Tíminn - 30.05.1987, Qupperneq 11

Laugardagur 30. maí 1987
Tíminn 11
■liSS
Hlóðir. Lengst af hafa íslenskar
húsfreyjur eldað matinn á
hlóðum sem þessum. Á
hlóðunum er hlóðapottur úr
steypujárni. Lengst til vinstri er
pottketill og við hlið hans
brauðpottur, en undir þeim
bökunarhella. Þar má einnig sjá
vöfflujárn, en hlóðabrennari til
að brenna kaffibaunir er á
miðjum hlóðunum.
Á veggnum má sjá strigasvuntu
og strigaþurrku lengst til vinstri.
Pottakrókar hanga uppi á vegg
og við hlið þeirra kroftré til, að
hengja kjöt i reyk og
rúgkökukefli. Hór og pottahalda
til að hengja í potta yfir eldi
hangir á miðjum vegg í
námunda við hrísvöndinn sem
var nauðsynlegur til að sópa
gólf og hýða börn. Ekki má
gleyma litlu kolunni sem sá um
að lýsa híbýlin, en ofan við hana
hanga skreytt brauðmót.
SURSAD 0G SODID
I Bogasal Þjóðminjasafnsins var
fyrir stuttu opnuð sýning er nefnist
„Hvað er á seyði? Eldhúsið fram á
okkar daga.“ Eins og nafnið ber með
sér er verið að gefa okkur nútíma
fólki innsýn í íslensk eldhús fyrri tíma, allt frá
landnámi til nýliðinna ára.
Viö Tímamenn ákváðum að athuga hvað væri
á seyði og birtast hér nokkur sýnishorn úr eld-
húsum fortíðar.
HVAÐ ER Á SEYÐI?
Kolaeldavél. Kolaeldavélar ásamt
kokseldavélum tóku við af ísiensku
hlóðunum. Á eldavélinni má sjá straujárn,
vöfflujárn og pottpott með bryggju.
Framan á eldavélinni hangir kolaskúffa,
en undir henni russkubretti og kústur.
Sótskafa hangir vinstra megin.
Gaseldavél, en i Reykjavík var töluvert
um gaseldavélar á tímum
Gasstöðvarinnar á Hlemmi sem starfaði
1910-1956. Tímamynd Pjetur
Olíuvélar. Sú aftari er svokölluð
tvíkveikja með maríuerluglugga. Á
vélinni er 60 ára emeleruð panna. Sú
fremri er þríkveikja en olíuvélar sem
þessar voru mikið notaðar á árunum milli
stríða
Kæliskápur frá General Electric. Hann er
frá lokum þriðja áratugsins og þóttu
undratæki. Fyrir framan hann má sjá
rafmagnskaffikönnur. Næst er
rafmagnskanna sem notuð var til
vatnshitunar á þriðja áratugnum. Við hlið
hennar er hraðsuðuketill.