Tíminn - 28.03.1987, Blaðsíða 3

Laugardagur 28. mars 1987
Tíminn 3
Með öflugu stálhnífahjóli og aðfærslubandi
fyrir 6 -14 - 40 og 80 mm söxun.
Þessir nýju saxblásarar eru með mjög ná-
kvæma söxun.
BÆNDUR!
Vinsamlega bókið pantanir
tímanlega
KAUPFELOGIN OG
ÁRMÚLA3 REVKJAVÍK SÍMI 38900
Kynferðisleg áreitni á vinnustöðum:
Konur búa við
þukl og káf á
vinnustöðum
- segir í umfjöllun Vinnunnar
Kynferðisleg áreitni á vinnustöðum
á íslandi erstaðreynd. Mánaðarritið
Vinnan skýrir frá því í síðasta tölu-
blaði að „íslenskar konur virðast
ekki fá frið til að sinna sínum
störfum á vinnustöðum án þess að
þurfa að sæta káfi, þukli og niður-
lægjandi athugasemdum". Nefnir
blaðið nokkur dæmi, um þuklara á
vinnustöðum. Ágengar hendur þukl-
ara hafa jafnvel komið við sögu í
borgarstjórn og segir orðrétt í frá-
sögn blaðsins: „Einn borgarfulltrúi í
Reykjavík situr um að káfa á kven-
kynsborgarfulltrúum. Einu gildir
hvort hann er beðinn um að láta af
þessum leiða sið.“
Umfjöllun vinnunnar um málið er
ítarleg og greint er frá mörgum
dæmum og leitast við að skilgreina
vandann og afleiðingar hans. Rétti-
lega er bent á í blaðinu að ekki hefur
verið gerð könnun á hversu þetta
vandamál er viðamikið né öðrum
þáttum þess hér á landi.
í lok umfjöllunar sinnar hvetur
blaðið trúnaðarmenn á vinnustöðum
til þess að skrá hjá sér atvik, þegar
kvartað er undan áreitni sem rætt er
um hér að ofan. Einnig er mönnum
bent á að afla vitna og taka síðan í
framhaldi af því ákvörðun um fram-
hald málsins.
Kjaftshöggið á Borginni:
Stjórn B.í. fordæmir
atburðinn
Stjórn Blaðamannafélags (slands
kom saman í gær til þess að ræða
atvik það sem átti sér stað á Hótel
Borg á fimmtudag þegar Albert
Guðmundsson sló ljósmyndara
Þjóðviljans í andlitið. Var samþykkt
ályktun á fundinum þar semverkn-
aðurinn er fordæmdur. Jafnframt
segir: „Stjórn Blaðamannafélagsins
krefst þess að starfsréttur fjölmiðla-
fólks sé virtur. Jafnframt bendir
stjórn félagsins á að starfsvettvangur
• fréttamanna er þar sem eldurinn
brennur heitast hverju sinni og því
hljóta þeir sem eru í eldlínunni að
gera ráð fyrir miklum samskiptum
við fréttamenn.
Stjórnin lítur atburðinn á Hótel
Borg alvarlegum augum og vonar að
til slíks komi ekki aftur.“
Lokið er alþjóðlegri ráðstefnu
jarðvísindamanna í Kamerún, þar
sem ólíkar skýringar vísindamanna
á þeim hamförum, sem urðu þegar
banvænt gas losnaði úr gígvatninu
Nyos og yfir 1700 manns fórust, voru
ræddar. Að sögn Guðmundar E.
Sigvaldasonar, forstöðumanns
Norrænu Eldfjallastöðvarinnar, sem
var aðalritari ráðstefnunnar og tók
saman niðurstöður hennar, tókst að
ná þokkalegri samstöðu um fram-
setningu á meginatriðum. Sagði
hann að þrennt hefði verið rætt. í
fyrsta lagi hvaða gas þetta hefði
verið og hvaðan það kæmi. í öðru
lagi hvernig það barst upp á yfirborð-
ið og út í andrúmsloftið. í þriðja lagi
hvað ætti að gera til að fylgjast með
aðdraganda svona atburða og hvern-
ig mætti koma í veg fyrir þá. Guð-
mundur sagði að menn hefðu al-
mennt orðið sammála um fyrsta og
þriðja atriðið, en 4 vísindamenn frá
Frakklandi og Ítalíu teldu þó enn
líkur á að orsökin væri eldsumbrot á
botni vatnsins. Allir aðrir telja að
röskun hafi orðið á jafnvægi kolsýr-
uríks vatns á botni Nyosvatns og
fersku vatni sem liggur í efri hluta
stöðuvatnsins og afleiðingin orðið sú
að kolýra streymdi út í andrúmsloft-
ið með fyrrgreindum afleiðingum.
Athygli vekur sú niðurstaða vís-
indamannanna að þeir telja líklegt
að koma megi í veg fyrir að harm-
leikur eins og sá sem gerðist við
Nyosvatn endurtaki sig, en þess má
geta að fleiri svipuð vötn eru í
Kamerún.
Lausnin felst í því að „tappa burt“
kolsýrurfka vatninu á botninum, en
þess jafnframt gætt að viðkvæmt
jafnvægið raskist ekki, svo “kolsýru-
harmleikurinn" endurtaki sig ekki.
Nokkrir vísindamannanna settu
fram hugmyndir um hvernig þetta
mætti gera, en einna mesta athygli
vakti lausn á þessu máli sem komin
var frá íslenskum jarðvísindamanni,
Níels Óskarssyni. Kosturinn við til-
lögu Níelsar var fyrst og fremst sá að
hún var einföldust og um leið lang
Á efri myndinni má sjá húsið sem
næst er Nyosvatni. íbúarnir létust
allir af völdum kolsýrueitrunar. Á
myndinni til hliðar má sjá hvaða
örlög biðu búfjárins.
Myndir: Guftm. Sigvnldason
ódýrust. Slíkir kostir skipta verulegu
máli fyrir ríki eins og Kamerún þar
sem hvorki erof mikið af tækniþekk-
ingu né fjármagni, en ráðstefna
vísindamannanna skilar sínunt
niðurstöðum sínum til stjórnvalda
þar í landi sem munu síðan sjá um
útfærslu og framkvæmdir.
Ólíkt þeim tillögum sem nokkrir
vísindamannanna settu fram og
gerðu ráð fyrir flóknum vélbúnaði til
að „tappa burt“ kolsýruríku vatninu,
lagði Níels til að náttúran yrði að
mestu látin sjá um þetta, með örlítilli
hjálp. Hann hefur sýnt fram á að
jafnvægið myndi ekki raskast ef
víðri pípu yrði stungið niður að
botni vatnsins og efri endi hennar
nemi við náttúrulega affallshæð
vatnsborðsins. Þannig myndi nýtt
ferskvatn, t.d. rigningarvatn sem
bætist í stöðuvatnið þrýsta upp kol-
sýruríku vatni gegnunt pípuna og
vatnsborðið haldast óbreytt á sama
tíma og kolýruríkt vatn á botninum
væri í lágmarki.
- BG
SAXBLÁSARAR
EBERL Original saxblásarar
Hvernig má draga úr hættu á öðrum harmleik í Kamerún?:
íslendingur með
ódýrustu lausnina
- Níels Óskarsson hjá Norrænu Eldfjallastöðinni kynnir athyglisverða
hugmynd á alþjóðlegri ráðstefnu í Kamerún