Tíminn - 15.10.1988, Blaðsíða 16

16 Tíminn
Laugardagur 15. október 1988
RAFMAGNSVEITA REYKJAVÍKUR
Húsbyggjendur
Þeim húsbyggjendum, sem þurfa á rafmagnsheim-
taug aö halda í hús sín í haust eða vetur, er
vinsamlegast bent á að leggja inn umsókn um
hana sem allra fyrst til þess að unnt sé að leggja
heimtaugina áður en frost er komið í jörðu.
Gætið þess að jarðvegur sé kominn í sem næst
rétta hæð, þar sem heimtaug verður lögð, og að
uppgröftur úr húsgrunni, byggingarefni eða annað
hindri ekki lagningu hennar.
Heimtaugar verða ekki lagðar, ef frost er komið í
jörðu, nema gegn greiðslu þess aukakostnaðar
sem af því hlýst.
Nánari upplýsingar eru gefnar á heimtaugaaf-
greiðslu Rafmagnsveitunnar, Suðurlandsbraut34,
í síma 686222.
Útboð
Innkaupastofnun Reykjavíkurborgar fyrir hönd gatnamálastjórans í
Reykjavík, óskar eftir tilboðum í gatnagerð, lagningu holræsa og gröft
fyrir vatnslögnum I nýtt íbúðahverfi f Grafarvogi.
Verkið nefnist Grafarvogur I, 9. áfangi.
Um er að ræða um það bil 1,5 km af götum og um 4,2 km af holræsum.
Verkinu skal skila fyrir 1. júlí 1989.
Útboðsgögn verða afhent á skrifstofu vorri að Fríkirkjuvegi 3,
Reykjavík, gegn kr. 30.000 skilatryggingu.
Tilboðin verða opnuð á sama stað fimmtudaginn 27. október n.k. kl.
11.00.
INNKAUPASTOFNUN REYKJAVIKURBORGAR
Frikirkjuvegi 3 - Simi 25800
Ekki á vegum
Verndar
Að gefnu tilefni skal vakin athygli á því að
„Stjórnarfundur“ sem boðaður hefur verið
bréflega mánudaginn 17. október n.k. kl.
17.30 í Holiday Inn, er Félagasamtökunum
Vernd óviðkomandi.
Stjórn Verndar.
Landvari
Stjórn Landvara boðar til félagsfundar að Hótel
Esju, Reykjavík, föstudaginn 21. október n.k.
Stjórn Landvara
hvorar
Nú er skammt um liðið síðan heimurinn fylgdist uppnuminn með Ólympíuleikunum í
Seoul. Þar voru að venju saman komnar mestu íþróttastjörnur veraldar, þó að sum Iönd
létu sig vanta í hópinn af pólitískum ástæðum, og þar voru sett met á met ofan. Þeir sem
sátu í sófanum heima hjá sér fylltust aðdáun þegar þeir fylgdust með íþróttamönnunum
sem neyttu sinna ýtrustu krafta til að komast fram úr keppinautum sínum og engum
hversdagsmanninum datt í hug að hann kæmist í hálfkvisti við þessi ofurmenni. Og
skýringin gat ekki eingöngu legið í ólöglegri lyfjanotkun.
Nú er búið að sanna svart á hvítu í virðulegri skýrslu að þó að íþróttamennirnir neyti
gífurlegrar orku þegar þeir vinna afrekin er þó annar hópur, sá vinnur störf sín í kyrrþey,
sem þarf á enn meiri orku að halda við að koma frá daglegum skyldustörfum. Og hverjir
skyldu fylla þann hóp? Það reynist vera hin vanmetna stétt, húsmæður!
Það voru mikilsmetnir vísindamenn við íþróttastofnun ítölsku Ólympíunefndarinnar
sem rannsóknina gerðu og er gerð grein fyrir henni nýlega í breska vikublaðinu Woman.
Húsmóðir, móðir og eiginkona.
Þetta allt krefst gífurlegrar orku.
Mældur munurinn á
orkunotkun húsmæðra
og íþróttagarpa
Vísindamennirnir vildu mæla
muninn á orkunotkun húsmæðra
og íþróttagarpa. Þeir vissu að það
væri einfalt mál. En niðurstöðurn-
ar sem þeir komust að verða áreið-
anlega mörgum íþróttaunnandan-
um áfall!
Á meðan Ólympíuleikarnir fóru
fram í Seoul sátu milljónir manna
sem límdir fyrir framan sjónvarps-
tækin og fylgdust með því sem
fram fór. Langflestir nutu þess að
horfa á útsendingar frá Ólympíu-
leikunum án þess að hafa annað
fyrir stafni en að sitja og láta sér
líða vel um leið. En fjölmargar
konur voru að fást við að strauja
þvott, búa til mat, taka til eða gæta
barna á sama tíma og þær voru að
gefa auga helstu stórviðburðum á
íþróttasviðinu.
Þegar íþróttamennirnir taka á
honum stóra sínum í eftirsókninni
eftir gullinu eyða þeir geysimikilli
orku. Þeir sterkustu og fótfráustu
leggja sig fram til hins ýtrasta, og
vel það, og þá verkjar í vöðvana og
svitinn rennur af þeim.
Þetta hafa húsmæður
vitað lengi!
Öldum saman hafa konur haldið
því fram að húsmóðurstarfið geti
tekið allt eins mikið á líkamann og
stórvirki í íþróttum. Það var þó
ekki fyrr en nýlega, sem þessi
skoðun kvennanna fékk stuðning
lækna og vísindamanna. Allar
þessar konur sem hafa rétt lokið
við að strauja í eina klukkustund,
hafa beitt við það eins mikilli orku
og úrvalssundmaður, sem hefur
synt af fullum krafti í Ólympíu-
sundlaug í 10 mínútur. Þessu hefur
nú verið slegið föstu svo að óum-
deilanlegt er“
ítalskir vfsindamenn sem hafa
fengist við rannsóknir á íþrótta-
mönnum hafa komist að raun um
að konur brenna fleiri hitaeining-
um á annasömum degi við sín
hversdagslegu skyldustörf en
íþróttamenn sem skara fram úr á
Ólympíuleikjum. Þessi niðurstaða
fékkst úr rannsóknum vísinda-
manna við íþróttastofnun ítölsku
Ólympíunefndarinnar. Rannsókn-
irnar stóðu í heilt ár. Einnig voru
rannsakaðar 220 venjulegar hús-
mæður, allar giftar með tvö börn,
37 ára að aldri og 57 kílóa þungar.
Orkueyðslan var mæld með bylt-
ingarkenndu, glænýju tæki, sem
kallað er K2. Þetta tæki var þróað
fyrir Rússa, sem þekktir eru fyrir