Tíminn - 04.05.1989, Blaðsíða 6

6 Tíminn
Fimmtudagur 4. maí 1989
Bæjarstjórn Blönduóss:
Mótmæla undanþágu frá
greiðslu aðstöðugjalds
Bæjarstjóm Blönduóss hefur
samþykkt mótmæli gegn tillögum
félagsmálanefndar efri deildar Al-
þingis, þess efnis að mjólkurstöðv-
ar og sláturhús verði undanþegin
greiðslu aðstöðugjalds í nýjum
tekjustofnalögum fyrir sveitarfé-
lög.
Samþykktin var gerð samhljóða
á fundi bæjarstjómarinnar fyrir
skömmu. í henni segir það vera í
fyllsta máta óeðlilegt að örfá sveit-
arfélög í landinu verði með lögum
látin greiða niður verðlag afurða
mjólkurstöðvanna og sláturhús-
anna, til landsmanna allra.
Tillaga félagsmálanefndar er
rökstudd með því að ef fyrrnefnd
fyrirtæki greiði aðstöðugjald muni
verðlag á framleiðslunni hækka til
neytenda og ef til vill leiða af sér
„fjölsköttun“ eins og segir í nefnd-
arálitinu.
f greinargerð með samþykkt
bæjarstjórnarinnar segir: „Ef
stjómvöld em þeirrar skoðunar að
áhrif af álagningu aðstöðugjalds
megi ekki fara út í verðlagið verða
þau að greiða niður verðlag eða sjá
til þess að viðkomandi sveitarfélög
fái tjón sitt bætt með framlagi úr
ríkissjóði eða taka til sín verkefni
í þeim sveitarfélögum sem ákvæðið
kemur til með að bitna á, að því
marki sem tekjuskerðingunni
nemur.“ jkb
VORBLÓMIÐ
2B.»r
Næstkomandi sunnudag munu
félagar í barnastúkum landsins
ganga í hús og selja bókina Vor-
blómið.
1 bókinni er að finna teikni-
myndasögur, smásögur, leikrit,
skrýtlur, þrautir, leiki, gátur,
ljóð, ævintýri og fleira. Auk þess
sem íjöldi teikninga prýðir Vor-
blómið.
Það er gefið út af I.O.G.T. En
reglan hefur gefið sambærilega
bók út á hverju ári í röskan
aldarfjórðung. Bókin er aðeins
til sölu fyrsta sunnudag hvers
maímánaðar og er ein helsta
fjáröflunarleið barnastúkanna.
í ritnefnd eiga sæti Ólafur R.
Hjartar, Ásgerður Ingimarsdótt-
ir, Eðvarð Ingólfsson og Mjöll
Matthiasdóttir. jkb
Seðlabankinn:
Gróði í fyrra álíka
og tapið árið 1987
Um 1.350 milljóna króna
hagnaður varð á rekstri
Seðlabankans á síðasta ári.
Þarna er um stóra breytingu
að ræða frá 1.100 milljóna
króna tapi árið 1987. Reikn-
að til sama verðlags var hagn-
aðurinn á síðasta ári álíka
upphæð og tapið árið áður.
Breytingar á verðlagi hér á landi
og gengisþróun er það sem mestu
veldur um þessar miklu sveiflur.
Þannig rýrnaði Bandaríkjadollar,
sem miklu skiptir í bókum bankans,
um 11% árið 1987 en hækkaði hins
vegar um 30% í verði árið 1988.
Samkvæmt Seðlabankalögum skal
helmingur af meðalhagnaði næstlið-
inna þriggja ára, að frádreginni arð-
greiðslu, renna til ríkissjóðs. Þessi
skattur nam 95 milljónum króna á
s.l. ári.
Breyting á Seðlabankalögum í
mars s.l. kveður á um að bankinn
skuli greiða til ríkissjóðs sem nemur
þrem fjórðu hlutum að innheimtum
viðurlögum vegna lausafjárstöðu
innlánsstofnana. Þetta ákvæði var
látið ná til ársins 1988. Alls greiðir
Seðlabankinn um 509 milljónir
króna í arð og skatta til ríkisins, þar
með talið landsútsvar, fyrir árið
1988.
Lokaframkvæmdir við nýja Seðla-
bankahúsið kostuðu bankann 130
milljónir á s.l. ári. Rekstrarkostnað-
ur bankans var um 400 milljónir
króna.
Þar af voru 232 milljónir króna
vegna launa og launatengdra gjalda.
Starfsmenn bankans voru 154 í 141
starfsgildi um s.l. áramót og hafði þá
fjölgað um 4,5 starfsgildi á árinu.
Þar við bættust samtals rúmlega 19
milljónir kr. sem bankinn greiddi
vegna bíla starfsmanna, náms þeirra
og félagsmála, og niðurgreiðslu á
mat handa þeim.
Af öðrum kostnaðarliðum má t.d.
nefna 10 milljóna ferðakostnað, 7,9
millj. til gestamóttöku og funda-
halda, 2,5 millj. í gjafir og styrki, 9,5
milljóna kostnað vegna bóka- og
myntsafns, og listaverka og 5 millj.
vegna annars bílakostnaðar en
starfsmannabíla.
Þá greiddi bankinn t.d. rúmar 10
milljónir vegna þjónustu Pósts og
síma og annað eins fyrir tölvuþjón-
ustu.
Fasteignakostnaður var hátt í 38
millj. á árinu, hvar af 24 millj. voru
fasteignagjöld og skattar. -HEI
Formaður
tæknifræðinga-
félagsins
Sveinn Frímannsson var kosinn
nýr formaður Tæknifræðingafélags
íslands á aðalfundi félagsins fyrir
nokkru. Fráfarandi formaður,
Daði Ágústsson, flutti skýrslu um
störf félagsins á síðastliðnu ári.
Aðrir í stjórn félagsins voru
kosnir Eiríkur Þorbjörnsson, Júlí-
us Þórarinsson, Hreinn Jónasson,
Haraldur Sigursteinsson, Gunnar
Sæmundsson og Bergsteinn Gunn-
arsson.
Uppgjör
loðnuvertíðar:
Sigurður
aflahæstur
Heildaraflinn á loðnuver-
tíðinni sem nú er ný lokið var
920.491 tonn, þar af veiddust
311.431 tonn á fyrir áramót
og 609.060 tonn eftir áramót.
Alls fóru 46 bátar til veiða á
þessari loðnuvertíð og veiddu þrjú
skip yfir 30 þúsund tonn. Aflahæstu
skipin eru þessi, Sigurður RE 4 með
32.686 tonn, þar af voru 8.619 tonn
veidd fyrir ármót, en 24.067 eftir, í
öðru sæti er Hólmaborg SU 11 með
31.911 tonn, 13.652 tonn veidd fyrir
áramót, en 18.259 eftir, í þriðja sæti
er Helga IIRE 373 með 31.736 tonn,
þar af 13.400 tonn veidd fyrir ára-
mót, en 18.336 tonn eftir. í fjórða
sæti er Hilmir SU 171 með 29.084
tonn, í fimmta sæti er Höfrungur
AK 91 með 28.242 tonn og í sjötta
sæti er Jón Kjartansson SU 111 með
28.200 tonn.
Mestu var landað hjá Fiskimjöls-
verksmiðju Hraðfrystihúss Eski-
fjarðar hf. á vertíðinni, eða 94.928
tonnum, í öðru sæti er Síldarvinnsl-
an hf. á Neskaupstað með 87.641
tonn, í þriðja sæti er Síldarverk-
smiðja ríkisins á Seyðisfirði með
77.387 tonn. í fjórða sæti er Síldar-
verksmiðja ríkisins á Siglufirði, með
70.597 tonn, í fimmta sæti er Fiski-
mjölsverksmiðjan í Vestmannaeyj-
um, með 69.961 tonn og í sjötta sæti
er Hraðfrystistöð Vestmannaeyja,
FES, með 55.838 tonn.
Tuttugu og þrír bátar fóru í sölu-
ferðir erlendis, alls 65 sinnum.
Heildarmagnið sem siglt var með
voru 57.232 tonn og var Jón Finns-
son RE 506 söluhæstur, með 9.916
tonn í níu ferðum, næstur kom
Hilmir SU 171 með 9.439 tonn í átta
ferðum. Til Færeyja var siglt með
31.119 tonn, til Noregs var siglt með
16.315 tonn og til Skotlands var siglt
með 9.798 tonn. -ABÓ
Uppstigningardagur:
Kirkjudagur
eldra fólks
í dag er uppstigningardagur,
kirkjudagur aldraðra á íslandi.
Hvatt er til almennrar þátttöku
alls safnaðarfólks. Einnig er mælst
til að það aðstoði aldraða eftir
föngum við að sækja guðsþjónustur
og taka þátt í því kirkjulega starfi,
sem fram fer á þessum degi.
Uppstigningardagur var upphaf-
lega valinn kirkjudagur eldra fólks-
ins á ári aldraðra 1982, f samvinnu
við Ellimálanefnd Þjóðkirkjunnar.
Upp frá því hefur kirkja fslands
helgað öldruðum þennan dag. En
þeir hafa sums staðar tekið þátt í
guðsþjónustum með því að lesa
texta dagsins og jafnvel stigið f
stólinn. Einnig hefur það fólk sem
farið er að æfa kóra, annast kirkju-
sönginn.
Góð samvinna hefur tekist með
safnaðarfólki öllu ásamt presti við
að stuðia að því að aldraðir geti átt
góðan dag í kirkjunni. Meðal annars
með því að aka fólki til og frá og
bjóða því í kirkjukaffi eftir messu.
jkb