Tíminn - 04.05.1989, Blaðsíða 15

Tíminn 15
Fimmtudagur 4. maí 1989
Fjölbýlishús í miðborg kínverskrar stórborgar. I Peking er nú 7 fermetra íbúðarhúsnæði á mann.
Ibúar Peking hafa 7 fermetra
íbúðarhúsnæði á mann
Sun Shouhai er vel stæður miðað við kínverskan
mælikvarða. í hverjum mánuði selur hann fatnað fyrir 5400
dollara á frjálsum markaði.
En í stórborgum Kína, sem eru yfirfylltar fólki, er það
jafnvel þeim nýríku erfitt að gera sér hið daglega líf
þægilegt. Sun Shouhai, sem er 32 ára, býr með konu og
barni í aðeins tíu fermetra stórum kofa, án hita, rennandi
vatns og salernis.
Hann leggur hart að sér að bæta lífsskilyrði fjölskyldu
sinnar. Ekki alls fyrir löngu fór hann til íbúðarmiðstöðvar
í Peking, sem býður einstaklingum til kaups eigin íbúðir.
Hann sótti um íbúð með þrem svefnherbergjum. Hún á að
kosta 25.000 dollara.
Tilraunir til að færa
húsnæðiskerfið í átt
til markaðslögmála
Sala íbúða til einkaaðila er hluti
af umbótum sem verið er að koma
á í kínverska húsnæðiskerfinu.
Hingað til hefur húsaleiga verið
niðurgreidd. í fjóra áratugi hafa
ríkisfyrirtæki lagt starfsmönnum
sínum til íbúðir gegn smávægilegri
leigu.
En síðustu tvö árin hefur kín-
verska stjórnin gert tilraun til að
færa húsnæðiskerfið nær markaðs-
lögmálum með því að hækka
leiguna og selja húsnæðið.
Enn er eftirspurnin eftir sölu-
íbúðum ekki mikil. í Peking eru nú
400 nýjar íbúðir boðnar til sölu en
enn sem komið er eru ekki nema
240 líklegir kaupendur í sigtinu.
Flestir Kínverjar líta á það sem
grundvallarréttindi að eiga kost á
ókeypis eða ódýru leiguhúsnæði.
íbúðirnar
óviðráðanlega dýrar
Þar sem meðalárstekjur eru að-
eins um 400 dollarar eru nýju
íbúðirnar óviðráðanlega dýrar fyrir
flesta íbúa höfuðborgarinnar. Ma
Jinli, sem veitir íbúðamiðstöðinni
í Peking forstöðu segir: „Megin-
reglan er sú að það er aðeins fólk
sem stundar viðskipti eða fólk sem
fær senda peninga frá ættingjum í
útlöndum, sem getur leyft sér að
eignast svona íbúð.“
Þó að óneitanlega hafi ræst
heilmikið úr húsnæðismálunum í
Kína á undanförnum tíu árum,
sýna útreikningar að hver íbúi
höfuðborgarinnar hefur samt ekki
nema sjö fermetra til umráða.
„Blað alþýðunnar", hið opin-
bera málgagn kínverska kommún-
istaflokksins, hermir að u.þ.b.
þriðjungur allra íbúa Peking búi
við annað hvort mjög lélegan húsa-
kost eða hafi alls ekkert þak yfir
höfuðið.
Með tilliti til hinna gífurlegu
fjármuna sem yfirvöld verða að
leggja fram til að greiða niður
húsaleigu eru stjórnmálamenn
sammála um að frjáls íbúðamark-
aður verði að fyrirfinnast, jafnvel
þó að hann hafi í för með sér að
misjöfn lífskjör manna verði enn
misjafnari.
„Þetta er ömurlegt. Það er eng-
inn möguleiki fyrir fólk eins og mig
að kaupa sér íbúð á þessu verði,"
segir Li Wei, þrítugur iðnverka-
maður. Hann býr í tíu fermetra
stórum skúr.
Erfið kaupskilyrði og
íbúðirnar ekki allar
í góðu standi
Flestir væntanlegir íbúðareig-
endur vilja fá íbúð í miðborginni,
á einhverri af efri hæðum fjölbýlis-
húsanna. íbúðunum verður úthlut-
að eftir þeirri röð þar sem þörfin er
brýnust, þ.e.a.s. fjölskyldur í sér-
lega slæmum húsakynnum hafa
forgang. Kaupverðið verður að
greiða innan tíu daga. Kaupend-
urnir geta selt íbúðirnar aftur eða
eftirlátið börnum sínum þær.
Endursala er þó ekki leyfileg fyrr
en að fimm árum liðnum.
Verð íbúðanna er frá 15.000
dollurum fyrir eins herbergis íbúð
upp í yfir 30.000 dollara fyrir stærri
og betur útbúnar íbúðir. Ibúðir á
efstu hæð húsa eru ódýrari en þær
sem eru á neðri hæðum. Ma Jinlin
hjá • íbúðamiðstöðinni segir að
ástæðan sé sú að þar verði of kalt
á vetrum og of heitt á sumrum. „í
illa byggðum húsum rignir þar inn
- auk þess ganga lyfturnar yfirleitt
ekki upp á efstu hæðirnar," segir
hún.
Einn þeirra sem hefur sýnt áhuga
á að kaupa íbúð er Tschou. Hann
vill kaupa þriggja herbergja íbúð
en býr nú í einsherbergis íbúð. Sú
var tíðin að hann átti hús með níu
herbergjum, en það var tekið af
honum á miðjum sjöunda áratugn-
um oe nú búa margar fjölskyldur
þar. A árinu 1983 borguðu yfirvöld
Tschou 250 dollara í skaðabætur
fyrir upptæka húsið. „Fyrir þá
peninga gæti ég ekki einu sinni
keypt hálfan fermetra nú,“ segir
hann.
Ættingjar í útlöndum hafa út-
vegað honum 25.000 dollara og nú
getur hann keypt sér sína eigin
íbúð. „Það er yndislegt að geta
loks komist í fallegra umhverfi,"
segir Tschou.
Linotype
Fjórar setningartölvur til sölu.
Saman eða í sitthvoru lagi. Hægt er
að senda texta á milli véla, en eru
sjálfstæðar einingar hver um sig.
Tölvurnar eru allar í góðu
ásigkomulagi og geta tekið á móti
texta frá PC tölvum.
• 1 stk. CRTronic300setningartölva
með útskrift.
• 2 stk. CRTronic S 150 setningar-
tölvur með viðauka og útskrift.
• 1 stk. CRTerminal 150 með við-
auka og spjaldi fyrir PC tölvur.
• Ennfremur 1 stk. Linokey 2 inn-
skriftarborð.
• CRTronic prentari.
Nánari upplýsingar á
Tæknideild gefa Þorgeir og
Ari.
Tíminn
Lynghálsi 9 - Sími 686300
Við í Prentsmiðjunni Eddu
hönnum, setjum og prentum
allar gerðir eyðublaða fyrir tölvuvinnslu.
Við höfum einnig úrval af tölvupappír á Iager.
Reynið viðskiptin.
Smiðjuvegi 3,
200 Kópavogur.
Sími 45000