Morgunblaðið - 13.01.2006, Blaðsíða 21

MORGUNBLAÐIÐ FÖSTUDAGUR 13. JANÚAR 2006 21
MINNSTAÐUR
SUÐURNES
LANDIÐ
Keflavík | „Ég hef nóg að gera. Er
til dæmis að skrifa niður ýmsar
minningar og sögur,“ segir Björn
Stefánsson, fyrrverandi innkaupa-
stjóri Hitaveitu Suðurnesja. Þótt
hann hafi hætt í föstu starfi hjá
Hitaveitunni vegna aldurs fyrir tíu
árum hætti hann ekki fyrr en núna
um áramótin sem ritstjóri Frétta-
veitunnar, fréttabréfs fyrirtækisins,
rétt áður en hann varð 81 árs.
Björn hóf störf hjá Hitaveitu Suð-
urnesja í maí 1976 og var annar
starfsmaður fyrirtækisins, aðeins
hitaveitustjórinn var fyrir. Hann hóf
störf sem aðalbókari en var síðar
ráðinn í nýtt starf innkaupastjóra
þegar fyrirtækið stækkaði.
Þótt Björn hætti sem innkaupa-
stjóri Hitaveitu Suðurnesja sjötug-
ur hélt hann áfram að rita fund-
argerðir stjórnar og að ritstýra og
gefa út Fréttaveituna. Hann hætti
að rita fundargerðirnar fyrir rúm-
um fimm árum.
Læsilegt blað
Hitaveitan byrjaði að gefa út
Fréttaveituna 1981 og hefur Björn
annast hana allan tímann. Fyrsti
forstjóri fyrirtækisins, Ingólfur Að-
alsteinsson, bað hann um gefa út
fréttabréf fyrir Hitaveituna og
starfsfólk hennar. „Ég hafði ærið að
gera á þessum tíma en tók þetta að
mér þrátt fyrir það,“ segir Björn.
Hann tekur fram að fyrstu árin hafi
fréttabréfið ekki komið reglulega
út. En frá árinu 1994 hafi útgáfan
verið í föstum skorðum, fyrst hálfs
mánaðarlega og síðan mánaðarlega.
Blaðið í desember, síðasta blað
Björns, var 210. tölublað Fréttaveit-
unnar.
Frá upphafi var markmið Frétta-
veitunnar að upplýsa starfsmenn og
stjórnarmenn um starfsemi fyrir-
tækisins. Einnig átti það að vera
vettvangur fyrir starfsfólk að láta í
sér heyra. „Þeir hafa verið heldur
tregir að skrifa en stundum hefur
tekist að fá ágætar greinar frá
þeim. Svo hefur það alltaf verið
markmiðið að hafa blaðið læsilegt,
ekki aðeins þurrar upplýsingar,“
segir Björn. Hann hefur leitað fyrir
sér í gömlum gögnum og birt ýmsan
fróðleik og frásagnir af atburðum á
Suðurnesjum og skopsögur, auk al-
menns efnis á vegum fyrirtækisins.
Hefur þar safnast upp talsvert
mikill fróðleikur um hitaveituna og
sögu hennar, um fyrirtæki sem hita-
veitan hefur átt aðild að, svo sem
um Saltverksmiðjuna á Reykjanesi
og Bláa lónið.
Fréttaveitan er ekki hefðbundið
fréttabréf, eins og sést á þessu, og
það fer víða. Kemur út í 300 eintök-
um og liggur frammi á skrifstofu
Hitaveitunnar og Bókasafni Reykja-
nesbæjar. Svo eru allmargir fastir
áskrifendur sem fá blaðið sent í
pósti. Loks má nefna að efni blaðs-
ins er birt á vefnum, á heimasíðu
HS hf., og unnið er að því að gera
eldra efni þess aðgengilegt þar
einnig.
Rétt að draga saman seglin
„Ég hefði ekki verið að þessu, ef
ég hefði ekki haft eitthvert gaman
af. Að vísu verður konan stundum
þreytt á þessu. Mikið af efninu kem-
ur á síðustu stundu og þá hefur
vinnudagurinn verið dálítið langur,“
segir Björn.
Blaðið er að öllu leyti unnið á „rit-
stjórnarskrifstofunni“ á heimili
Björns og konu hans, Helgu Krist-
insdóttur, og tekur Björn fram að
Helga hafi hjálpað sér mikið við frá-
gang á blaðinu.
„Nú eru ákveðin tímamót hjá
okkur. Ég er orðinn dálítið gamall
og svo erum við að flytja í minni
íbúð,“ segir Björn þegar hann er
spurður að því af hverju hann hafi
ákveðið að hætta útgáfunni.
Þau hjónin hafa selt húsið á Há-
holti 27 í Keflavík sem þau byggðu
með eigin höndum og hefur verið
heimili þeirra í 45 ár, og flytja í lok
næsta mánaðar í Búmannaíbúð í
Innri Njarðvík. „Það er mikil vinna
framundan við að flokka gögn og
henda og síðan að koma sér fyrir á
nýjum stað. Við þetta bætist að ég
fékk hjartaáfall í byrjun desember,
áfall eins og ég hef áður fengið, og
okkur fannst eðlilegt að draga sam-
an seglin,“ segir Björn. Hann segist
þess þó fullviss að stjórnendur Hita-
veitunnar muni halda merkinu á
lofti með áframhaldandi útgáfu
Fréttaveitunnar.
Keflavíkurkímni og
Suðurnesjahúmor
Björn kvíðir því ekki að hafa ekki
nóg fyrir stafni. Hann hefur gaman
af skriftum og hefur á undanförnum
árum verið að skrifa niður gaman-
sögur og minningar af ýmsu tagi.
Hann sýnir blaðamanni handrit með
gamansögum af Suðurnesjum sem
hann nefnir Keflavíkurkímni og
Suðurnesjaskop. Þetta er efni í heila
bók en Björn segist hafa safnað
þessu sér til gamans en ekki sér-
staklega með útgáfu í huga. Einnig
hefur hann skrifað niður fjölda
skemmtilegra tilsvara á vettvangi
Hitaveitunnar, auk ýmissa frásagna
af mönnum og málefnum á Suður-
nesjum. Þessu hyggst hann halda
áfram.
„Ég veit ekki hvort þú átt að
skrifa það niður en ég hef skrifað
formála að minningargrein um mig í
Morgunblaðið,“ segir Björn og bros-
ir. Það segist hann hafa gert vegna
þess að oft séu villur í formálum
minningargreina. Fólk viti greini-
lega ekki nógu mikið um sína nán-
ustu. Hann segist hafa látið öll
börnin sín hafa upplýsingarnar svo
það hendi þau ekki.
Harður Keflvíkingur
Björn fæddist í Reykjavík en
fluttist til Keflavíkur sex ára og hef-
ur búið þar síðan. Hann segist vera
harður Keflvíkingur og segist aldrei
hafa búið í Reykjanesbæ – en þó
ekki svo harður að hann geti ekki
flutt til Innri-Njarðvíkur eins og nú
stendur til. „Þetta eru skemmtileg-
ar íbúðir sem Búmenn eru að
byggja og svo má segja að við séum
að fara á æskuslóðir konu minnar
sem ólst upp í Innri-Njarðvík,“ seg-
ir Björn Stefánsson.
Björn Stefánsson hættir að gefa út Fréttaveitu Hitaveitu Suðurnesja, kominn á níræðisaldurinn
Skrifar niður frásagnir
og safnar skopsögum
Morgunblaðið/Helgi Bjarnason
Keflavíkurkímni Björn Stefánsson hefur gaman af broslegum hliðum til-
verunnar og hefur safnað ógrynni skemmtisagna af Suðurnesjum.
Eftir Helga Bjarnason
helgi@mbl.is
Vestmannaeyjar | Vefsíðan heima-
slod.is var opnuð nýlega en þar er
um að ræða einkar áhugavert verk-
efni sem Frosti Gíslason, fram-
kvæmdastjóri umhverfis- og fram-
kvæmdasviðs Vestmannaeyjabæjar,
hefur leitt. Heimaslóð er gagnvirkur
margmiðlunarvefur um Vestmanna-
eyjar og nú þegar er hægt að finna
mikinn fjölda upplýsinga um Vest-
mannaeyjar fyrr og nú en hann verð-
ur í stöðugri þróun enda fjöldi
manna sem kemur að upplýsingagjöf
fyrir vefinn og ætlunin er að hann
verði í stöðugri þróun.
Nafnið heimaslóð er fengið úr
smiðju Ása í Bæ og á forsíðunni er
allur textinn og orð í honum eru not-
uð sem tenglar inn á undirsíður.
Fyrsta lína er: Meðan öldur á Eiðinu
brotna og er „Eiðinu“ tengill inn á
undirsíðu um Þrælaeiði sem er
gamla nafnið á því sem Eyjamenn
þekkja sem Eiðið í dag.
Fyrir Eyjamenn nær og fjær
Frosti segir að vefurinn sé hugs-
aður fyrir Eyjamenn nær og fjær en
er opinn öllum og það eiga allir að
geta sett inn upplýsingar á vefinn
með því að sækja um lykilorð. Til að
hrinda verkefninu af stað var sótt
um styrk til Opinnar menningar en
það verkefni er á vegum mennta-
málaráðuneytisins og iðnaðarráðu-
neytisins og einnig var leitað til sam-
starfs við Svæðismiðlun Suðurlands.
Segir Frosti að til þess að gera
vefinn bæði skemmtilegan og fróð-
legan verði að hafa mikið af ljós-
myndum og margmiðlunarefni eins
og gagnvirkum kortum og ítarlegum
textum um allt milli himins og jarðar
sem viðkemur Eyjum. „Heimaslóð á
að vera upplýsingaveita fyrir alla þá
sem vilja kynna sér Vestmannaeyjar
og það sem hér hefur gerst í verslun,
íþróttum, útgerð, fiskvinnslu, jarð-
fræði, lífríki og sögu samgangna svo
eitthvað sé nefnt.“ Á vefnum verða
myndbönd, hringmyndir, gagnvirk
kort, hljóðefni og gagnvirk forrit.
Nýverið var afhent úr styrktar- og
menningarsjóði Sparisjóðs Vest-
mannaeyja sem stofnaður var til
minningar um Þorstein Þ. Víglunds-
son, fyrrverandi sparisjóðsstjóra.
Þar fékk heimaslod.is styrk ásamt
Visku og Fjölsýn vegna verkefnisins
Húsin í götunni. Védís Guðmunds-
dóttir tónlistarmaður var einnig
styrkt sem og Rannsóknar- og
fræðasetur Vestmannaeyja.
Upplýsingaveita fyrir alla sem
vilja kynna sér Vestmannaeyjar
Morgunblaðið/Sigurgeir
Heimaslóð Bergur Elías Ágústsson bæjarstjóri færði Frosta Gíslasyni
blómvönd þegar heimaslod.is var opnuð. Í fangi Frosta er dóttir hans,
María Fönn sem ýtti á takkann sem setti vefinn í loftið.
Nýtt sýningafyrirkomulag
- Tryggðu þér sæti!
Stærðarmunur
Jóhann heitinn Guðnason,
bóndi og kaupmaður á Vatns-
nesi, var með stærstu mönn-
um og kloflangur mjög. Ein-
hverju sinni var hann á tali við
nokkra menn, þeirra á meðal
einn, sem var mjög lágvaxinn.
Sagði þá einn viðstaddra:
„Þetta er nú meira rokið!“
„Finnst þér það?“ svaraði sá
stutti.
„Það er ekki von, að þú
finnir það, sagði þá Jóhann,
„það fer fyrir ofan þig!“
„Já – og gegnum klofið á
þér“, sagði þá sá stutti snar-
lega.
Hjálpsemi við soninn!
Sigurgeir Þorvaldsson, sem
notað hefur höfundanöfnin
Sláni slagbrands og Kálhaus,
gekk í hús og seldi bók sína,
Hryðjuverk og hringhendur.
Á einum staðnum kom öldruð
kona til dyra og sagði: „Hvað
get ég gert fyrir þig, væni
minn?“
„Ég er nú bara að hjálpa
honum syni mínum að selja
bókina, sem pabbi hans
gerði!“ svaraði Sláni.
Suðurnesjaskop