Morgunblaðið - 13.01.2006, Blaðsíða 15

MORGUNBLAÐIÐ FÖSTUDAGUR 13. JANÚAR 2006 15
ERLENT
Sjálfstæðisfélag
Kópavogs
Opið hús
með frambjóðendum
í prófkjöri
Sjálfstæðisflokksins
í Kópavogi
Sjálfstæðisfélag Kópavogs
hefur opið hús að venju á
morgun, laugardaginn
14. janúar, milli kl. 10 og 12
í Hlíðasmára 19
Frambjóðendur í prófkjöri
Sjálfstæðisflokksins í Kópavogi verða á
staðnum og eru allir Kópavogsbúar
boðnir velkomnir.
Kaffiveitingar.
Sjálfstæðisfélag Kópavogs.SÍMI 5 900 800
Ólafur B. Blöndal löggiltur fasteignasali
LAUGARÁSVEGUR/Efri hæð og ris m. bílskúr
Vorum að fá í sölu glæsilega 6 herbergja efri hæð og ris, vel ríflega 120 fm,
nánast ekkert undir súð, ásamt 26 fm bílskúr eða samtals 146 fm.
Eignin skiptist í: Forstofu með yfirbyggðum svölum til norðurs, hol, baðherbergi
með hornbaðkari, eldhús með nýrri innréttingu. 2 svefnherbergi með skápum. 2
samliggjandi stofur, svalir til suðurs. Efri hæð: 2 rúmgóð svefnherbergi og góð
geymsla. Mikið endurnýjuð eign með frábæru útsýni yfir Laugardalinn. SJÓN ER
SÖGU RÍKARI.
Verð 34,5 millj.
London. AP. | Ruth Kelly, mennta-
málaráðherra Bretlands, viður-
kenndi í gær á þingi að hún vissi ekki
hversu margir kynferðisbrotamenn
hefðu fengið leyfi til að starfa í skól-
um landsins.
Hart var sótt að ráðherranum og
afsagnar krafist en mál þetta kom
fram á miðvikudag þegar Kelly upp-
lýsti að kynferðisbrotamaður einn
hefði verið ráðinn kennari í skóla í
Norwich. Þar var um að ræða karl-
mann, sem ekki hafði verið dæmdur,
en hafði fengið viðvörun frá lög-
regluyfirvöldum eftir að hafa verið
staðinn að því að nálgast barnaklám
um Netið.
Boðar mjög hertar reglur
um starfsmenn skólanna
Kelly sagði á þingi í gær að nú
yrðu vinnureglur varðandi ráðning-
ar í skólum hertar. Reglur kveða á
um að kynferðisbrotamenn megi
ekki starfa í þeim stofnunum. Kvaðst
ráðherrann ekki vita í hversu mörg-
um tilfellum kerfið hefði bilað. Það
yrði og rannsakað.
Kelly tók fram að vandinn væri sá,
að í mörgum tilfellum ræddi ekki um
dæmda glæpamenn heldur menn,
sem einungis hefðu fengið viðvörun.
Reglur mæltu fyrir um að meta yrði
hvert slíkt tilvik. Þessu hyggst hún
nú fá breytt þannig að enginn grein-
armunur verði gerður á viðvörun og
dómi.
Frá árinu 1997 hafa nöfn kynferð-
isbrotamanna í Bretlandi verið færð
í sérstaka skrá.
Kynferðis-
brotamenn
í breskum
skólum
Istanbúl. AP, AFP. | Mehmet Ali Agca,
Tyrkinn sem reyndi að ráða Jóhann-
es Pál II páfa af dögum fyrir 25 árum,
var leystur úr haldi í Tyrklandi í gær
eftir að hafa afplánað fangelsisdóma
fyrir aðra glæpi.
Agca, sem er 48 ára, var framseld-
ur til Tyrklands árið 2000 eftir að
hafa setið í fangelsi á Ítalíu í nítján ár.
Í Tyrklandi var hann hnepptur í fang-
elsi fyrir morð á vinstri sinnuðum
blaðamanni árið 1979 og tvö banka-
rán á áttunda áratug aldarinnar sem
leið. Á þeim tíma var hann í hreyfingu
þjóðernissinnaðra hægrimanna, Grá-
úlfunum, sem tóku þátt í daglegum
drápum og bardögum við vinstri-
menn. Átökin kostuðu 5.000 manns
lífið og leiddu til valdaráns hersins ár-
ið 1980.
Tyrkneskur dómstóll komst að
þeirri niðurstöðu í vikunni sem leið að
Agca hefði lokið afplánun fangelsis-
dómanna. Sú niðurstaða er mjög um-
deild í Tyrklandi og margir Tyrkir,
þeirra á meðal ættingjar blaða-
mannsins sem myrtur var, hafa mót-
mælt henni harðlega.
Hikmet Sami Turk, sem var dóms-
málaráðherra Tyrklands þegar Agca
var framseldur, sagði í gær að dóm-
stólnum hefðu orðið á „alvarleg mis-
tök“ með því að fyrirskipa að fanginn
yrði látinn laus.
Cemil Cicek, dómsmálaráðherra
landsins, kvaðst ætla að fyrirskipa
áfrýjunarrétti að fara yfir niðurstöðu
dómstólsins og meta hvort honum
hefðu orðið á lagaleg mistök.
Hundruð þjóðernissinnaðra hægri-
manna söfnuðust saman á götum Ist-
anbúl í gær til að fagna því að Agca
var látinn laus. Um 250 vinstrimenn
efndu hins vegar til mótmæla fyrir
utan sjúkrahús í Istanbúl þegar Agca
var þar í læknisskoðun. Þeir héldu á
myndum af vinstrimönnum sem talið
er að Gráúlfarnir hafi orðið að bana.
Stóðu KGB og leyniþjónusta
Búlgaríu á bak við árásina?
Agca var 23 ára þegar hann hleypti
af byssu á Jóhannes Pál II páfa í Pét-
urskirkjunni í Róm árið 1981. Hann
hefur orðið missaga hvað eftir annað
þegar hann hefur verið spurður um
hvers vegna hann reyndi að myrða
páfa.
Fram komu fullyrðingar um að
sovéska leyniþjónustan KGB og
leyniþjónusta Búlgaríu hefðu staðið
fyrir árásinni. Saksóknurum á Ítalíu
tókst þó ekki að sanna að Agca hefði
tengst búlgörsku leyniþjónustunni.
Þegar Jóhannes Páll II heimsótti
Búlgaríu árið 2002 kvaðst hann aldrei
hafa trúað því að leyniþjónusta Búlg-
aríu væri viðriðin árásina.
Einn af virtustu rannsóknardóm-
urum Ítalíu á þessum tíma, Ferdin-
ando Imposkimato, sem rannsakaði
árásina, kvaðst í gær vera sannfærð-
ur um að leyniþjónustur Sovétríkj-
anna og Búlgaríu hefði átt þátt í árás-
inni. Hann varaði við því að líf Agca
kynni að vera í hættu þar sem hann
gæti ljóstrað upp mörgum leyndar-
málum. „Ég tel að tyrkneska stjórnin
þurfi að tryggja öryggi Agca vegna
þess að hann veit um svo mörg leynd-
armál og verður ef til vill myrtur,“
sagði Imposimato.
Margir telja Agca bilaðan á geðs-
munum og hann hefur oft haldið því
fram að hann sé „annar Messías“.
Aðrir álíta hann mjög slóttugan
glæpamann sem leiki fífl.
Hyggst berjast fyrir lýðræði
Lögfræðingur Agca sagði hann
ætla að taka þátt í „baráttunni fyrir
lýðræði“ og stuðla að friði í heimin-
um. Hann gerði lítið úr viðvörunum
um að líf Agca kynni að vera í hættu.
Eftir að Agca var látinn laus var
hann fluttur á skráningarskrifstofu
tyrkneska hersins vegna þess að
hann kom sér hjá því að gegna her-
þjónustu áður en hann var hnepptur í
fangelsi. Þaðan var hann færður á
hersjúkrahús og eftir læknisskoðun
var hann fluttur á óþekktan stað.
Lögfræðingurinn sagði að Agca
hygðist búa í einu úthverfa Istanbúl
og gefa sig fram tvisvar á dag á lög-
reglustöð í borginni þar til herinn
ákveður hvort hann eigi að gegna
herþjónustu. Lögfræðingurinn segist
ætla að óska eftir því að Agca þurfi
ekki að gegna herþjónustu, að hann
fái annaðhvort háa sekt eða undan-
þágu.
Tyrkinn sem reyndi að
myrða páfa látinn laus
Reuters
Mehmet Ali Agca (fyrir miðju) í fylgd tyrkneskra lögreglumanna eftir að
honum var sleppt úr fangelsi í Istanbúl í gær.
TILRAUNIR þýska útgáfufyrir-
tækisins Springer Verlag, sem með-
al annars gefur út Bild Zeitung,
stærsta dagblað Evrópu, til þess að
komast inn á sjónvarpsmarkaðinn
með yfirtöku á sjónvarpsstöðvum
ProSiebenSat.1 hafa gengið brösug-
lega. Á þriðjudag kom bakslag í
þessar fyrirætlanir þegar sérstakt
ráð um samþjöppun á fjölmiðla-
markaði, þekkt undir skammstöfun-
inni KEK, lagðist gegn því að stöðv-
arnar yrðu seldar Springer.
Í gær sögðu þýskir fjölmiðlar frá
því að fram hefði komið gagntillaga
frá Springer-forlaginu þess efnis að
við kaupin yrði stöðin ProSieben
seld út úr fjölmiðlafyrirtækinu.
Þessi tillaga hefur í för með sér að
KEK þyrfti að fara yfir málið að
nýju, en ólíklegt er að hún legðist
gegn yfirtöku forlagsins vegna þess
að án ProSieben er áhorfshlutfall
stöðva fyrirtækisins aðeins 15%. Að
sögn KEK væri þá ekki lengur um
að ræða yfirburði í skoðanamyndun,
samkvæmt því sem kom fram á
þýska netmiðlinum Netzeitung.de.
Deila nú um
tímasetningu
Þýska samkeppnisstofnunin (Bun-
deskartellamt) þarf einnig að leggja
blessun sína yfir yfirtöku Springer á
sjónvarpsfyrirtækinu. Eftir tilboðið
um að selja ProSieben deila stofn-
unin og fjölmiðlarisinn nú um það
hvenær það ætti að gerast. Springer
vill fá ár til að selja stöðina af skatta-
legum ástæðum, en bæði samkeppn-
isstofnunin og KEK vilja að það ger-
ist fyrir yfirtöku.
Í fréttum kom fram að núverandi
stjórn ProSiebenSat.1 hafi ekki ver-
ið látin vita af þessari tillögu Spring-
er. ProSiebenSat.1.
Frá því að ProSieben og Sat.1
sameinuðust á sínum tíma hefur
fyrrnefnda stöðin dregið vagninn og
tryggt afkomu fjölmiðlafyrirtækis-
ins. Það var ekki fyrr en á síðasta ári
að Sat.1 fór að standa fyrir sínu eftir
að stöðin hafði verið rekin með tapi
um árabil.
Getgátur um að Niki
Lauda kaupi ProSieben
Þegar er farið að velta vöngum yf-
ir væntanlegum kaupendum að Pro-
Sieben og er kappaksturshetjan
fyrrverandi, Niki Lauda, meðal
þeirra, sem hafa verið nefndir. Innan
forlagsins hafa verið hugmyndir um
að fara inn á sjónvarpsmarkaðinn frá
því á sjöunda áratugnum þegar það
var undir stjórn Axels Springers
heitins.
Springer gefur út fjölda dagblaða
og yfirvöld í Þýskalandi hafa haft
áhyggjur af því hvaða áhrif það hefði
á skoðanamyndun í landinu bættust
sjónvarpsstöðvarnar við. Með því að
selja hluta sjónvarpssamsteypunnar
ProSiebenSat.1 gæti þó svo farið að
lokum, að fjölmiðladraumur Spring-
ers rættist.
Reyna að liðka fyrir
kaupum á sjónvarpsveldi
Útgáfufyrirtækið Springer Verlag í Þýskalandi kemur
til móts við samkeppnisyfirvöld og fjölmiðlaeftirlitið