Tíminn - 21.04.1988, Blaðsíða 3

Fimmtudagur 21. apríl 1988
Tíminn 3
RLR rannsakaöi í gær vettvang tveggja dauösfalla á Vopnafirði:
Ein byssa - tveir menn
Tveir menn fundust látnir af
skotsárum á Vopnafiröi á þriðju-
dag. íbúar Vopnafjarðar voru
óhug slegnir, en fréttin barst sem
eidur í sinu um bæinn.
Annar hinna látnu. Tryggvi Við-
ar Gunnþórsson. 45 ára gamall
smiður, fannst á vinnustað sínum
um hádegisbil og bendir allt til að
hann hafi svipt sig lífi. Haglabyssa
iá við hlið hans. Hinn, Gunnar
Ingólfsson, 33 ára gamall bóndi,
fannst síðdegis í stássstofu á heimili
sínu, - bæ, sem er 16 kílómetra
leið frá Vopnafirði. Hann hafði
verið skotinn í brjóstið með hagla-
byssu. Skothylkið hefur ekki
fundist, en Rannsóknarlögregla
ríkisins telur sig hafa vísbendingu
um, að sama skotvopn hafi verið
notað í bæði skiptin.
Ásetningarmaður, sem ráðinn
er til að líta eftir heyforða í sveit-
um, fann líkið og tilkynnti þegar
lögreglu. Sigurður Helgason,
sýslumaður í Norður-Múlasýslu,
óskaöi þá eftir aðstoð RLR við
rannsókn málsins.
Rannsóknarlögreglumenn flugu
austur á Vopnafjörð þegar á
þriðjudagskvöldið og sendu lík
mannanna tveggja um hæl til
Reykjavíkur til krufningar. Þeir
hafa lokið frumrannsókn og gáfu
Þóri Oddssyni, vararannsóknar-
lögreglustjóra, skýrslu seint í
gærkvöld.
„Rannsóknarlögreglumennirnir
eru komnir í bæinn og hafa með-
ferðis ýmisleg sýnileg sönnunar-
gögn, sem á eftir að skoða betur,"
sagði Þórir. „Hugsanlega orsök
þess. sem þarna átti sér stað, get ég
ekki látið uppi. Því er vart að
treysta, þegar enginn er til frásagn-
ar, en uppi er ákveðin tilgáta um
undirrót þessa atburðar."
Sýnileggögneru t.d. framburður
vitna, sönnunargögn af vcttvangi
og annað, sem Ijósi getur varpað á
atburðinn. Enginn sjónarvottur að
því, hvort Tryggvi Viðar hafi átt
leið til eða frá heimili Gunnars
Ingólfssonar á þriöjudag um það
leyti sem atburðirnir áttu sér stað,
hefur gefið sig fram við lögreglu.
Mikill snjór er á þessum slóðum og
fáar leiðir, sem liggja frá Vopna-
firði að býlinu. RLR mcð aðstoð
lögreglu og sýslumanns á staðnum
hafa leitað uppi þá, sem áttu leiö
um þessar sióöir og hefðu mögu-
lega orðið varir mannaferða á þess-
um tíma. Talið er, að frumrann-
sókn lokinni, að enginn hafi séð til
mannanna tveggja.
Vitað er, að mennirnir tveir hafi
þekkst, því að Tryggvi Viðar
Gunnþórsson hafði unnið að
endurbótum á bæ Gunnars Ingólfs-
sonar árið 1985.
Rannsókn er ólokið og ekki er
vitaö hvort nauðsynlegt sé, að
senda rannsóknarlögreglumenn
öðru sinni til Vopnafjarðar. Rann-
sókn hefurekki leitt í ljos, að þriðji
aðili tengist verknuðunum. Báðir
hinir látnu voru einhleypir. þj
Sverri Stormsker finnst hin Eurovisionlögin hræðileg:
Hvert laganna blind-
fyllir mann bjartsýni
Seint í gær var loks tekin ákvörðun
um hvers lags fötum íslensku Eur-
ovisionkeppendurnir munu íklæðast
í keppninni sjálfri.
„Við fórum milliveginn á fyrirsögn
Tímans. Þetta verða nvorki smók-
ingar eða sundskýlur, heldur „alveg
ljómandi fín og snyrtileg" jakkaföt,
eins og húsmæðurnar segja, dökkgrá
og glansandi svo við sjáumst á svið-
inu,“ sagði Sverrir Stormsker í sam-
tali við Tímann í gær. Fjórmenning-
arnir í bakgrunninum verða síðan í
svipaðri lt'nu.
Þá hafa átt sér stað mannabreyt-
ingar meðal íslenska Eurovision
liðsins, en Eyjólfur Kristjánsson,
sem átti að syngja bakdraddir og
þykjast spila á hljómborð, mætir
ekki til keppni, en í hans stað mætir
hljómborðsleikari Greifanna,
Kristján Viðar Haraldsson. Eyjólfur
fékk ekki frí frá störfum, þannig að
ná þurfti í varamann.
„Það verður því meiningin að
Viddi „mæmi“ bassa á hljómborð,
meðan Edda Borg er með þúsund
trompeta og fiðlur á sínu. Maður
hafði ekki nema 5-10 mínútur til að
þefa uppi einn góðan „mæmara",
sem hafði t.d. lært það í bréfaskóla
eða eitthvað. Hann þykir sæmilega
lunkinn hljómborðsleikari og er orð-
inn söngvari Greifanna eftir að Felix
„Telex" Bergsson hætti," sagði
Sverrir og bætti við að ekki hefði
mátt fá vanari söngvara, því að
bakraddirnar eru aðeins í uppklöpp-
unarkaflanum og sá kafli ætti að
vera rónalegur eða alþýðlegur.
„Þetta hefði því orðið of atvinnu-
legt ef Þuríður Pálsdóttir eða Garðar
Cortes hefðu verið með,“ sagði
Sverrir.
Lagið hefur verið lækkað um
hálftón, þar sem Stefán Hilmarsson
vill meina að hann verði öruggari á
sviðinu við það. Sverrir vill hins
vegar meina að það sé misskilningur
í Stefáni, þar sem hann nái hærra en
venjulegt píanó.
„Er þetta ekki öfugsnúin ósk-
hyggja hjá fólkinu að vera alltaf að
spá í hvort ég ætla að „skandilesara"
þarna úti? Ef það verður einhver
skandall, þá verður það bara hrein
uppákoma og verður ekki ákveðið
fyrirfram. Ég hef aldrei ákveðið
fyrirfram að vera Ieiðinlegur eða
koma fólki í „panik“. Það getur svo
sem vel verið að ég leggi hneturnar
í bleyti og upphugsi einhver góð
brögð til að láta þessar siðprúðu
blævængjafrúr fá hjartaslag, en það
er ekki ákveðið. Ég ákveð það
kannski í flugvélinni á leiðinni út,“
sagði Sverrir.
Aðspuröur um hvernig honum
lítist á hin lögin, svaraði Sverrir:
„Hvert laganna blindfyllir mann
óneitanlega bjartsýni. Þetta eru
hræðileg lög og mikil pína að sitja
undir þessu. Það allraversta er svo
eftir, að hitta alla þessa hörmulegu
Stormskerið blindfullt bjartsýni.
flytjendur. Maður getur þó slökkt á
sjónvarpinu. Ég vildi bara óska að
ég hcfði fjarstýringu á þetta lið, ef
það er jafn drepleiðinlegt og það
kemur manni fyrir sjónir.“ -SÓL
Eitthvað kvikt?
Tímamynd: Eggert
Norðmenn og íslend-
ingar veiddu í Mývatni
Landskeppni
í dorgveiði
Landskeppni í dorgveiði milli
Norðmanna og íslendinga fór fram
á Mývatni á sunnudaginn var, á
vegum Ferðamálafélags Mývatns-
sveitar. Þetta er þriðja árið í röð sem
ferðamálafélagið stendur fyrir slíkri
keppni og hefur íslenska sveitin
borið sigurorð af Norðmönnum í öll
skiptin. Veiðin var frekar dræm að
þessu sinni, en sá sem fékk verðlaun
fyrir fallegustu fiskana var Helgi
Vatnar Helgason á Grímsstöðum.
Landskeppnin er hluti af stærri
dorgveiðikeppni sem ferðamálafé-
lagið stendur fyrir. Ætlunin hafði
verið að halda dorgveiðikeppni fyrir
almenning á laugardeginum, en sök-
um veðurs varð að fresta henni til
laugardagsins 23. apríl mæstkom-
andi. Keppt er í kvenna- og karla-
flokkum og barnaflokki og verðlaun
veitt í hverjum flokki fyrir fjölda
fiska og þá fallegustu.
Áhuginn fyrir keppninni hefur
verið stigvaxandi undanfarin ár og
ætla aðstandendur keppninnar að
allt að 80 þátttakendur vísvegar af
landinu komi til Mývatns, til að taka
þátt í dorgveiðikeppninni. -ABÓ
Rannsóknarverkefni á vítamínbúskap:
Vantarfólksem
ekki tekur lýsi
Lýsi hf. auglýsir nú eftir sjálf-
boðaliðum á aldrinum 45-65 ára,
sem áhuga hefur á að taka þátt í
tilraun á vegum bandarísks há-
skóla, Lýsis og íslenskra vísindam-
anna.
Tilraunin er liður í rannsóknar-
verkefni á vítamínbúskap fullorð-
ins fólks sem hefur tekið inn lýsi
daglega um árabil.
Leitað var eftir fólki sem tekið
hefur inn lýsi í 5-10 ár, a.m.k. eina
matskeið á dag, og svo fólki sem
ekki hefur tekið inn neitt lýsi í
viðmiðunarhóp.
Viðbrögðin voru vægast sagt
góð, en að sögn Ingibjargar Hall-
dórsdóttur hjá Lýsi hf. var ætlunin
að hafa um 30 manns í hvorum
hópnum. Yfir 50 manns hafa skráð
sig í þann hóp sem hefur tekið lýsi,
en ekki nema 6 í þann hóp sem
ekki hefur tekið það. Því lýsir Lýsi
eftir lýsislausu fólki.
í rannsókninni verður kannað
samspil lýsistöku og vítamínbú-
skapar og eru rannsóknirnar gerð-
ar í samvinnu við Hjartavernd og
háskólann í Wisconsin.
Eins og kunnugt er er hollusta
lýsis talin mikil og hafa rannsóknir
leitt í ljós að lýsi vinnur gegn
kransæða- og hjartasjúkdómum,
auk annarra kvilla, eins og liðagigt.
Niðurstöður úr rannsókninni
verða birtar í erlendu vísindatíma-
riti, en Tíminn mun að sjálfsögðu
fylgja þessu máli eftir.
Ef þú ert á aldrinum 45-65 ára og
hefur áhuga á að taka þátt í
tilrauninni, hafðu þá samband við
Lýsi í síma 28777. Það eina sem þú
þarft að gera er að hafa ekki tekið
lýsi, og fara í blóðprufu.
Niðurstöðu úr rannsókninni er
að vænta í sumar eða haust.
-SÓL