Tíminn - 03.10.1987, Qupperneq 3

Laugardagur 3. október 1987
Tíminn 3
Gatnamálastjóri: Notið ekki nagladekk í vetur!:
Kif.*0*0*?-
l» u«° Of mMum
ikó»t **
fsl
|S£k

Eftir 1. maí á vorin er óheimilt að aka á malbikuðum götum á
nagladekkjum og gatnamálastjóri, Ingi Ú. Magnússon, beinir nú
þeim tilmælum til ökumanna að sýna tillitssemi í vetur og nota heldur
grófmunstraða snjóbarða en nagladekk.
Tíminn gerði í maí sl. ítarlega grein fyrir þeim skaða sem nagladekk
valda á hverjum vetri. í Reykjavík varð að verja 85 milljónum króna
til viðgerða á helstu umferðaræðum í sumar og var það bróðurpartur
þess fjármagns sem veitt var til viðhalds gatna. Gatnamálastjóri
bendir nú á að því fjármagni væri betur varið til hálkueyðingar á
vegum borgarinnar.
Skorin upp herör
Vegna þessa vandamáls efndi Ingi
Ú. Magnússon til umræðufundar í
ráðstefnusal á Hótel Sögu í gær.
Gestur fundarins var Erling Hansen,
yfirverkfræðingur norsku vegagerð-
arinnar, en Norðmenn hafa að
undanförnu skorið upp herör gegn
notkun nagladekkja í sfnu landi.
Páll Gíslason, borgarfulltrúi, setti
fundinn með þeim orðum að öllum
hafi ofboðið slitið á götunum þegar
þær aftur litu dagsljósið undan
snjónum í vor. Hann sagði að nauð-
syn væri átaks í þessum efnum, ekki
síst þar sem bílaeign borgarbúa er
slík, að ef allar bifreiðir ækju um
göturnar í einu yrði hvergi meira en
tveggja metra bil milli hverra þeirra.
Gatnamál í ólestri
Gatnamálastjóri tók fyrstur til
máls. Hann sagði að árlegur við-
haldskostnaður væri á bilinu 60 til 80
milljónir króna og að vegna nagla-
dekkja væri sóun á malbiki um 25 til
30 þúsund tonn á hverjum vetri og
hjólförin því um 6 til 9 cm djúp. Um
það bil 65% bíleigenda aka um á
negldum börðum.
„Ég er hræddur um að verði
ekkert að gert verði ástandið í
gatnamálum borgarinnar þegar ég
stend upp úr mínum embættisstól
eins og það var fyrir 27 árum þegar
ég settist í hann,“ sagði Ingi Ú.
Magnússon, gatnamálastjóri.
Öryggi í nagladekkjum
Erling Hansen frá Noregi fjallaði
fræðilega um vandamálið og kom í
Ijós að Norðmenn eiga við sama
vanda að stríða. Að vísu taldi Erling
að sóun malbiks hlyti að vera meiri
hér á landi, þar sem hráefnið í
götulagnir er lélegra en það sem
notað er í hans heimalandi.
En notkun nagladekkja er mun
algengari í Noregi en á fslandi, 97%
fólksbíla og 63% vöru- og sendibíla
eru á nagladekkjum og hraði er
almennt meiri.
Erling taldi til kosta nagladekkj-
anna að bremsulengd er 20 til 40%
minni, drif eykst um 100% og
stöðugleiki bifreiðar er meiri.
Erling Hansen, yfirverkfræðingur norsku vegagerðarinnar.
(Tíminn: Pjetur)

Reykjavík-Keflavík =1 kg
„Gallarnir eru hins vegar augljós-
ari,“ sagði Erling. „Slit á malbiki er
gífurlegt. Hver bifreið slítur u.þ.b.
10 til 20 grömmum af malbiki á
hvern ekinn kílómetra.“
Þá tók hann dæmi frá Noregi, en
nærtækt er að reikna út slitið á
vegalengdinni milli Reykjavíkur og
Keflavíkur. Reykvíkingur í heim-
sókn í Keflavík hefur eytt 2 kg af
malbiki þegar hann er kominn heim
á ný.
Erling sagði að mengunarvanda-
mál í þéttbýli væri þess vegna gífur-
legt, því að samtals um 30 þúsund
tonn af malbiki hverfur út í andrúms-
loftið á íslandi á hverju ári. Af
framangreindu segir Erling megi
sjá að nagladekk séu skaðvaldur í
þéttbýli, en geti verið skárri kostur í
dreifbýli. Þrátt fyrir allt eru nagla-
dekkin öryggistæki.
Fólsk óryggiskennd
En Erling er á þeirri skoðun að
menn hafi tilhneiginu til að fá falska
öryggiskennd á nagladekkjum og
aki því of hratt miðað við aðstæður.
Þar með er öryggið, sem nagladekk
myndu að öðrum kosti veita, horfið
og jafnvel orðið minna en þeirra sem
aka um á grófmunstruðum dekkjum.
„Því fjármagni, sem veitt er til
viðgerða eftir nagladekk, er betur
varið til að auka umferðaröryggi,
standa að hálkueyðingu og minnka
umhverfismengun," sagði Erling.
Þj
Hrafn flýgur upp listana:
HRAFNINN Á
LISTA í TOKYO
Hrafn Gunnlaugsson hefur gert
það gott með mynd sinni, Hrafninn
flýgur, eins og sést á því að myndin
var valin ein af þrjátíu bestu mynd-
um heims á Tokyolistanum 1985.
Myndin hefur einnig verið seld til
sýningar í 20 löndum og verið talað
inn á hana á fjögur tungumál;
ensku, frönsku, þýsku og spænsku,
sem er mjög óvenjulegt fyrir norr-
æna mynd.
Þessar upplýsingar koma fram í
fréttatilkynningu frá Svenska Film-
institutet, en það fyrirtæki er í
nánu samstarfi við Hrafn Gunn-
laugsson um nýjustu hrafnamynd
Hrafns, í skugga hrafnsins.
Hrafninn flýgur hefur hlotið hin
furðulegustu nöfn í útlandinu.
Þannig hét hún Hefnd villimann-
anna í Bandaríkjunum og Auga
fyrir auga á Spáni. í skugga hrafns-
ins hefur þó hlotið betri þýðingu,
því hún er kölluð In the Shadow of
the Raven á ensku og Korpens
skugga á sænsku.
Nú er unnið að því að klára
inniupptökur á skugga hrafnsins
og er beðið eftir myndinni með
eftirvæntingu í Svíþjóð að sögn
sænsku kvikmyndastofnunarinnar,
enda segja þeir að „það sem við
höfum séð af myndinni, hefur alls
ekki dregið úr þeirri von“. - SÓL
Ólafsfjarðarmúli:
Jarðgðng í sjónmáli
Gerð jarðganga gegnum Ólafs-
fjarðarmúla hefur lengi verið á döf-
inni. Nú hillir loksins undir að úr
framkvæmdunum verði því að for-
rannsóknir hafa farið fram og verkið
komið inn á fjárlög.
Á þessu ári er 10 milljónum króna
varið til undirbúningsvinnu en heild-
arkostnaður við verkið nemur um
510 milljónum króna. Áætlað er að
framkvæmdir hefjist í júlí á næsta
ári, göngin verði tilbúin til notkunar
íárslok 1990ogfullfrágengin 1991.
í áætlun Vegagerðarinnar er gert
ráð fyrir að göngin sjálf verði 3150
metra löng en með forskálum 3400
metrar. Göngin verða 5 metra breið
og 25 fermetrar í þversnið. Búast má
við að uppgröftur verði ríflega 80
þúsund rúmmetrar.
Við undirbúningsrannsóknir voru
boraðar fjórar holur í fjallið til að
kanna berglög og munu niðurstöður
þeirra- rannsókna væntanlega liggja
fyrir fljótlega og verður þá að fara
að leita eftir verktökum.
Vegurinn fyrir Ólafsfjarðarmúla
mun ekki styttast nema um liðlega
1,3 kílómetra með tilkomu gang-
anna en hins vegar mun öryggi
vegfarenda stóraukast, því að vegur-
inn liggur á stórum kafla á syllu sem
sprengd hefur verið í bjargið og
liggur syllan í allt að 300 metra hæð
yfir sjávarmáli og er þverhnípt
niður. Þá má nefna að aurskriður og
grjóthrun hamla umferð auk þess
sem vegurinn teppist oft á vetrum
vegna snjóa. HÍA/Akureyri