Tíminn - 21.04.1988, Blaðsíða 16

16 Tíminn
Fimmtudagur 21. apríl 1988
FRÉTTAYFIRLIT
KÚVAIT - Almenningur í
Kúvait hélt út á göturnar oa
dansaði af fögnuði yfir því að
31 gísl í kúvaitsku farþegaþot-
unni var sleppt I Alsír I morgun.
Stjórnvöld í Alsírsögðu að þau
hefðu ekki gefið eftir I neinu til
þess að fá gíslana lausa.
BAGDAD - írakar buðu
írönum að hætta eldflauga-
árásum á almenna borgara ef
íranar gerðu slíkt hið sama.
Þrátt fyrir það skutu þeir þrem-
ur flugskeytum á Teheran fjór-
um klukkustundum áður en
vopnahléð átti að hefjast. Frá
Kúvait bárust þær fréttir að
íranar hefðu skotið eldflaug að
bandarískri olíuhreinsunar-
stöð í landinu. I Teheran
skráðu þúsundir sig í herþjón-
ustu og sinntu þannig kalli
forsvarsmanna sinna.
DAMASKUS - Rúmlega
hálf milljón syrgjenda, þar með
taldir háttsettir menn innan
PLO, fylgdi Al-Wazir æðsta
herforingja PLO til grafar I
flóttamannabúðum suður af
Damaskus.
TEL AVIV -Einn Palestínu-
maður lést og að minnsta kosti
ellefu særðust þegar í brýnu
sló milli palestínskra mótmæl-
enda og ísraelskra hermanna
við hátíðarhöld í tilefni að því
að fjörutíu ár eru liðin frá
stofnun Ísraelsríkis.
MOSKVA - Sovéskur emb-
ættismaður sakaði Banda-
ríkjamenn um að eyða timan-
um í samningaviðræöum um
samning um hefðbundin vopn
en sagði að enn væri tími til að
ná samkomulagi fyrir leiðtoga-
fundinn í Moskvu I sumar.

MOSKVA - Endurbygging
fimm kjarnakljúfa sömu gerðar
og þeirrasem voru í Chernobyl
er nú nær lokið. Sovétmenn
hafa nú sett fullan kraft í áætl-
anir sínar um uppbyggingu
kjarnorkuvera.
RIO DE JANEIRO - Emb-
ættismenn frá fjörutíu þjóðum
koma nú saman í Rio de
Janeiro til að ræða efnahags-
mál ríkja í Rómönsku Amer-
íku, en efnahagsmál þar eru
víðast hvar í kaldakoli.
HÖFÐABORG - Baráttu-
samtök gegn aðkilnaði kyn-
þátta í Suður-Afríku hafa skor-
að á umheiminn að hefja kröft-
uga mótmælabaráttu gegn
þeim aðgerðum ríkisstjórnar
Suður-Afríku að brjóta á bak
aftur dagblöð sem eru and-
stæ'ð aðskilnaðarstefnu.
ÚTLÖND
llllllllllll
Dukakis vann yfirburðasigur
í forkosningum demókrata í New York á þriðjudag:
„I kvöld unnum
við Óskar. Ég
elska New York“
„f kvöld unnum við Óskar. Ég
elska New York,“ sagði Mikhael
Dukakis þegar ljóst var að hann
hafði unnið stórsigur í forkosningum
demókrata í New York á þriðjudag.
Með þessum orðum sínum vísaði
hann til óskarsverðlaunanna sem
náfrænka hans hlaut á dögunum
fyrir bestan leik í aukahlutverki.
Dukakis hlaut 52% atkvæða á
meðan aðalkeppinauturinn Jesse
Jackson hlaut aðeins 37% atkvæða.
Albert Gore sem naut stuðnings Ed
Kochs borgarstjóra í New York beið
afhroð í forkosningunum, hlaut að-
eins 10%.
Með þessum sigri sínum er Duk-
akis loks kominn á beinu brautina og
ekkert nema stórslys getur komið í
veg fyrir að hann verði útnefndur
forsetaefni Demókrataflokksins.
Eftir að úrslit voru kunn ger hældi
Jesse Jackson Dukakis sérstaklega
fyrir að hafa rekið baráttu sína á
jákvæðan og heiðarlegan máta með
virðuleik að leíðarljósi. Með því var
hann óbeint að punda á Ed Koch
borgarstjóra í New York helsta
stuðningsmann A1 Gores, en hann
réðst mjög harkalega að Jackson í
kosningabaráttunni. Koch er gyð-
ingur og trevsti Jackson ekki í af-
stöðunni til lsraelsríkis.
Það sem einkenndi forkosningarn-
ar öðru fremur voru kynþáttabarátta
og mikil þátttaka. Megnið af hvítum
kjósendum greiddi Dukakis atkvæði
sitt, þar með taldir flestir þeir gyð-
Mikhael Dukakis virðist nú vera komnin á beinu brautina og ekkert nema
stórslys getur komið í veg fyrir að hann verði útnefndur forsetaefni
demókrata.
ingar sem tóku þátt í forkosningun-
um. Þó Koch hafi hvatt þá til að
greiða Gore atkvæði sitt töldu þeir
atkvæði sínu betur varið hjá Dukak-
is, þannig yrði settur steinn í götu
Jacksons.
Talið er að um 95% blökkumanna
hafi kosið Jesse Jackson en aðeins
um 10% hinna hvítu. Þrátt fyrir
þetta virðist Dukakis yfir kynþátta-
ágreining hafinn, enda sjálfur af
grískum ættum.
Næstu forkosningar verða haldnar
í Pennsylvaniu og er Dukakis talinn
eiga sigur þar vísan.
George Bush hlaut megnið af
atkvæðunum í forkosningum repú-
blikana. Sagði Bush eftir kosning-
arnar að hann myndi húðstrýkja
hvaða forsetaframbjóðanda demó-
krata sem væri. Samkvæmt skoðana-
könnunum virðist mjótt vera á mun-
um milli Bush og Dukakis ef forseta-
kosningar færu nú fram.
Borgarstjórinn í Betlehem
í tilefni þess að 40 ár eru
liðin frá stofnun (sraelsríkis:
„Aröbum og
gyðingum
er ætlað að
lifa saman“
„Minn boðskapur til ísraels er
þessi. Bæði aröbum og gyðingum
er ætlað að lifa saman að eilífu í
þessu heilaga landi. Báðar þjóð-
irnar eiga jafnan rétt á að lifa í
friði og öryggi, sem góðir ná-
grannar, sem frjálsir nágrannar
og sem jafn réttháir nágrannar.
Ég ákalla ísrael á þessum afmæl-
isdegi um að sýna göfuglyndi og
sleppa úr haldi sonum okkar og
dætrum sem eru í haldi af örygg-
isástæðum, sérstaklega hinum
ungu, og bjóða palestínsku þjóð-
inni áræðnar friðartillögur."
Þetta sagði borgarstjórinn í
Betlehem, Elias Freij, í tilefni af
því að Börutíu ár eru liðin frá
stofnun Israelsríkis.
Ekkert bendir þó til þess að
ísraelsmenn taki þessa áskorun
borgarstjórans til greina. Þvert á
móti er talið að þrír róttækir
gyðingar sem sakaðir eru um að
hafa drepið araba fái væga dóma.
Freij sagði að uppreisn Palest-
ínumanna á hernumdu svæðun-
um á vesturbakka Jórdan og
Gazasvæðinu væri ekki beint
gegn fsraelsríki, heldur gegn hin-
um ofsatrúuðu landnemum gyð-
inga sem sest hafa að á hernumdu
svæðunum.
„Landnemar gyðinga líta á
okkur sem rauðskinna indjána og
vilja umgangast okkur eins og
landnemar í Ameríku umgengust
indjánana þar,“ sagði Freij.
Freij er einn fárra borgarstjóra
sem kjörnir voru í kosningunum
1976 og hefur ekki verið bolað frá
af hernámsliði ísraela á her-
numdu svæðunum.
Lengsta flugráni sögunnar lokið:
Flugræningjarnir
slepptu gíslunum
UTLÖND
UMSJÓN:
Hallur
Magnússon
BLAÐAMAÐUR,
Það var „í nafni Guðs hins ntisk-
unnsama og hins heilaga mánaðar
Ramadan" sem flugræningjar kúva-
itsku farþegaþotunnar slepptu gísl-
um sínum lausum í gærmorgun. Þá
höfðu gíslarnir þrjátíu og einn verið
sextán sólarhringa í haldi í flugvél-
inni, lengur en áður hefur þekkst.
Gíslarnir voru mjög þjakaðir en
ánægðir þegar þeir gengu óstuddir
niður landganginn á flugvellinum í
Alsír. Þaðan voru þeir fluttir á
sjúkrahús til rannsókna og aðhlynn-'
ingar.
Ekki er vitað hvað varð af flug-
ræningjunum sjálfum né heldurhvað
fólst í samningum þeirra við alsírsk
yfirvöld. Þó er talið að Alsírmenn
hafi lofað þeim frelsi og vernd ef þeir
létu af kröfum sínum og slepptu
gíslunum. Talsmaður Alsírstjórnar
vildi ekkert gefa upp hvað gert yrði
við flugræningjana en sagði það
skipta meginmáli að friðsöm og
giftusamleg lausn hefði fengist.
Flugræningjarnir átta höfðu yfir-
gefið flugvélina nokkru áður en
gíslarnir héldu frá borði án þess að
fréttamenn yrðu þess varir. Menn
telja líklegt að flugræningjarnir
muni dvelja einhvers staðar í Alsír
næstu daga og halda síðan til írans,
en sterkar líkur eru á að franar hafi
aðstoðað ræningjana þegar þeir
lentu flugvélinni í fran. Orðrómur
er uppi um að flugræningjunum hafi
verið boðið að halda til Líbanons
eða frans eftir því sem þeir sjálfir
kusu.
Ríkisstjórnir Bretlands og Banda-
ríkjanna hafa lýst því yfir að óþol-
andi sé að flugræningjarnir sleppi án
þess að lögum verði yfir þá komið og
Ieggja hart að Alsírstjórn að draga
þá fyrir rétt. Þrátt fyrir það er líklegt
að Alsírstjórn standi við sinn hluta
samkomulagsins.
Ekki er alveg ljóst hverjir flug-
ræningjarnir eru í raun og veru, en
talið er að þeir séu meðlimir í
líbönskum trúaröfgasamtökum sem
njóta stuðnings írana.
Fjallað um morðið
á Al-Wazir hjá SÞ
Öryggisráð Sameinuðu þjóð-
anna mun fjalla um morðið á æðsta
herforingja PLO, Kahlil Al-Wazir,
á fundi sínum í dag, en ríkisstjórn
Túnis hafði krafist þess að öryggis-
ráðið tæki málið til umfjöllunar.
Ríkisstjórn Túnis hefur sakað
ríkisstjórn ísraels um að hafa stað-
ið að morðinu, en Al-Wazir var
skotinn til bana á heimili sínu í
norðurhluta Túnisborgar á laugar-
dag.
ísraelsstjórn hefur ekki lýst
ábyrgð á hendur sér, en fáir velkj-
ast í vafa um að ísraelska leyni-
þjónustan og ísraelski herinn hafi
staðið fyrir tilræðinu með sam-
þykki ríkisstjórnarinnar.
f bréfi sem Túnisstjórn sendi til
öryggisráðsins segir að rannsókn
málsins í Túnis hafi leitt í Ijós að
yfirgnæfandi líkur væru á því að
ísraelsmenn hefðu myrt Al-Wazir
í bréfinu sagði einnig að Túnis hafi
því enn einu sinni orðið skotmark
hryðjuverka ísraela. Með því er
vísað til loftárása fsraela á höfuð-
stöðvar PLO í Túnis árið 1985.