Tíminn - 28.03.1987, Blaðsíða 9

Laugardagur 28. mars 1987
Tíminn 9
Lánasjóðinn og
húsnæðiskerfið
trausts verður eins og faðir hans,
Ágúst heitinn Þorvaldsson alþm.
Þriðja sætið skipar ung kona, Unnur
Stefánsdóttir frá Vorsabæ, áhuga-
söm um félags- og menningarmál
hvers konar og fylgin sér í athöfn og
málflutningi.
í Reykjaneskjördæmi er Stein-
grímur- Hermannsson forsætisráð-
herra og formaður Framsóknar-
flokksins í efsta sæti. Það sæti verður
ekki betur skipað, enda er Stein-
grímur óumdeilanlega fremstur
meðal íslenskra stjórnmálamanna
nú og hefur hlotið lof fyrir störf sín
sem forsætisráðherra langt út fyrir
raðir flokks síns. í öðru sæti er
Jóhann Einvarðsson í Keflavík,
þaulreyndur sveitarstjórnarmaður
með mikla þekkingu á atvinnumál-
um og viðurkenndur drengskapar-
maður.
Á þessari hringferð um landið til
kynningar á framvarðasveit fram-
sóknarmanna í öllum kjördæmum
landsins, blasir það við augum okkar
Tímamanna, að Framsóknarflokk-
urinn hefur í framboði einvalalið,
sem sómi er að. Á þetta viljum við
minna þegar kosningabaráttan er að
hefjast fyrir alvöru. Við löstum ekki
frambjóðendur annarra flokka, en
við höldum fram okkar mönnum af
því að við treystum þeim best.
Ungt fólk í forystusveit
f>að sem við erum að benda á, er
einfaldlega það að Framsóknar-
flokkurinn er ungur flokkur að mál-
efnum og mannsliði. Þótt flokkurinn
eigi í sjálfu sér langa sögu, þá breytir
það engu um aldur hugsjónanna,
þær eru síungar, endurnýjaðar og
aðlagaðar samtímanum. Ungt fólk
er í forystusveit flokksins um allt
land. Konur eru komnar til áhrifa í
Framsóknarflokknum ekkert síður
en öðrum flokkum.
Þingflokkur Framsóknarflokksins
hefur barist fyrir og varið réttinda-
mál unga fólksins, og eru málefni
Lánasjóðs ísl. námsmanna þar
gleggsta dæmið. Gildandi lög um
Lánasjóð voru sett undir forystu
ráðherra úr Framsóknarflokknum,
og þingflokkur Framsóknarflokksins
réð úrslitum í að verja Lánasjóð,
UNGAR
HUGSJÓNIR
SPROTTNAR
ÚR SAM-
TÍMANUM
þegar sjálfstæðismenn sóttu að
honum. Ekki má heldur gleyma því
að húsnæðislánakerfið hefur verið
endurskipulagt frá rótum og stór-
auknu fjármagni varið til húsnæðis-
mála á þessu kjörtímabili, þegar
ríkisstjórn Steingríms Hermanns-
sonar hefur verið við völd, og ráð-
herra húsnæðismála er Alexander
Stefánsson úr Framsóknarflokkn-
um. Það þarf því ekki að seilast langt
aftur í afrekaskrá Framsóknar-
flokksins til að benda á pólitísk mál
sem miklu varða fyrir almenning og
unga fólkið sérstaklega. Framsókn-
arflokkurinn er í fararbroddi í þeim
málum sem varða unga fólkið, sam-
tíðina og framtíðina.
Albertsmálið
Þótt við Tímamenn minnumst sér-
staklega miðstjórnarfundar Fram-
sóknarflokksins og birtingar kosn-
ingastefnuskrár hans sem merkra
viðburða síðustu daga þá verður
varla fram hjá því gengið að „Al-
bertsmálið" svokallaða hefur verið
svo að segja eina áhugamál fjölmiðl-
anna, einkum fréttastofu ríkissjón-
varpsins, og aðalumræðuefni fólks.
Þorsteinn Pálsson hefur orðið til
þess að vekja upp nýtt fjölmiðla-
glamur í kringum Albert Guð-
mundsson, og það svo magnað að
ekki er annað sýnna en að einhvers
konar pólitísk móðursýki sé að flæða
yfir landið. Gamlar sagnir eru til um
það sunnan úr löndum að alls konar
æði hafi gripið um sig, einkum
dansæði, og breiðst út um löndin
eins og eldur í sinu, og var þá engum
vörnum við komið. Þetta nýja pólit-
íska æði minnir helst á dansæði
miðaldanna.
Flokkur í samúðarskyni
Svo magnað er æðið, að á síðasta
skiladegi framboðslista til yfirkjör-
stjórna er að því unnið að skrifa upp
framboðslista nýs stjórnmálaflokks,
sem byði ekki aðeins fram í einu
kjördæmi, Reykjavík, heldur öllum
kjördæmum hringinn í kringum
landið, og safna milli 500 og 1000
meðmælendum með framboðunum.
Enginn hafði hugmynd um að þessi
flokkur væri yfirleitt til, fyrr en
áhugamaður úr liði Alberts nefndi
hann með nafni og kallaði Borgara-
flokkinn í spjallþætti í Ríkisútvarp-
inu um miðja vikuna. Þessi flokks-
stofnun, sem orðið hefur til á alger-
um mettíma, þ.e.a.s. „no-time“ eins
og sagt er á nútímamáli, er sögð til
þess gjörð að votta Albert Guð-
mundssyni samúð, virðingu og
traust. Sú er m.ö.o. stefnuskrá Borg-
araflokksins, annað ekki.
Þótt við Tímamenn séum engir
aðdáendur aðfarar Þorsteins Páls-
sonar að Albert Guðmundssyni, þá
má á milli vera um viðbrögðin og
hversu ákaft menn eiga að taka upp
þykkjuna fyrir hann, þótt menn vilji
sýna honum samúð. Frá almennu
lýðræðislegu sjónarmiði er svona
„no-time“- flokkur lítil úrbót á þeim
annmörkum, sem vera kunna á
flokkakerfinu.
Móðursýki eða
heilbrigð skynsemi?
Ekki er það á valdi okkar Tíma-
manna að hafa neins konar áhrif á
framboðsæði Borgaraflokksins. Það
verður að ganga yfir eins og hver
annar faraldur. Hins vegar viljum
við vara skynsamt fólk, sem enn er í
jafnvægi, við þessu einkennilega
fári. Við biðjum það að hugsa vel
urn þessi feikn og átta sig á hvað hér
er á ferðinni. Þetta Albertsæði nú er
slík óhemjuvitleysa, að annað hvort
eru þeir menn beinlínis helteknir af
óskilgreindu fári, sem láta berast
með því, ellegar að þeir hafa nautn
af pólitískum afkáraskap.
En þegar svona ósköp dynja yfir,
þá er gott að vita til þess að enn eru
gætnar manneskjur að fást við
stjórnmál og bjóða sig fram til
Alþingis um allt land, tilbúnar að
taka þátt í heiðarlegum kosningaslag
með góð málefni að vopni. Hitt er
ekki síður ánægjulegt að langflestir
kjósendur, hvar sem er á landinu,
eru svo hyggnir, að þeir sjá í gegnum
moldviðrin og láta sig pólitíska móð-
ursýki engu varða.
Guðni Agústsson
Elín Jóhannsdóttir
Pétur Bjarnason
Unnur Stefánsdóttir
Elín Líndal
Níels Árni Lund
Finnur Ingóifsson
Sigríður Hjartar
Þóra Hjaltadóttir
Jóhannes Geir Sigurgeirsson Guðrún Tryggvadóttir
Guðmundur Bjarnason