Tíminn - 28.03.1987, Blaðsíða 5

Laugardagur 28. mars 1987
Tíminn 5
Aðstöðuleysi, fámennt lögreglulið, engar fangageymslur og fjarskiptamál í ólestri:
“Löggæsla < ) Austfjörðum
er svo að s ;egja engin“
Sýslumaður bannar varðstjóra að tjá sig um málin
„Ég fer ekki að ræða þessi mál
við blaðamenn og vísa alfarið á
dómsmálaráðuneytið," svaraði
Sigurður Eiríksson, sýslumaður í
S-Múlasýslu, þegar í gær var borið
undir hann aðstöðuleysi lögregl-
unnar á Egilsstöðum og lítill liðsafli
lögreglu á Austurlandi öllu. Sýslu-
maður vildi auk þess engu svara
um hvort rétt væri að hann hefði
bannað Úlfari Jónssyni, varðstjóra
lögreglunnar á Egilsstöðum, að
ræða við blaðamenn. Fyrir rúmum
mánuði birtist í Tímanum viðtal
við fyrrgreindan Úlfar, þar sem
kom fram að lögreglan býr við
þröngan kost. Það er á hvers
manns vitorði á Egilsstöðum að í
kjölfar greinarinnar hafi varð-
stjóranum verið bannað að tala við
blöðin. Enda kom það á daginn, að
Úlfar Jónsson vill nú ekkert tjá sig
um málið.
Aðstöðuleysi lögreglunnar er
þvílíkt, að fangar hennar verða oft
að dúsa klukkustundum saman aft-
an í lögreglubíl í bið eftir klefavist.
Fangageymslurnar voru rifnar 1984
og engar byggðar í staðinn og þess
vegna verður að flytja fanga til
Seyðisfjarðar eða Eskifjarðar
hvernig sem viðrar. Þangað er oft
ófært og hefur svo verið undan-
farna daga. Á meðan á flutningum
stendur er löggæsla engin, því að
aðeins tveir lögregluþjónar eru þar
að störfum.
„Ég segi þetta vera skerðingu á
mannréttindum að vista menn í
alls lags ómögulegu ástandi aftur í
lögreglubíl í fleiri klukkustundir
og aka þeim svo fleiri hundruð
kílómetra til að koma þeim í
fangageymslu,“ sagði Úlfar Jóns-
son meðal annars í viðtalinu við
Tímann.
„Þetta er mál sem allir vita um,
en ekki má segja,“ sagði heimildar-
maður Tímans á Egilsstöðum.
Varðstofa lögreglunnar er öll í
einni skrifstofu á þriðju hæð í húsi
að Kaupvangi 2 og þar „verður að
hrúga öllu saman“, svo notuð séu
orð varðstjórans sem hann sagði
fyrir mánuði. Slíkt er skjalafargan-
ið orðið og skrifstofuvinnan, að
lögreglan getur ekki sinnt því eftir-
liti sem henni ber.
Fyrir skömmu varð banaslys í
grennd við lögreglustöðina. Talið
er að slysið hafi átt sér stað klukkan
1.00 um nótt. Ekki varð nokkur
þess var fyrr en undir morgun, þótt
gerst hefði í miðju þorpinu og
nærri lögreglunni.
I'eir vegir, sem tveir lögreglu-
menn á Egilsstöðum verða að hafa
Á þriðju hæð í herberginu með
glugganum efst til vinstri á þessum
húsgafli við Kaupvang á Egilsstöð-
um er öll aðstaða lögreglunnar.
Utan við húsið er ársgamall lög-
reglubíllinn, en fangabíllinn er
gamall og úr sér genginn. Engar
geymslur eru fyrir fanga. Aðeins
tveir lögreglumenn hafa eftirlit
með vegum sem samsvara lengd
hringvegarins um landið.
(Tímamynd: Þór)
eftirlit með, samsvara lengd nær
alls hringvegarins, eða eru ná-
kvæmlega 1100 kílómetrar. Á
sumrin ríkir neyðarástand, þegar
ferðamannastraumurinn erlendis
frá með millilandaferjunni Norr-
ænu og um hringveginn streymir
um Héruð. Heimildarmaður Tím-
ans sagði að mætti taka svo til
orða, að „löggæsla væri svo að
segjaengin á Austurlandi í reynd".
Þá er þess að minnast að fjöldi
fálkahreiðra er skráður á þessu
svæði, sem fámennu lögregluliði
reynist örðugt að fylgjast með.
Lögreglan á Egilsstöðum hefur
verið með gamlan fangabíl í
notkun, sem er að verða úreltur.
Hann var oftsinnis úr umferð í
vetur vegna bilana. Það er ekki á
döfinni að útvega lögreglunni nýj-
an bíl, sem þó er nauðsyn, svo
lengi sem ekki eru til fangageymsl-
ur. Á síðasta ári eignaðist hún
Volvo fólksbíl til eftirlitsins, sem
dugir ekki til að flytja fanga. Til
þess vantar bíl með búri.
Á Djúpavogi er staðsettur hér-
aðslögreglumaður, sem á að annast
suðurfirðina auk lögreglumanns á
Fáskrúðsfirði. Héraðslögreglu-
maðurinn hefur enga aðstöðu og
leggur heimili sitt og eigin bíl í
starfið, þegar þarf að sækja menn
í hvers kyns ástandi. Það hefur
ekki fengist samþykki fyrir því að
hann fengi til afnota lögreglubíl,
þrátt fyrir víðfeðmt umdæmi, allt
frá Fáskrúðsfirði suður á
Lónsfjörð.
Fjarskiptamál lögreglunnar á
þessum slóðum eru í megnasta
ólestri. Ekki er vakt allan sólar-
hringinn, heldur símsvari á varð-
stofunni sem vísar mönnum sem
leita til lögreglunnar að hringja í
Gufunesradíó í svæðisnúmerið í
Reykjavík, 91. Ekki er hægt að
hafa beint samband við lögregluna
á öllum tímum sólarhrings.
Það reyndist ekki unnt að sinni
að hafa uppi á ncinum í dómsmála-
ráðuneytinu sem gæti gefið upplýs-
ingar um lögreglumálin á Áust-
fjörðum. Sýslumaður vildi ekkcrt
tjá sig um málið, þótt varðstjóri á
Egilsstöðum hefði áður lýst því yfir
að aðstaðan væri svo léleg að
lögreglan „væri löngu komin í
þrot“. Úlfar Jónsson, varðstjóri,
vill nú ekkert tjá sig um málið þrátt
fyrir fyrri yfirlýsingar. Blaðamaður
spurði Úlfar í gær hvort honum
væri bannað að tala við blöðin.
Úlfar svaraði: „Ég má það ekki!“
þj
MEmper
Kaupfélögin
og
BUNADARDEILD
ÁRMÚLA3 REYKJAVÍK SÍMI 38900
Heyhleðsluvagnar
fyrirliggjandi - Mjög hagstætt verð