Tíminn - 14.04.1989, Blaðsíða 5

r.nim' r h
Tíminn 5
Föstudagur 14. apríl 1989
V-þýski sjávarútvegsráðherrann lýsir vanþóknun sinni vegna viðskiptaþvingana í hvalamálinu:
Harmar rangar sakir
á hendur íslendingum
Dr. Wolfgang von Geldern, sjávarútvegsráðherra V-
Þýskalands, lýsti því yfir á blaðamannafundi í Bonn í
gærmorgun að ríkisstjórn landsins harmaði hvers kyns
viðskiptaþvinganir sem stundaðar hafa verið vegna hval-
veiðimálsins og sagði það slæmt að rangar fuliyrðingar hafí
verið hafðar í frammi gegn íslandi í því máli.
Benti hann í því samhengi á að
íslendingar tækju ekki hvali af
neinum þeim tegundum sem væru
taldar í útrýmingarhættu. Á sama
fundi lýsti Halldór Ásgrímsson,
sjávarútvegsráðherra, því yfir að
vegna þess að fjögurra ára vísinda-
áætlun íslendinga lyki í ár, yrðu
ekki stundaðar neinar hvalveiðar
við ísland árið I990. Á því ári
verður innan Alþjóðahvalveiði-
ráðsins ákveðið hvort hvalveiðar
af einhverju tagi verða leyfðar og
þá í hvaða mæli.
Yfirlýsing Halldórs Ásgrímsson-
ar var undirbúin í sjávarútvegs-
ráðuneytinu fyrir nokkru og var
ekki talið rétt að ögra ársfundi
Alþjóðahvalveiðiráðsins sumarið
1990, með því að ákvcða einhliða
veiðar það sama ár. Mál þetta
hefur ekki verið rætt á þessum
nótum í ríkisstjórn íslands, enda
er hún ákvörðun sjávarútvegsráð-
herra. Niðurstöður vísindaáætlun-
arinnar munu liggja fyrir snemma
á næsta ári og verða þær lagðar
fyrir vísindanefnd ráðsins. Það sem
þar kemur fram verður sá grund-
völlur sem íslendingar munu
standa á innan ráðsins, er framhald
hvalveiða verður ákveðið.
Yfirlýsingar sínar ítrekuðu ráð-
herrarnir síðan á fundum og í
ræðum sem þeir héldu í heimsókn
sinni til Cuxhaven síðar í gærdag.
Halldór var ánægður með fundi er
hann hefur átt með þarlendum
stjórnvöldum. Að sögn Guðna
Bragasonar, sendiráðsritara, sem
er með í för ráðherra, kom skýrt
fram á þessum fundum að v-þýsk
stjórnvöld hafa verið íslendingum
haukur í horni gagnvart viðskipt-
um okkar við Evrópubandalagið.
M.a. mun hafa verið rætt um enn
frekari samvinnu og samskipti
þjóðanna og kom fram að þarlend
stjórnvöld hyggjast styðja íslend-
inga í væntanlegum samningavið-
ræðum við EB-löndin sameiginlega
varðandi sjávarútvegsmál. KB
Halldór Ásgrímsson.
Leiðir gæludýraeigendur fara út í Kapelluhraun:
Kanínum
Þess eru nokkur dæmi að fólk
hafi sleppt lausum á víðavangi
kanínum sem það kærir sig ekki
lengur um að eiga. Kanínurnar
geta lifað villtar hér á landi og til
skamms tíma voru villtar kanínur í
Kapelluhrauni við Straumsvík,
samkvæmt upplýsingum sem Tím-
inn fékk hjá starfsmanni gæludýra-
verslunarinnar Amazon.
Ástæða þess að Tíminn leitaði
upplýsinga af þessu tagi í gæludýr-
aversluninni er sú að fyrir nokkrum
dögum fann Sigurður Ólafsson
kanínu í innkeyrslunni við heimili
sitt í Garðabænum. Sigurður sagði
að kanínan hefði verið hin spræk-
asta, hann hefði gefið henni að éta
en þegar hann kom úr vinnu seinna
um daginn var hún horfin.
Hjá starfsfólki Amazon fengust
þær upplýsingar að kanínur gætu
aðlagast því að lifa villtar ef þær
hefðu ekki verið hafðar í upphituð-
um húsum en margir hafa kanín-
urnar í óupphituðum kofum yfir
vetrartímann. Kanínur lifa á
jurtum, grasi og berjum þannig að
um sumartímann ættu þær að hafa
nóg æti hér á landi. Einnig naga
þær börk af trjám einkum að
vetrarlagi.
í bókaflokknum „Undraveröld
dýranna" kemur m.a. fram um
kanínur að: „Við ólík skilyrði í
búrum, sérstaklega af því að þær
eru vandar á að éta kjarngóða
fæðu, svo sem korn og brauð, hafa
tamdar kanínur tekið breytingum,
svo að þær virðast vera orðin ný
tegund, skynfærin eru vanþroskuð,
heili og hjarta léttari og ristill og
garnir styttri, svo dýrið hefur misst
alla hæfni til að lifa villilífi. Þó
kemur fyrir, að tamin dýr sleppa úr
gæslu og geta aðlagað sig á ný
lífinu í náttúrulegu umhverfi, en
nokkrar kynslóðir þarf til að af-
kvæmi þeirra verði á ný að venju-
legum villikanínum."
Frjósemi kanína er með ólíkind-
um og eiga þær 4-14 unga í einu 5-7
sinnum á ári, ein kanína getur því
jafnvel átt 98 unga á ári! SSH
Forseti ASÍ skerpir tóninn í bréfi til aðildarfélaga ASÍ:
Verkfallsheimildir
ef VSÍ tregðast við
„Það er óhjákvæmilegt að við
gerum tilkall til þess að kaup ASÍ
félaga hækki a.m.k. um það sama og
gerst hefur með samningum BSRB.
Jafnframt hljótum við að leggja
áherslu á að tryggja sem bestan
kaupmátt með því að knýja á um
ráðstafanir til að halda aftur af
verðhækkunum,“ segir Ásmundur
Stefánsson í bréfi sem hann sendi
aðildarfélögum ASÍ í gær.
Engar formlegar samningaviðræð-
ur hafa farið fram um sinn milli ASl
og VSÍ meðan VSÍ hefur beðið eftir
mati Þjóðhagsstofnunar á BSRB
samningunum og áhrifum þeirra á
almenna vinnumarkaðinn og af-
komu atvinnuveganna. Það svar
verður tilbúið í dag og er þess að
vænta að viðræður hefjist aftur upp
úr helginni.
í bréfinu til aðildarfélaganna segir
Ásmundur að samningsvilji atvinnu-
rekenda ætti að sýna sig innan
skamms og verði hann með minna
mótinu hljóti að verða að knýja á
með auknum þrýstingi.
Nú séu stærstu hóparnir innan
ASf, Verkamannasambandið og
Landssamband iðnverkafólks með
lausa samninga og því séu allar
forsendur til aðgerða fyrir hendi hjá
félögunum og sýni atvinnurekendur
ekki samningsvilja á næstu dögum,
hljóti félögin að afla sér verkfalls-
heimilda. - sá
Frumvarp til breytinga á rekstri tónlistarskóla
Osamkomulag
Ekki tókst að ná samkomulagi í
nefnd sem fjallaði um æskilegt fyrir-
komulag reksturs tónlistarskóla
landsins.
Nefndin var skipuð af mennta-
málaráðherra í byrjun febrúar síð-
astliðins. Tilefni skipunarinnar var
frumvarp til laga um verkaskiptingu
ríkis og sveitarfélaga. En þar er gert
ráð fyrir að rekstur skólanna flytjist
algjörlega yfir á sveitarfélögin.
Tónlistarfólk telur að fyrirkomu-
lag reksturs tónlistarskólanna, eins
og það er í dag sé heppilegast og
líklegast til að tryggja áfram blóm-
legt starf skólanna. Fulltrúarsveitar-
félaga og félagsmálaráðuneytisins
telja aftur á móti að farsælla yrði að
færa reksturinn í hendur sveitarfé-
laganna. Bendir formaður nefndar-
innar á að skólarnir séu settir í þá
stöðu að geta kollvarpað frumvarp-
inu, sem gæti reynst þeim illa síðar.
í lokaniðurstöðu nefndarinnar er
lögð áhersla á að hlúð verði að
tónlistarfræðslu í landinu. Einnig að
stefnt verði að auknu samstarfi milli
tónlistar- og grunnskóla. En tónlist-
í nefnd
arfræðsla í grunnskólum á, sam-
kvæmt athugunum nefndarinnar,
víða undir högg að sækja.
Loks er lagt til að hafist verði
handa við að endurskoða lög um
tónlistarfræðslu í heild sinni. Nefnd-
in telur æskilegt að sá hluti verka-
skipta frumvarpsins sem snýr að
tónlistarskólunum komi ekki til
framkvæmda fyrr en í ársbyrjun
1991, þar sem góðan tíma þurfi til að
fara ofan í kjöl þessara mála. jkb
3000. Zetorinn
Það er varla til sá bóndi á
íslandi, eða kaupamaður, sem ekki
hefur ekið eða kynnst Zetor-drátt-
arvélum á einn eða annan hátt. Nú
í vikunni afhenti Glóbus hf. þrjú
þúsundasta Zetorinn og er varla að
nokkur önnur dráttarvélartegund
hafi selst í jafn mörgum eintökum.
Fyrir miðri mynd má sjá hjónin
Helgu Búadóttur og Erlend Ey-
steinsson, bændur að Stóru Giljá
þegar þeim var afhent þessi merkis
vél. Þeim á hægri hönd eru forstjór-
inn Þórður H. Hilmarsson og full-
trúi Motokov-verksmiðjanna, en
lengst til vinstri er Árni Gestsson
stjórnarformaður Glóbus.