Tíminn - 18.01.1990, Blaðsíða 5
Fimmtudagur 18. janúar 1990
Tíminn 5
Óvænt sala a 100 milljóna hlut í Stöö 2 í gær. Fjölmiðlun h.f. a nu meirihluta:
Jón Ottar og félagar
orðnir áhrifalausir
Þau tíðindi gerðust í gær að Eignarhaldsfélag Verslunar-
banka íslands h.f. seldi óvænt hundrað milljónir í Stöð 2. til
Fjölmiðlunar h.f. - sama kaupanda og áður hafði keypt hluti
fyrir 150 milljónir. Eignarhaldsfélagið á því engan hlut lengur
í Stöð 2 og aðeins er eftir að fá inn 150 milljón króna
hlutafjárloforð stofnenda og eldri eigenda stöðvarinnar;
þeirra Jóns Óttars Ragnarssonar, Hans Kristjáns Árnasonar
og Ólafs H. Jónssonar.
Par með hefur Fjölmiðlun h.f.
náð meirihluta í stjórn Stöðvar 2 og
skipar þrjá af fimm stjórnarmönn-
um. Fyrri aðaleigendur eru því orðn-
ir áhrifalausir, henti það hinum nýju
meirihlutaeiganda.
Eignarhaldsfélag VÍ stóð sem
kunnugt er fyrir því að hlutafé
stöðvarinnar var aukið um 400 mill-
jónir úr 5.555 þús. kr. í 405.555 þús.
kr. um síðustu áramót og af því
skuldbundu stofnendur Stöðvar 2;
þeir Jón Óttar Ragnarsson sjón-
varpsstjóri, Hans Kristján Árnason
og Ólafur H. Jónsson sig til að kaupa
150 milljóna hlut.
Þeir sem mynda Fjölmiðlun h.f.
eru allir kaupsýslumenn, miskunnir
þó. Þeir eru samkvæmt frétt Stöðvar
2 í gærkvöldi; Haraldur Haraldsson,
Jóhann Ólafsson, Guðjón Oddsson,
Víðir Finnbogason, Oddur Péturs-
son, Ólafur Njáll Sigurðsson, Jón
Ólafsson, Bolli Kristinsson, Skúli
Jóhannsson og Garðar Siggeirsson.
í yfirlýsingu sem Jón Óttar Ragn-
arsson og Hans Kristján Árnason
sendu frá sér í gærkvöldi segir að
forsendur samninga þeirra um ára-
mótin við Eignarhaldsfélag Verslun-
arbankans séu breyttar með sölunni
í gær. Forsendur fyrir 150 milljóna
hlutafjárloforði þeirra séu einnig
gjörbreyttar.
Eignarhaldsfélag Verslunarbank-
ans hafi nú ákveðið að ganga til
samstarfs við nýjan aðila og afhenda
honum meirihlutavald í Stöð 2 án
þess að tryggja eigin oddaaðstöðu í
stjórn Stöðvar 2. Með þessu hafi
Eignarhaldsfélagið rýrt sína eigin
möguleika og möguleika stofnend-
anna til að hafa virk áhrif á stjórn
Stöðvar 2. Síðan segir í tilkynningu
Jóns Óttars og Hans Kristjáns:
„Samning um þetta gerði bankinn
án nokkurs samráðs við okkur stofn-
endur og eldri hluthafa - sem treyst-
um því að hann mundi tryggja
eðlilega dreifingu áhrifa og eignar-
halds fýrst á annað borð var farið út
í hlutafjárútboð innanlands.
Þorri gengur í garð á morgun og súrmaturinn er orðinn hæfilega súr og við étum þjóðlega:
Rúmt hálft tonn af
vel kæstum hákarli
Matreiðslumenn Múlakaffis önnum kafnir við að ganga frá þorramatnum
áður en þorri gengur í garð á morgun. Jóhannes Stefánsson framkvæmda-
stjóri er annar frá hægrí. Tímamynd: Pjetui
„Við erum að venju vel búnir
undir þorrann og eigum t.d. tæp 600
kíló af sérstaklega verkuðum há-
karli. Alls hafa veríð notuð um 12
tonn af hráefni í þorramatinn okkar
að þessu sinni. Allur þessi matur er
búinn til og meðhöndlaður eftir
gömlum rammíslenskum aðferðum.
Hér er t.d. engin edikssýra notuð við
að súrsa súrmetið heldur eingöngu
hrein ógerilsneydd mjólkurmysa.
Þannig er Múlakaffi ef til vill síðasta
vígi þjóðlegrar matargerðar,“ sagði
Jóhannes Stefánsson framkvæmda-
stjórí Múlakaffis við Tímann í gær.
Matreiðslumenn Múlakaffis byrja
að verka þorramatinn tæpu hálfu ári
áður en þorri sjálfur gengur í garð.
Aðal annatíminn er um sláturtíðina
en þá búa menn til slátur, sviðasultu,
verka hrútspunga og fleira góðgæti
og leggja í súr svo að það hafi fengið
rétta keiminn þegar menn taka að
blóta þorra.
Jóhannes sagði að vinsældir þorra-
matarins ykjust ár frá ári og því
hefði stöðugt verið verkað meir af
honum milli ára. Þrátt fyrir það
hefði reynslan verið sú að hann hefði
allur selst upp áður en þorri var allur.
Hjá Múlakaffi verður hægt frá og
með morgundeginum að kaupa
þorramat í trogum fyrir frá tveim og
upp úr og fá sendan heim eða í
þorrablótið. Að sögn Jóhannesar er
hægt að setja saman matinn í trogun-
um eftir óskum kaupenda. Hann
sagði að vinsælustu matartegundirn-
ar væru tunga, sviðasulta, hrúts-
pungar og súr hvalur. -sá
Þessi samningur við hina nýju
hluthafa er á þá leið að bankinn og
hinir nýju hluthafar hafa samið til
nokkurra ára um skipan stjórnar og
framkvæmdastjórnar Stöðvar 2 án
nokkurs samráðs við okkur - þrátt
fyrir að við höfðum, áður en þessi
hlutabréfasala fór fram, tilkynnt
bankanum að við myndum efna
okkar hlutafjárloforð strax í þessari
viku og stæðum í samningaviðræð-
um við bankann um frágang þess.
Auk þess er okkur kunnugt um að
Eignarhaldsfélag Verslunarbanka
íslands h.f. og hinir nýju hluthafar
hafa gengið frá skriflegum samningi
þess efnis að þeir hafa gagnkvæman
forkaupsrétt innbyrðis - enda þótt
að í samningi okkar við bankann
standi skýrum stöfum að engar
hömlur skuli vera á viðskiptum með
hlutafé í Stöð 2.
Þessi ákvörðun Eignarhaldsfélags
V.í. er í ósamræmi við þá samninga
sem við gerðum við bankann um
hlutafjáraukninguna - þar sem ekki
var stefnt að því að afhenda meiri-
hluta félagsins einum tilteknum hópi
aðila.
Rökrétt niðurstaða er sú að hinn
nýi meirihluti hljóti í framhaldi af
þessu að taka við stjórnartaumum á
Stöð 2.“ — sá
Kvennalistinn vill Kristínu Sigurðardóttur
íbankaráð LÍ ef hún yfirgefur Kaupþing:
Ekki verður
bæði sleppt
og haldið
„Niðurstaða fundarins varð sú
að þrátt fyrir lagalega stöðu sé ekki
rétt að Kristín Sigurðardóttir gegni
samtímis stöðu deildarstjóra hjá
Kaupþingi h.f. og sitji í nýju bank-
aráði Landsbanka íslands," sagði
Kristín Halldórsdóttir alþingis-
maður í gær eftir fund Kvennaiist-
ans þar sem ákvörðun var tekin um
hvort Kristín Sigurðardóttir tæki
sæti í ráðinu en fyrsti fundur þess
verður í dag.
Kristín Halldórsdóttir sagði að
þetta þýddi ekki að Kvennalistinn
hafnaði Kristínu Sigurðardóttur
sem fulitrúa listans í bankaráð.
Hún nyti fyllsta trausts Kvenna-
listakvenna. Hins vegar væri um að
ræða álitamál og umdeilanlegt
hvort starf Kristínar Sigurðardótt-
ur samrýmdist setu hennar í bank-
aráði. Fæstir teldu það andstætt
lögum en það virtist vera grund-
völlur fyrir tortryggni og hugsan-
legt að Kristínu yrði af þeim sökum
gert erfitt fyrir í störfum sínum í
ráðinu.
Athyglisvert væri að þrjár niður-
stöður um lögmæti setu Kristínar
Sigurðardóttur í bankaráðinu
hefðu komið fram í jafnmörgum
álitsgerðum. Þetta sýndi að nauð-
synlegt væri að setja skýrari reglur
um almennt hæfi fólks til að sitja í
stjórnum, nefndum og ráðum á
vegum ríkisins.
Kristín Sigurðardóttir tekur þó
sæti í bankaráðinu því að hún
hefur sagt upp starfi sínu hjá
Kaupþingi og mun að eigin sögn
hætta jafnskjótt og annar starfs-
maður hefur verið fundinn. En er
seta í bankaráði meira virði en
starfið?
„Auðvitað hef ég eins og aðrir
launþegar fulla þörf fyrir kaupið
mitt. Hins vegar tók ég tilnefningu
í ráðið mjög alvarlega og tók
verkefnið að mér. Ég gerði það
vissulega í góðri trú og mig óraði
ekki fyrir að það hefði slíkt upp-
nám í för með sér og orðið hefur
raunin, enda ekki tilefni til. Ég hef
nú ákveðið að standa við það sem
ég hef tekið að mér og tek sæti í
bankaráði LÍ og hætti störfum hjá
Kaupþingi," sagði Kristín Sigurð-
ardóttir í gærkvöldi. - sá
Samninganefnd sérfræðinga gerir ágreining við reglugerð í vinnslu:
Formaður ekki til viðtals
Guðmundur I. Eyjólfsson for-
maður samninganefndar sérfræði-
lækna við Tryggingastofnun ríkisins
sagðist í gær ekki ætla að mæta á
samráðsfund sem heilbrígðisráð-
herra boðaði til að ræða drög að
nýrri reglugerð um greiðslur vegna
læknisþjónustu. Haraldur Briem
formaður Félags sérfræðilækna
sagðist aftur á móti ætla að mæta og
koma á framfærí athugasemdum við
reglugerðardrögin. Að öðru leyti
vildi Haraldur ekki tjá sig um málið
þar sem einungis væri um drög að
reglugerð að ræða og ekki tímabært
að ræða þau við fjölmiðla.
í reglugerðardrögunum er gert
gert ráð fyrir því að sjúklingar þurfi
tilvísun frá heimilislækni við heim-
sókn til sérfræðings eða vegna rann-
sókna eða röntgengreiningar. Án
tilvísunar verði þeir að greiða helm-
inginn af kostnaði þjónustunnar en
þó aldrei hærri upphæð en 5000
krónur í stað 850 króna ef þeir eru
með tilvísun.
Guðmundur I. Eyjólfsson sagðist
ekki ætla að mæta á fundinn til þess
að mótmæla reglugerðinni og leggja
áherslu á að sérfræðilæknar semdu
ekki við aðra en samninganefnd
Tryggingastofnunar. Með reglu-
gerðinni væri verið að endurvekja
tilvísanakerfið sem hafi verið lagt
niður með lögum, slíkt feli í sér
samningsrof gagnvart sérfræðilækn-
um.
Þess má geta að heimilislæknar
styðja þær hugmyndir sem fram
koma í drögunum.
Um þetta upphlaup sem nú hefur
orðið vegna reglugerðardraganna
sagði Guðmundur Bjamason heil-
brigðisráðherra að fyrir skömmu
hafi samstarfshópur heilbrigðisráðu-
neytisins, sem í áttu sæti fulltrúar
heimilislækna og sérfræðinga, skilað
nefndaráliti um leiðir til að finna
nýtt fyrirkomulag í samskiptum
heimilislækna og sérfræðinga sem
gæti komið í staðinn fyrir tilvísana-
kerfið. Nefndarálitið hafi síðan verið
haft til grundvallar í drögunum sem
nú sé deilt um. Á fundi á mánudag-
inn hafi sérfræðilæknum og heimilis-
læknum verið afhent drögin sem
trúnaðarmál til að kynna þeim hug-
myndir ráðuneytisins. Einhver
þeirra hafi brugðist þessum trúnaði.
„Við kölluðum til fulltrúa heimil-
islækna og sérfræðilækna til að
kynna hugmyndir okkar í trúnaði.
Við töldum að við værum að leggja
drög að kerfi sem væri til fyrirmynd-
ar og vildum að þeirra vilja leyfa
þeim að fylgjast með framvindu
málsins. Á meðan málið var á
vinnslustigi voru þessar umræður að
sjálfsögðu í trúnaði, enda áttu þeir
að fá að koma skoðunum sínum á
framfæri á öðrum fundi á morgun.
Þeir bregðast síðan við þessum trún-
aði á þann hátt að afhenda fjölmiðl-
um reglugerðardrögin sem ekki eru
fullunnin. Ég verð að lýsa því yfir að
ég varð fyrir afar miklum vonbrigð-
um með þessi viðbrögð sérfræðing-
anna við þeim starfsháttum sem ég
var að reyna að taka upp, að eiga við
þá samskipti og gera þeim grein fyrir
gangi málsins.“ SSH