dáði mjög. „Sadat ræddi mikið um
dulræn efni og sagðist hafa náð innri
uppljómun þegar hann var í algerri
einangrun. Að íhuga, beina athygli sinni
að fugli eða sólarlagi, skoða sinn eigin
nafla eins og oft er sagt, er ekki eigin-
gjörn athöfn. Dýpsta sambandið sem við
eigum er það sem við eigum við okkur
sjálf. Þú spurðir mig áðan hver væri
stærsta ást lífs míns og ég hugsaði mikið
um hvernig það mundi líta út á prenti ef
ég segði: „Eg". En sannleikurinn er sá
að því betur sem þú skilur sjálfan þig því
betur skilurðu aðra. Og það er það sem
ég er að reyna að gera."
Vinir- hennar, sem flestir eru blaða-
menn og stjórnmálamenn hafa ýmsar
skoðanir á „frumspekilegu pælingunum"
hennar. „Góð vinkona mín, Bella Abzug
hristir höfuðið þegar ég tala um þetta og
segir: „Guð minn góður, Shirl!" En hún
myndi aldrei reyna að telja mér
hughvarf."
Shirley hefur haft efni á því að safna
sér reynslu og staðfesta skoðanir sínar
smám saman. Hún borðar ávexti, græn-
mcti og baúnir úr heilsubúðinni til þess
að halda „sálrænum sveiflum" sínum
ofarlega.
„Og þegar mér finnst ég svo í takt við
alheimsöflin að ég þurfi á jarðsambandi
að halda borða ég steikur. Úr þeim fæ
ég þá fljótvirku orku sem ég þarfnast
stundum," segir hún, „en fyrir hana
greiði ég síðan með lægri sveiflum og
verkjum í vöðvum." Hún segist ekki
mjög góð í hugleiðslu („annaðhvort
reikar hugurinn eða ég sofna") en hún
ástundar jóga-öndunaræfingar. Hún hef-
ur sjálf orðið fyrir þeirri reynslu að sálin
yfirgaf líkamann um stund og hefur að
lokinni áralangri leit og rannsóknum
látið af ótta sínum við hið dulræna. „í
fyrstu óttaðist ég blekkinguna því ég var
viss um að það væru svindlarar í þessari
grein eins og í öðrum. Svo að ég leitaði
til ýmissa andlegra kennara í ýmsum
löndum og komst að því að þeir sögðu
mér allir það sama - jafnvel um fyrri líf
mín. Ég ákvað því að ég yrði að taka
þetta alvarlega.”
Núna álítur Shirley að heimurinn sé á
barmi andlegrar endurfæðingar (og það
mun vera efni næstu bókar hennar) og
þó að „dulsálarfræðin í Kreml" sé
háþróuð álítur hún að endurfæðingin
hefjist í Ameríku, vegna þess að „við
berum svo mikla virðingu fyrir frelsi
einstaklingsins. Forfeður okkar, Wash-
ington, Jefferson og Hamilton, voru ailir
frumspekingar. Lincoln hafði sína eigin
sálrænu miðla í Hvíta húsinu."
Máttarstólpar þjóðanna
á miðilsfundum
Þó að flest fólk hiki við að viðurkenna
opinberlega að það trúi á þessa endur-
fæðingu, veit Shirley að það er til. „Ég
hef séð bankastjóra, lækna, embættis-
menn og viðskiptajöfra leita ráða hjá
miðlum. Ég hef setið með þeim fundi
þar sem þeir spyrja æðri máttarvöld um
efnahagsmál, verðbréfamarkaðinn, úr-
ræði við heimskreppunni og OPEC.“
Þessu til nánari skýringar nefnir Shirley
miðilsfund sem hún hljóðritaði, þarsem
nokkrir skurðlæknar í Beverly Hills og
taugaskurðlæknir frá háskólanum í Kali-
forníu (UCLA) leituðu læknisfræðilegr-
ar leiðbeiningar.
Þegar á allt er litið finnst henni
viðbrögð Ameríkana við kvikmyndum
á borð við ET og Gandhi lýsa því best
hversu fúsir þeir bíða endurfæðingarinn-
ar. „í þeim segir ein lítil geimvera og ein
jarðnesk vera sama hlutinn, og einmitt
það sem áheyrendur vilja heyra - nefni-
lega að til sé önnur vídd."
Ymsir umbótamenn í Hollywood eru
á sálrænu línunni, eftir því sem Shirley
segir. „George Lucas, sá sem gerði Star
Wars, sagði mér að honum hefði verið
beint til þess andlega að gera myndina.
Stanley Kubrick (leikstjóri 2001 og A
Space Odyssey) er einn af mestu frum-
spekingum þjóðarinnar."
Og eins og Shirley lýsir því er ekki víst
að gjáin á milli þessara andlegu ofur-
rnenna og annarra sé svo breið. Hvar
hittast Shirley og félagar hennar, kvik-
myndafrumspekingarnir, svo til að tala
saman?
„Ó, á veitingastað yfir glasi af Martini
- eða tveimur - rétt eins og allir aðrir."
ISLENSKA BONDANS
DEUTZ
07 gerð
driffjöður
framkvæmda
og afkasta
☆ AFL ☆ AFKÖST lírARÐSEMI
S) H AMAR HF
WVéladeild
KHD
Sími 22123. Pósthólf 1444. Tryggvagötu, Reykjavík.