Tíminn - 22.12.1990, Blaðsíða 11

Laugardagur 22. desember 1990
Tíminn 11
Strandarkirkja í Selvogi.
Sr. TÓMAS GUÐMUNDSSON, Hverageröi:
Jól 1990
HÁTÍÐ ljóss og friðar upp er
runnin þá dagur er stystur í
voru landi. Fæðingarhátíð
frelsarans, en segja má að koma Jesú
Krists í heiminn sé mesti viðburður
veraldarsögunnar.
Það er gömul og góð venja að minn-
ast jólahelginnar með sérstakri hug-
vekju í öllum jólablöðum. Þessar
hugvekjur þykja ef til vill hver ann-
arri líkar og ekki veit ég hve margir
lesa þær, en nú skalt þú halda áfram
að lesa. Ef til vill geta eftirfarandi
ábendingar hjálpað þér að skynja
jólahelgina betur en ella.
Taktu biblíuna þína og lestu tvo
fyrstu kapítulana í Mattheusarguð-
spjalli, þú getur sleppt ættartölunni.
Síðan skalt þú lesa tvo fyrstu kapítul-
ana í Lúkasarguðspjalli og fella þess-
ar frásagnir saman. Upphaf Jóhannes-
arguðspjalls þarftu líka að lesa. Síðan
slekkurðu á rafmagnsljósunum og
hefur kveikt á jólakertinu þínu og
reynir að sjá fyrir þér atburðina sem
guðspjöllin greina frá. Þú skynjar
hinar furðulegu leiðir sem Guð fer til
að ná til okkar. Þær leiðir sem hann
fer til að fá okkur til að ganga veg
lífsins og kærleikans. Þú nemur stað-
ar í lestrinum og hugleiðir vissa
þætti nánar. Engillinn sagði við Mar-
íu: „Heil vert þú sem nýtur náðar
Guðs. Drottinn sé með þér. Þú munt
fæða son og þú skalt láta hann heita
Jesú.“ Og þú staldrar við, við frásögn-
ina er englarnir á jólanótt boðuðu
fjárhirðunum fæðingu frelsarans. Er
fjöldi himneskra hersveita sagði:
„Dýrð sé guði í upphæðum og friður
á jörðu með mönnum, sem hann hef-
ur velþóknun á.“
Efasemdir geta komið upp í hug
þinn og þú spyrð: „Hvað er að gera
með þessi gömlu austurlensku ævin-
týri um stjörnur og engla?“ En hvað
er veruleiki og hvað er ævintýri?
Frásögn er skráð, ekki í neinu guð-
spjalli, heldur í hjörtu íslensku þjóð-
arinnar, að á sjávarkambinum í Sel-
vogi hafi bjartur engill vísað sjó-
hröktu skipi veg. Sagan segir að
áhöfn skipsins hafi heitið að reisa
kirkju ef hún næði landi. Við það var
staðið og við Strönd í Selvogi hefur
kirkja verið síðan. Engin kirkja á
jafnmikil ítök í hjörtum íslenskra sjó-
manna, og jafnvel þjóðinni allri, og
Strandarkirkja, sem stendur eins og
útvörður á hafnlausri og strjálbýlli
strönd. Er eins og táknmynd er
minnir þig á Guðs almáttugu hönd,
er öllu stýrir.
Kristur er ljós heimsins. Eitt helsta
tákn jólanna er Ijósið. Ljósin sem við
tendrum á jólum lýsa upp myrkrið
hið ytra. Fagnaðarboðskapurinn um
fæðingu frelsarans á að lýsa upp hug
hvers manns.
Þú sem efast um mátt þeirrar birtu,
settu þig í spor þeirra manna sem í
stórsjó og náttmyrkri velktust á
stjórnlausu skipi úti fyrir skerjóttri
strönd og sáu allt í einu engil Guðs
sem vísaði þeim heilum leið til lands.
Reyndu að gera þér í hugarlund
vonargleði þeirra og fögnuð. Erindi
frelsarans í heiminn er að veita
hverju jarðarbarni fögnuð hinnar al-
gjöru björgunar.
Guð gefi þér og þínum gleðileg jól.